Deuteronomio 8:12 - Biblia Dc en Mixe de Quetzaltepec

¹² Ko ënety jotkujk jam mkaaynyëtë m'uknëtë ets ku'uxyë jotkëtä'äky mwë'ëmnëtë ets oyëty ja mjëën mtëjk xymyëët'ajnëtëty, mëti'ipë kë'ëm mkojtëpën.

Biblia Mixe de Quetzaltepec

¹² Ko ënäty jotkujk jam mkaaynyëtë m'uknëtë ets ku'uxyë jotkëtä'äky mwë'ëmnëtë ets oyëty ja mjëën mtëjk xymyëët'ajnëtëty, mëti'ipë kë'ëm mkojtëpën.

Deuteronomio 8:12 ပူးပေါင်းရင်းမြစ်များ

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Deuteronomio 28:47

Mëët ko ënety ja mWintsën të xykya'ëwtaty akujk jotkujk ets winë aaw winëjot ets mëj këjää tii winë të mjamo'oyë.

Lucas 17:28

Näyjyëtu'un jyäjty ko ja Lot jyuuky'äjty, kaaytyëp uktëp ënety ja ja'ay ets juuytyëp këpäjtëp, to'ktëp yajktëp, niptëp tuuntëp ets tëjk kojtëp,

Hageo 1:4

¿E miitsëty wi'ix m'ëna'antë, tëë jëtää tpaaty ja nyixëëw ma ja mjëën mtëjk oy xykyojëty ets jotkujk m'itëty oyës ja ntëjk taj xity yajpaatyë?

Amós 5:11

Tyam m'atä'än mtuktä'äntëp ja ëyoopëja'ay ets mtuk'ajuuytyujktëp ko jyi'kxy pyiky tpaaty; ko tpaatëty yë xëëw jëmëjt ka'ap nëjkx xytyuktsëënëtë yë mtsaatëjkëty mëti'ipë të xykyojtën ets nen ka'ap nëjkx xy'uuktë yë tsatym nyëë mëti'ipë të xynyiyu'ujëtën.

Eclesiastés 2:4

Mëj këjääjës winë të ntuny; ojtsës yë nkutujkëntakn mëj nkojy, tëëjës yë naax nkam mëj mpëjktä'äky maas yë tsatsymkyam mëjatyëty nmëët'atyën.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Ezequiel 11:3

Jëtu'un y'ëna'antë: Naamnëm yë tëjk n'akojëmë, yaa ka'ap wi'ix njajtmëty, jëtu'un yaa nyajpaata'anëmë tä tsu'utsy tu'tsjoty y'ityën.

Deuteronomio 8:13

Ets xy'ixtëty ko ja mtsajpkaa, mkupixynyëty nyimayënëtë ets näjyëtu'un ja mpu'ts pujxn mpoop pujxn ets tëkokyë jënu'un winë xymyëët'atën,

Deuteronomio 6:10

Yë Wintsën mëti'ipë miits mTiosajtëpën, yë'ë jam myajtëkëjanëtëp ma ja naax kamën mëti'ipë ja Abraham, Isaac ets Jacob tyukwinwa'anëyën ko mo'oja'anëtë. Tääpë it naaxwiinyëtë myëët'ajtyp oyëtypë naax kajpn, mëti'ipë miits nijënu'un xykyanijawëtën wi'ix ojts kyojyën.