Deuteronomio 8:11 - Biblia Dc en Mixe de Quetzaltepec

¹¹ Këtii nijëna'a yë mWintsën xyjyä'äytyëkoytyëty, mpatuntëp yë y'ënä'ämën tyiyajtën, y'aaw y'ayuk ets y'ënä'ämën kyutujkën mëti'ipë tyam të ntuk'ënä'ämtën.

Biblia Mixe de Quetzaltepec

¹¹ Këtii nijëna'a yë mWintsën xyjyä'äytyëkoytyëty, mpatuntëp yë y'ënä'ämën tyiyajtën, y'aaw y'ayuk ets y'ënä'ämën kyutujkën mëti'ipë tyam të ntuk'ënä'ämtën.

Deuteronomio 8:11 ပူးပေါင်းရင်းမြစ်များ

Salmos 106:21

Ojts tja'atyëkooynyëtë ja Dios, mëti'ipë ënety të yaj'ëwaatsëpëtsëmëtën, ets mëti'ipë ënety jap Egiptë winë të tuny të tkäjpxyën,

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 8:14

këtii mëj këjxm mnäjya'awënëtëty ets xyjyä'äytyëkooynyëtëty ja Wintsën mëti'ipë jap Egiptë mju'tëtën, ma ënety m'ëyowtën mëtuntën.

Salmos 103:2

Tu'ukyë aaw tu'ukyë jot yë Wintsën nkënu'kxyjyawëja'anyës, ka'apës nijëna'a nja'atyëkoyä'äny yë y'oyjyot y'oywyinma'any.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Malaquías 4:4

Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Deuteronomio 6:11

Ja jëën tëjk ujts yajpaaty mëët winë mëti'ipë oyëtyën; mëti'ipë ka'ap miitsëty të xy'atsëëm'utstën ets mëët ja nëëjut mëti'ipë ka'ap të xytyajtën; näjyëtu'un ja tsatsymkyam, tsajpmokam, mëti'ipë jamën mëj këjää jam yajpaatë, ka'apë myiitsëty xynyijawëtën wi'ix të wyintu'upëkyën. E yë'ëts nëjkx xyjyë'kxtë ets akëtä'äky jotkëtä'äky myajpaatëty.

Deuteronomio 7:11

E tiits patun ya'atë ënä'ämën tëyajtën, aaw ayuk, mëti'ipë yam ntuk'ënä'ämtëpën xypyatuntëty.

Deuteronomio 11:32

Yë'ë mkuuytyuntëp xëmë ya'atë ënä'ämën tëyajtën ets ya'atë aaw ayuk mëti'ipë tyam të ntuk'ëwaanëtën ets të ntuknijawëtën.

Jueces 3:7

Yë Israel ja'ayëty ka'ap ojts winë oy tuntë tkajpxtë Dios wintum ojts ja Wintsën tja'atyëkooynyëtë ets ojts t'ëwtajnëtë ja Baal ja y'awinax ets ja Astarté ja y'awinax.

Jeremias 23:27

Yë kyuma'ayëty mëti'ipë kë'ëm nätyukmëmëtyakëtëpën, yë'ë mëët twin'ëëna'antë yë nnaax nkajpnës etsës xyjyä'ätyëkoytyëty, jëtu'un tääjës ojts yë y'aptëjk xyjyä'äytyëkoytyën ets tpanëjkxtëjkëtyë yë Baal.