Deuteronomio 8:16 - Biblia Dc en Mixe de Quetzaltepec

¹⁶ Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Biblia Mixe de Quetzaltepec

¹⁶ Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Deuteronomio 8:16 ပူးပေါင်းရင်းမြစ်များ

Deuteronomio 8:3

Oy ojts mëk m'ëk ëyowtë ets m'ayuu'ajt m'ëxëëwajtë, yë'ë, ojts jatëkok mpa'ëyowëtë, ojts jatëkok myajkay myaj'uukëtë mëët ja maná. Jä'ä jëtu'un ja ka'ayën ukën mëti'ipë ni miits ets ni m'ap m'ok tkanija'awëtyën tiitën jä'ä, paatykyëjxm yë'ë tyäjky ets mtuknijawëja'anëtë, ko ja'ay ka'ap yi'iyë ka'ayën ukën timtyukjuuky'atëty. Nëjkxëp näjyëtu'un tukjuuky'äty ja Wintsën ja y'aaw y'ayuk.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Éxodo 16:15

Yë Israel ja'ayëty ka'ap tnijawëtë tiitën jä'ä, ko t'ijxtë tääts nyäyajtëëwëtë aak yë'ëjëty: ¿Tiitën ya'atënë? Tää ja Moisés y'ëtsoowëtë: Yë'ë tsajpkääky mëti'ipë ja Dios mooyëtëpën ets xyjyë'kxtëty xypyëktëty.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Génesis 22:1

Tëkok yë Dios ojts yë Abraham twinma'any'ixy ets ojts tukmëkäjpxy yë xyëëw ets y'ëtsooy: Tyaajës jä'ä.

Éxodo 15:25

Tä ja Moisés ojts t'amëtoy ja putëjkën pupäjtën ma Wintsën Tiosën, ënät ojts tyukni''ixëty tu'uk yë kepyxye'enty, tä yë Moisés tnëëkupëjky ya'atë kepyxye'enty ets ojts ja nëë y'awinpity pa'ak. Jam ja Dios ojts wyinma'any'ixëtë ets tpëjktäky tu'uk yë ënä'ämën ma yë'ëjëtyën mëti'ipë pyatuntëpën.

Éxodo 16:4

Ënet ja Dios t'ënëmaay ja Moisés: Ntuknikäxantëp yam yë ka'ayën ukën may'äämpy mëti'ipë tso'onpën tsajpjotm, winjopy yë ja'ay tpëjkmujkojtëty yë jyi'kxy pyikyëty, jëtu'un tä t'a'ixëtën naje'eyë nyipaatëty tu'kxëëw. Ëjts n'ixäämpyës pën jyänty kuuytyuuntëp jëtu'un tääjës yam nikäjpxyën.

Éxodo 16:31

Ja Israel ja'ayëty jä'ä ojts tijtë maná mëti'ipë ënety winjopy yajmujktëpën. Ya'atë maná jä'ä ënety y'ixëty poop ets jëtu'un kyëxë'ëky tä yë tsajpmokën ets pya'akëty jëtu'un tä yë tsajpkääkyën cerëpa'akmëëtpë.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

2 Crónicas 32:31

Jëtu'un jyäjty kyëpejty tëkok, ko ja Babilonyë ja'ayëty ja kyutuunkëty tkäjxtë jam ma ja Ezequías ja kyajpnën ets tyajtëwa'antë wi'ixën ja Wintsën ënety ja naax kajpn të tputëkë. Yë Wintsën atu'uk t'ëxmajtsy yë Ezequías ets twinma'any'ixa'any wi'ix myäy tyäjyën.

Salmos 119:68

Mijts janty'oy mTios'aty ets aakyë'ë mtuumpy yë oypyë; tukni''ijxëkës yë m'ënä'ämën mtëyajtën.

Daniel 11:35

Nëjkxëp näjyëtu'un yaj'ixjëtit yajpaajëtitë ja ja'ayëty mëti'ipë ënety ja naax kajpn të tyaj'ijxpëktën ets nëjkx yajwinma'any'ixtë ets yaj'ixtëty pën oy ja wyinma'anyëty; ets ja jyuuky'ajtënëty, koonëm kyukëxëty ja xëëw juukyajtën.

Éxodo 20:20

Tä ja Moisés y'ëtsowëtë: Këtii mtsë'ëkëtë, Dios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

Job 42:12

Dios, ojts yë Job may winë tmo'oy ko jyaak jyuuky'äjty, ni'ik may këtiinëm tä ënety të tmëët'atyën më''ëka'any. Majkmajkts mil ojts yë kupixyny tmëët'aty, tëtujk mil yë jëyujk jëku'ux, tu'uk mil yë tsajpkaa ets tu'uk mil yë krukts.

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Dios nyija'ap wi'ix yajpaaty.