Deuteronomio 9:13 - Biblia Dc en Mixe de Quetzaltepec

¹³ Täätsës ojts näjyëtu'un xy'ënëëmë: Tëës nijawë ko ya'atë naax kajpn ninu'un kyakäjpxyjyä'äkyukëtë.

Biblia Mixe de Quetzaltepec

¹³ Täätsës ojts näjyëtu'un xy'ënëëmë: Tëës nijawë ko ya'atë naax kajpn ninu'un kyakäjpxyjyä'äkyukëtë.

Deuteronomio 9:13 ပူးပေါင်းရင်းမြစ်များ

Deuteronomio 10:16

Pëjkta'aktë jap ma mjot mwinma'anyëtyën ja oy'aaw oy'ayuk, mëti'ipë mëët yë Wintsën të xyaj'apaatëtën ets këtii ni'ikyë m'ëk kujuun'o'knëtëty.

Deuteronomio 9:6

Yë'ë mnijawëtëp ko tääpë naaxwiinyëtë mëti'ipë tyam yë Wintsën mooyëtëpën ka'ap nyäkyumayëty mëti'ipë miits mpatëtëpën. Jä'ä ko miitsëty jä'ä të mnäpyëjkta'akëtë kujuun, ka'ap tsojk mkäjpxyjyä'äkyukëtë.

2 Reyes 17:14

E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

Deuteronomio 31:27

Jä'ä ko wa'atsës nijawë ko miitsëty je'eyë mkäjpxykyumëtoownaxtë, ninu'un mka'ëëwmëtow mkakäjpxymyëtowtë, maas tyam njaakjuuky'ätyën ma miitsëtyën tëë xykyäjpxy kumëtoownaxtës, ¿wi'ixjaty jëtää m'ëtë'ëtsa'antë koos ënety të n'o'knë?

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Oseas 6:10

Jam Israel, jamës të n'ixy wi'ix ja'ay ëxëëk y'ëtë'ëtstë y'ëna'antën: Yë Efraín jëtu'un yë'ë tä tu'uk yë to'oxytyëjkën mëti'ipë tyo'knëp yajknëp yë jyot nyini'kx, yë Israel tëë nyäyaj'ëxëëkëty.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Jeremias 7:11

¿Jëtu'un xyjyëjp'ixtë ko ya'atë ntsajptëjkës ma ëjts nyaj'ëwtatyën, mä'tsëntëjk yë'ëjë? Ëjts wa'atsës nijawë tiijaty mtuuntëpën. Ëjts Wintsën, ëjts ënaanp.

Salmos 50:7

Mëtoow'itë, miitsëty Israel ja'ayëty, mëti'ipës nnaax'ajtyp nkajpn'ajtypyën, tyam mijts yajxon nmëkajpxa'any. Ëjts jëtu'un Dios, ëjts mijts xyTyios'ajtp.

Génesis 18:21

Tyam yë'ëjës ninëjkxyp etsës n'ixa'any pën yë pyokyëty mëj oynyë jëtu'un ijxtëmës të nyaj'ënëëmëtën jëtu'un'äämpyës nijawëty yajxon.

Génesis 11:5

Ënet ojts ja Wintsën tniku'ijxnaxy ja naax kajpn ets ja mëjpotsy mëti'ipë ënety ja naaxwiinyëtë ja'ay ëka'any kyojtso'ontaktëpën.