Deuteronomio 8:8 - Biblia Dc en Mixe de Quetzaltepec

⁸ Ma tääpë it naaxwiinyëtën ijtp wintëëp jam yë tsajpmok, cebadë, tsatsymkyam, higo kam, granadë kam, olivë kam ets uuxpa'ak.

Biblia Mixe de Quetzaltepec

⁸ Ma tääpë it naaxwiinyëtën ijtp wintëëp jam yë tsajpmok, cebadë, tsatsymkyam, higo kam, granadë kam, olivë kam ets uuxpa'ak.

Deuteronomio 8:8 ပူးပေါင်းရင်းမြစ်များ

Génesis 49:11

Mëti'ipë kyutsuumpyën yë kyërukts ma aay kepyën, ja jë'kxykyepy mëti'ipë tëëmpäjtpën, ets mëti'ipë pyujpyën yë wyit mëët yë tsatym nyëë tëëpë nyimaanaxyën.

2 Samuel 4:6

Ja to'oxytyëjk mëti'ipë tëjk këwent'ajtpën, tsajpmok ënety jam yajpajk'ajtyp, e ojts näjyëtu'un ja tsuu pyäätyë tääts myaanajxy; paaty ja Recab ets ja y'uty Baaná jotkujk jap tyëjkëtyë tëkoty ets ka'ap pën y'ijxëtë.

1 Reyes 5:11

e ja Salomón ojts näjyëtu'un ja Hiram tmo'oy ja jë'kxy pëky mëti'ipë ënety të pyëjktsoyën ets yë'ë jam tyajtunëty ma ja kyutujktaknën; jä'ä tmooy winë, tu'kmillon ja mëko'px tsim yë tsajpmok ets majktaxk mil ja majktaxk mëko'px tsim ja olivë on oypyë. Jëtu'un ja Salomón ijty tuknikexy winë ja Hiram, winjëmëjt.

2 Reyes 18:32

Yë'ë kë'ëm nëjkx tu'uk ja tsënaaytyakn mo'ojëtë jëtu'unpë y'ixëtyën tä ya'atë mnaaxëtyën, ma winë oy y'ity wyintëyën, ijxtëm ja tsatymyën, higo ets mëti'ipë mtukjuuky'ajtëpën, ka'ap y'ëmaaytya'akëty ja jë'kxy pëky. Jotkujk jam nëjkx mjuuky'atë, nii tii xykyayaj'ëmaaytya'aktëty. E yë Ezequías këtii xyjyä'äkyujkëtë yë y'ayuk, jä'ä ko mwin'ë'ënëtëp yë'ë ko y'ënä'äny ko yi'iyë yë Wintsën xytyuk'ijpätëty.

Salmos 147:14

Yë'ë mtukpat mtuk'ijxëp yë jotkujk'ajtën, ets myaj'ityë ku'uxyë jotkëtä'äky mëët yë jë'kxy pëky oyjyätyëtypë.

Salmos 81:16

Dios yë'ë jeexyë nyaax kyajpn yajkääpy yaj'ukpy mëët yë tsajpmok, ets yë'ë jeexyë tyëëtsë tyukyajmoonëp yë uuxpa'ak.

Isaías 7:23

Jä'ä xëëw, ja kam tu'u mëti'ipë myëët'ajtypyën tu'uk mil yë tsatsymyon, mëti'ipë tsoowpatpën tu'uk mil ets yë'ë poop pujxn meeny; jä'ä y'awinpita'any äpnyjyot ets aayjyot pejyjot.

Jeremias 2:7

Ëjts ojts yaa miitsëty nyajmintë ma jyi'kxynyaaxjotëtyën ets xyjyë'kxtëty xypyëktëty ja aaytyëëm ujtstëëm, aakyë'ë oyjyätyëtypë mëti'ipë yaa pëtsëëmpën kamjoty tu'ujoty. E miitsëty ojts mintë ets xyaj'ëxë'këtyë ja nnaaxës, je'eyës ojts njot kyu'kxpëky maas ja nkajpnën.

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënety mtijpyën ko tya'tspëkyëty ets kyëwent'atyëty.

Ezequiel 27:17

Näyjyëtu'un yë Judá ets Israel nän ajuuy ato'kp ijty mëët mijts ets yë'ë mtukmëjuuyëp yë Minit tsajpmok mëët tsajpkääky mëjjatyëtypë ets uuxpa'ak ets on ets tsooy mëti'ipë ja'ay nätyukja'axëpën mëti'ipë pa'akxu'kpën.

Oseas 2:22

Yë naaxwiinyëtë nëjkxëp t'ëtsoowinpity yë tsajpmok, yë tsatym nyëë ets olivë on ets yë'ëjëty nëjkxëp yë Jezreel t'ëtsoowinpitë.

Oseas 2:8

E yë'ë ka'ap ojts t'ixkäpy ko ëjts ijty nyajkääpy nyaj'ukpy, ko ëjts ijty nmoopy yë tsajpmok, yë tsatym nyëë tëëpë nyimaanaxyën ets on. Ko ëjts ijty nmoopy yë pyu'tspujxn mëti'ipë tyuk'oytyuunën yë y'awinax.

Miqueas 4:4

Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Habacuc 3:17

Ënätës ntukxoonta'aka'any ja Wintsën mëti'ipë yajnitsokpën. Je'eyëmës nmëjjawëja'any nkënu'kxyjyawëja'any yë higo kepy, tsatym kyepy ets olivë'aats oy ka'ap yë pyijy t'ëk pëjktaknëty ets kya'ëktëëmpäjnëty; oy jam kamjotm tii kya'ëkwintëëwnëty; oy kya'ëknimayënëty yë kupixyny ets tsajpkaa ma ku'ëkemy yajpaatën.

Juan 6:13

Ënet tpëjkmujktë ets tyaj'ujtstë majkmäjtsk katsy ja tsajpkääky mëti'ipë natëjkëyën.

Juan 6:9

Tyaa tu'uk pi'k ëna'k, tap mëkoxk yë tsajpkääky tmëëtëty ets mäjtsk yë ajkx, je'eyëp ko ka'ap myëta'akëty mëët ya'atë mayjyä'äy.

Deuteronomio 32:13

Yë'ë ojts xëmë yajmëta'akëtë oymyaajëty, tyimjajtë jam jëtu'un kopkkëjxm, ko jam jyajtë ojts tyukjë'kxëtë ja aaytyëëm ujtstëëm jampë yajpaatyën kamjotm tu'ujotm, ojts tyukjë'kxëtyë ja uuxpa'ak, mëti'ipë ojts tsaajoty tpaatën, ets ja on mëti'ipë tsaakëjxm yoonë'kpën.

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.

Deuteronomio 6:3

E paaty yam n'ënëëmëtë miits Israel ja'ayëty, ko yë'ë mpatuntëp. Jëtu'un oy mjuuky'atëty ets nëjkx m'awinpitë tu'uk mëj kajpn ma ya'atë it naaxwiinyëtën, ma ka'ap yë jë'kxy pëky y'ëmaaytyä'äkyën, jëtu'un ijxtëm yë Wintsën mëti'ipë m'ap m'ok Tyiosajtën ojts twinwanën.

Deuteronomio 8:7

Yë Wintsën tëë tuknipëjktaakë, ko jam myajnëjkxa'anëtë ma ja oy'it oynyaaxën, ma ka'ap tii y'ëmaaytyä'äkyën. Jam'ajtp mëjwiin këjää ja nëë, wä'än tjamëty joyjyotm ets kopkjotm.

Deuteronomio 8:9

Ma tääpë it naaxwiinyëtën ka'ap nëjkx xymyëmay xymyëtajtë tii mjë'kxtëp mpëktëp, tii myajtuntëp ets tii mnijuuky'atëpën. Jam nitii nëjkx kyatëkoy'äty, jä'ä ko ma tääpë it naaxwiinyëtën tsaajoty nëjkx xynyipujxtu'ut xynyika'tstu'utë yë juunpujxn ets jam tunkëjxm nëjkxëp xypyaatë yë tsaptspujxn. Jëtu'un'äämpy nëjkx xymyëët'atë yë juunpujxn.