Deuteronomio 7:8 - Biblia Dc en Mixe de Quetzaltepec

⁸ E yë Wintsën tëë jap myajpëtsëmëtë Egiptë ma ënety mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënety mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Biblia Mixe de Quetzaltepec

⁸ E yë Wintsën tëë jap myajpëtsëmëtë Egiptë ma ënäty mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënäty mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Deuteronomio 7:8 ပူးပေါင်းရင်းမြစ်များ

Génesis 19:16

E yë Lot jaakpoxp ënety, paaty myajtsë kyë'ëkëjxm yë tsajpjotmëtë kukäjpxy. Jä'ä ko yë Wintsën myëët'ajtyp ënety yë pa'ëyo'owën najts'ëyo'owën ma yë'ëjën. Ënet ojts näjyëtu'un yë tyo'oxytyëjk ets nimäjtskpë nyëëx yajmatstë kyë'ëkëjxy ets pyëtsëëmtë jam kajpnjotm ets tsyoktë.

Génesis 19:29

Jëtu'un ojts kyutëkooytyä'äy yë Sodomë ets Gomorra kajpn ets mëët yë pya'a nyux ma ënety yë Lot të jyuuky'ätyën, e ojts yë Abraham yajja'amyetsy, paaty jëtu'un ojts yë Lot yajjuuty ëyo'onjoty.

2 Samuel 22:20

tëëjës ëwaatsëtum xyajwë'ëmy etsës të xyajtso'oky mëëtkyëjxm koos xytsyoky xyjyawë.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

1 Crónicas 16:16

Ja käjpxytyu'unën mëti'ipë myëët'ajtën mëët ja Abraham, ja käjpxy mëtyä'äky mëti'ipë yaj'ijtën mëët Isaac

2 Crónicas 9:8

Kënu'kxy ets mëjjawë yë mWintsën y'ity mëti'ipë mTios'ajtypyën; ko të mni''ijxkëtä'äkyë ets mijts m'ënä'ämëty ma ya'atë kutujktaknën. Mëët yë'ë ko oy ja mTios tsoky tjawë ja Israel ja'ayëty, paaty të mpëjktä'äkyë ets mijts myajkutukëty ma yë'ëjëtyën mëët ja tëyajtën ets ja oyajtën ma tu'ukyë y'itëtyën winë xëëw winë jëmëjt.

Salmos 105:42

Jä'ä ko jyä'ämyäjts ja wyaantakën wa'atspë, mëti'ipë mëët tuunyën ja Abraham, mëti'ipë tyuunpë'ajtypyën.

Salmos 44:3

Ka'ap ojts yë'ëkyëjxmëty myëta'aktë ko tmëët'atë kyë'ë ets pyujxn mëti'ipë myëtsiptuuntëpën; ka'ap ojts yë it naaxwiinyëtë tpaatë. Mijts ojts winë xytyuny mëët yë mëk'ajtën ets mëjaaw. Yë mtë'kxën mjajën yë'ë ojts winë tyaj'ixyë, ko mëj këjää ënety xytsyoky xyjyawë.

Salmos 44:4

Mijts, mëti'ipës nmëj ënä'ämpë'ajtypyën, mëti'ipës nTios'ajtypyën, Mijts të xyajmëtä'äky yë mnaax mkajpn;

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 32:13

Yë'ë ja'amyäts mëti'ipëjaty oy mmëtuunën tä yë Abraham, Isaac ets Jacob, mëti'ipës ojts kë'ëm xy'ënëëmë ma ja mxëëw kë'ëm xytyukkajpxpejtyën. Ëjts nyajnimayëjäämpyës yë m'u'unk m'ok, jëtu'un nyimay'atëty tä yë mëtsa'ajën, mëti'ipë jamën tsajpjotm ets ya'atë it naaxwiinyëtë, mëti'ipë yam ntukwinwa'anëtyëpën yë'ëjës nmo'ojantëp.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Isaías 43:4

Jä'ä ko ntsoky njawë, mëj këjää mijts mtsoowpaaty ets ntsojkpy nja'ap. Ko mijts njä'ä'ata'any ets nyajtso'oka'any, tëëjës mayjyä'äy ets naax kajpn nkë'ëyäky.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Jeremias 31:3

jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

Ezequiel 36:22

Paatyës t'ënëmaay ja Israel kajpn: Jëtu'un yë Wintsën y'ënä'äny: Mëti'ipës ntunäämpyën ka'ap yë'ëkyëjxmëty ko miitsëty mjää'atë, miitsëty Israel ja'ayëty, yë'ëkyëjxmës ntuna'any jä'ä ko nxëëwës wa'ats yë'ë, mëti'ipë miitsëty të xynyi'ojëtën ma ja naax kajpnën maajaty të mja'tën.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënety mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Malaquías 1:2

Jëtu'un yë Wintsën y'ënä'äny: Ntsojktëp nja'awëtyëp miitsëty. E miitsëty tyaa m'ëtsowtë: ¿Wi'ix ëëts nijawëtëty ko xytsyoktës xyjyawëtës? Tääts ja Wintsën y'ëtsoy: Miitsëty jëtu'un ntsoktë njawëtë tääjës ntsojkyën yë Jacob, oy ënety ja Esaú mëët jyatu'kä'äxëty

Mateo 11:26

Jëtu'un Dios Teety, jä'ä ko jëtu'un mijts të xytsyoky.

Lucas 1:55

Ja n'ap'ajtëmë Abraham mëët ja y'u'unk y'ok, jëtu'un ënety të yajtukwinwanëtë.

Romanos 11:28

Ja jutiis ja'ayëty mëtsip'ajtëtëp ja Dios, paaty miits ja Dios mkënu'kxëtë; je'eyëp ko Dios tsyojk'ëtëtsyp ja jutiis ja'ay jä'ä ko ojts oy jyuuky'atë ja y'aptëjkëty.

Deuteronomio 1:8

Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.

Deuteronomio 10:15

E wi'ix n'ëk'ëna'anmëty, yë Wintsën ojts tsojkën'aty ets twin'ijxy miits yë m'ap m'okëty ets oy tsojky tja'awëy, ok ojts näjyëtu'un twin'ixy yë y'u'unk y'okëty, miits myaj'antijtëp, ko yë Wintsën yë'ë mnaax'ata'an mkajpn'ata'anëtë ma wiinkëtypë ja naax kajpnën, jëtu'un tä tyam yaj'ixy yajtunyën.

Deuteronomio 23:6

Paaty miitsëty këtii mëët oy'aaw oy ayuk xymyëët'attëty ets këtii mëët nijëna'a mnäy'oyjyawëtëty.

Deuteronomio 33:3

Jä'ä ko Wintsën tsyojkpy jya'ap yë nyaax kyajpn, xëmë tkëwent'aty mëti'ipë nakyuwanëpën jam ma yë'ëjën tu'ukyë. Mëti'ipë jëjp'ijxp tim ijtëpën, oy tii yajtuk'ënä'ämtë.

Deuteronomio 4:20

E miitsëty, Dios ojts kë'ëm mtimjyuutëtë jap Egiptë, ma ënety myajpaatën mëj jëënjotypyën ets mkajpn niwanëtë.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

Deuteronomio 5:6

Ëjts jëtu'un Wintsën, mëti'ipë mijts mTios'ajtypyën ets jap nju'ty Egiptë, ma ënety m'ëyoyën mmëtunyën.

1 Juan 4:19

Paaty ja Dios ntsojkëm, jä'äkyëjxm ko yë'ë jëwyiin të xytsyojkëm.

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.