Deuteronomio 7:7 - Biblia Dc en Mixe de Quetzaltepec

⁷ Ko yë Wintsën miits të mtsojkën'atëtë ets të mwin'ixëtë, ka'ap yë'ëkyëjxmëty ko mnimay'atë. Jä'ä ko tää wiinkëtypë kajpn ma ni'iknimay yë ja'ayën, miits mniwäänë oyëty.

Biblia Mixe de Quetzaltepec

⁷ Ko yë Wintsën miits të mtsojkën'atëtë ets të mwin'ixëtë, ka'ap yë'ëkyëjxmëty ko mnimay'atë. Jä'ä ko tää wiinkëtypë kajpn ma ni'iknimay yë ja'ayën, miits mniwäänë oyëty.

Deuteronomio 7:7 ပူးပေါင်းရင်းမြစ်များ

1 Crónicas 16:19

Oy ënety nyiwäänë'atë ets jaaypyaat jaaypyo'kxy yajpaatë muum kajpntum yaa naaxwiiny naaxkëjxy.

Salmos 105:12

Oyxyëp ënety y'ëkniwäänë'atë ets yajpaatë tä jaaypyaat jaaypyo'kxyën naaxwiiny naaxkëjxy

Salmos 105:6

miitsëty ninu'un yë Abraham m'u'unk'at m'ok'atëtën, mëti'ipë Dios myëtuunën, miitsëty ninu'un yë Jacob m'u'unk'at m'ok'atëtën, ets ninu'un win'ixy m'itën.

Salmos 115:1

Wintsën, ja oyajtën ets ja mëj'ajtën mijts yë mpatëp, ets ka'ap y'ëëts'atë. Ja oyajtën ets ja mëj'ajtën mijts mpatëp mëët ko xymyëët'aty ja tsojkën ja'awën ets ja tëyajtën.

Salmos 44:3

Ka'ap ojts yë'ëkyëjxmëty myëta'aktë ko tmëët'atë kyë'ë ets pyujxn mëti'ipë myëtsiptuuntëpën; ka'ap ojts yë it naaxwiinyëtë tpaatë. Mijts ojts winë xytyuny mëët yë mëk'ajtën ets mëjaaw. Yë mtë'kxën mjajën yë'ë ojts winë tyaj'ixyë, ko mëj këjää ënety xytsyoky xyjyawë.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënety je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Ezequiel 20:5

Jëtu'un xy'ënëëmëty: Jëtu'un yë Wintsën y'ënä'äny: Koos ojts nwin'ixy yë Israel kajpn, ojtsës mëët yë käjpxytyu'unën ntuny yë y'u'unk y'ok ets ojtsës jap Egiptë nnänyikëxë'ëkyë. Mëët tu'uk ja mëj winma'any n'ënëmaaytyës: Ëjts jëtu'un Wintsënajtp, mëti'ipë miits m'ëwtajtëpën.

Ezequiel 36:22

Paatyës t'ënëmaay ja Israel kajpn: Jëtu'un yë Wintsën y'ënä'äny: Mëti'ipës ntunäämpyën ka'ap yë'ëkyëjxmëty ko miitsëty mjää'atë, miitsëty Israel ja'ayëty, yë'ëkyëjxmës ntuna'any jä'ä ko nxëëwës wa'ats yë'ë, mëti'ipë miitsëty të xynyi'ojëtën ma ja naax kajpnën maajaty të mja'tën.

Mateo 7:14

Temë ja najxtakn ets ja tu'u mëti'ipë nëjkxpën ma ja juukyajtën xëmëkyëjxmëpë, xu'uts jä'ä ets wäänë ja ja'ay tpaatë ets jap tyëkëtë.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Romanos 11:6

Ets pën yë'ëkyëjxm ko ja Dios tmëët'aty ja oyjyot oywyinma'any, ka'ap y'ëktsoowpatnë ja mëti'ipë yajtuunp yajkajpxpën; jä'ä ko jeexyë kyajëtu'unëty kajxyëp ja Dios ja y'oyjyot y'oywyinma'any tsyowpaaty.

Romanos 9:18

Dios pya'ëyoopy yë ja'ay mëti'ipë pya'ëyoowäämpyën ets yajju'unëp ja ja'ay ja y'aaw jyot mëti'ipë ënety jëtu'un tyuknipëjktakëpën.

Romanos 9:21

Ja tu'ts pojtspë myëët'ajtyp ja kuttujkën ets ja mo'onts tpotsëty wi'ix tuknipëjktaakën, nän yë'ë mo'onts yajtunëp ets tu'uk ja tu'ts tpotsëty mëti'ipë ka'ap oy najëna'a tyunëtyën ets mëti'ipë xëmë tunëpën.

Deuteronomio 1:10

May'äämpy yë Wintsën, mëti'ipë miits mTiosajtëpën yë u'unk ëna'k të mmo'ojëtë. Paaty ënät tyam janty nimay mkëxë'ëktë, jëtu'un tä mëtsa'a tsajpwinm myäykyëxë'ëktën.

Deuteronomio 10:22

Ko ja m'ap m'okëty jap jyajtë Egiptë, je'eyë ënätyëty nitëkë'px majk. E yë Wintsën yë'ë të tuknipëjktaakë ets mnimayëtëty. Miitsëty nimay myajpatnëtë, jëtu'un tä yë may myatsa'a kyëxë'ëkyën tsajpjotm.

Deuteronomio 14:2

Jä'ä ko yë mWintsën Tiosëty yë'ë të y'ënä'äny, ko miits mjä'ä'ata'anëtë. Paaty kë'ëm të mtimwin'ixëtë ma wiinkëtypë ja naax kajpnën ets yë'ë mjä'ä'ata'anëtë.

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

1 Juan 3:1

Ixtë wi'ix ja Dios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Dios tka'ixy'atë.

1 Juan 4:10

Jëtu'un'äämpy ja Dios të xytsyojkëmë: ka'ap ëëtsajtëm jëwyiin të ntsojkëmë, yë'ë jëwyiin të xytsyojkëmë ets ja y'u'unk të xytyuknikäjxëmë ets të xykyu'o'këmë tääts të nyajpokymyä'kxëmë.