Deuteronomio 8:2 - Biblia Dc en Mixe de Quetzaltepec

² Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Biblia Mixe de Quetzaltepec

² Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Deuteronomio 8:2 ပူးပေါင်းရင်းမြစ်များ

Génesis 22:1

Tëkok yë Dios ojts yë Abraham twinma'any'ixy ets ojts tukmëkäjpxy yë xyëëw ets y'ëtsooy: Tyaajës jä'ä.

2 Crónicas 32:31

Jëtu'un jyäjty kyëpejty tëkok, ko ja Babilonyë ja'ayëty ja kyutuunkëty tkäjxtë jam ma ja Ezequías ja kyajpnën ets tyajtëwa'antë wi'ixën ja Wintsën ënety ja naax kajpn të tputëkë. Yë Wintsën atu'uk t'ëxmajtsy yë Ezequías ets twinma'any'ixa'any wi'ix myäy tyäjyën.

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënety ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

Nehemías 9:19

mijts, ko tääjën ja m'ëma'atjot xy'ëkmëët'aty mëjwiin këjää, ka'ap jam jëtu'unyë xynyikäk të'ëts'itjotm. Ja yoots nëma'a mëti'ipë ënety winye'eyëtëpën xëëny ka'ap ojts tyajjëwä'äky ets näjyëtu'un ja jëën mëti'ipë ënety koots winye'eyëtëpën.

Job 33:17

ets tukmëjëkämkä'äka'any ëxëëktu'un ëxëëk kajpxën, këtiipë mëj jaanty nyäyajnaxëtëty.

Salmos 103:2

Tu'ukyë aaw tu'ukyë jot yë Wintsën nkënu'kxyjyawëja'anyës, ka'apës nijëna'a nja'atyëkoyä'äny yë y'oyjyot y'oywyinma'any.

Salmos 106:7

Yë nteety n'apëtyës ka'ap ojts jap Egiptë tmëj'ix tmëjpëjkta'aktë ja mmëjajtën, ojts tja'atyëkooynyëtë ja mëjpë këjääpë ja mtsojkën mja'awën, ets ojts kyäjpxykyumëtoownaxtë winkon ma Tsaptsmejyën.

Salmos 136:16

Mëti'ipë ojts ja nyaax kyajpn twoownëjkxyën jam të'ëts'itjotm, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 77:11

Tyam je'eyës njaakja'amyätsa'any wi'ix ojts yë Wintsën winë mëj këjää tunyën tkäjpxyën;

Salmos 81:7

Jam mijts të xymyëkäjpxyës ma ënety ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Éxodo 15:25

Tä ja Moisés ojts t'amëtoy ja putëjkën pupäjtën ma Wintsën Tiosën, ënät ojts tyukni''ixëty tu'uk yë kepyxye'enty, tä yë Moisés tnëëkupëjky ya'atë kepyxye'enty ets ojts ja nëë y'awinpity pa'ak. Jam ja Dios ojts wyinma'any'ixëtë ets tpëjktäky tu'uk yë ënä'ämën ma yë'ëjëtyën mëti'ipë pyatuntëpën.

Éxodo 16:35

Yë Israel ja'ayëty jä'ä ja maná tkaaytyë t'uktë wëxtyikxy jëmëjt, koonëm ojts jam jya'të ma ja naax kajpnën, ma ja tsyëpa'an nyäxyën ja Canaán itjotm.

Éxodo 16:4

Ënet ja Dios t'ënëmaay ja Moisés: Ntuknikäxantëp yam yë ka'ayën ukën may'äämpy mëti'ipë tso'onpën tsajpjotm, winjopy yë ja'ay tpëjkmujkojtëty yë jyi'kxy pyikyëty, jëtu'un tä t'a'ixëtën naje'eyë nyipaatëty tu'kxëëw. Ëjts n'ixäämpyës pën jyänty kuuytyuuntëp jëtu'un tääjës yam nikäjpxyën.

Éxodo 20:20

Tä ja Moisés y'ëtsowëtë: Këtii mtsë'ëkëtë, Dios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Dios nyija'ap wi'ix yajpaaty.

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Amós 2:10

E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënety yë'ëjëty jyä'ä'ajtëpën.

Lucas 18:14

Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Dios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Juan 2:25

Ka'ap tuk'ëwaanë tsoky, wi'ixjaty ja ja'ay jyä'äy'atën, wa'ats nijawë wi'ix ja y'aaw jyotëtyën.

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënety ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënety tsyëënën Hesbón ets ma ënety näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënet ja Moisés tuk'ëwa'anëy ja naax kajpn, jëtu'un tä ënety ja Dios të y'ënë'ëmxëtën ets tmooy ja aaw ayuk mëti'ipë mëpaat tpatuntën.

Deuteronomio 1:33

Oy yë'ë mjatu'uwinwowëtë ets të t'ixta'ay ja it naaxwiinyëtë ma mtsënaaytyaknpëktëtyën. Ko ënety kyoots'aty, yë'ë mëët ja jëën tkutë'kxy ja në'ë tu'u, mëti'ipë mëpaat xypyanëjkxtën; e ko xyiiny'äty, yë'ë mëët ja yoots mtu'uwinye'eyëtë.

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

Deuteronomio 2:7

Yë'ë ja'awëy'itë ko Dios mëj këjää xykyënu'kxëmë, oy tii ntimtyu'unëmë. Ix jënu'un wëxtyikxy jyëmëjt të nyäxy ets yë'ë të tyimyajpaaty xëmë mëët ëëts'ajtëmë, ko të jyëtu'un'aty nitii të nkayajmëyajtëmë.

Deuteronomio 29:5

Ix jënu'un miitsëty të ntu'uwinwowtë, yaa të'ëts'ituuy wëxtyikxy jëmëjt ets ma tääpë wëxtyikxy jëmëjtpë të nyäxyën, ka'ap yë mkë'ëkëty ets mwitëty wi'ix të jyatë.

Deuteronomio 32:7

Ëkmëmay ëkmëtaj, ets ëkja'amyäts ja tëëyëpë; pën ka'ap xyjyä'äymyetsy, yajtëw ja mteety mtaak, wä'än mtukmëmëtyä'äkyë:

Deuteronomio 7:18

Tyam miits n'ënëëmëtë, ko këtii xytsyë'ëkëtëty. Yë'ë ëkja'amyätstë wi'ix yë Wintsën tuunyën yë yajkutujkpë ets tëkokyë yë Egiptë ja'ayëty.

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Santiago 1:3

Jä'ä ko miitsëty mnija'awëtyëp ko ja mmëpëjkën yaj'ijxp pën mëk, ënät xymyëwij xymyëkäjtë wi'ix xymyëtänëtëty amëk jotmëk ja ëyo'on jotmay.

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

Jueces 2:22

Ja Dios jä'ä ënaty jya'ixäämpy pën ja Israel ja'ayëty pyanëjkxtëp oy ja Wintsën ja nyë'ë'aaw tyu'u'aaw, jëtu'un tä ënety ja y'ap y'okëty të y'itën.

Jueces 3:4

Ya'atë naax kajpn paatykyëjxm ojts yë Wintsën tyajwë'ëmy ets yë'ë mëët t'ixmatsa'any ja Israel ja'ayëty wi'ix myäytyën tyajtën, pën pyatuuntëp ja ënä'ämën tëyajtën mëti'ipë ja Wintsën ënety të tmo'oyën ja y'ap y'okëty mëët ja Moisés.