Deuteronomio 7:23 - Biblia Dc en Mixe de Quetzaltepec

²³ Yë Dios tëë tuknipëjktaakë, ko miits mkë'ëmo'oja'anëtë ya'atë naax kajpn, yë'ë nyija'ap jëna'a tyajkutëkooytya'aja'any mëti'ipë jam yajpatëpën.

Biblia Mixe de Quetzaltepec

²³ Yë Tios tëë tuknipëjktaakë, ko miits mkë'ëmo'oja'anëtë ya'atë naax kajpn, yë'ë nyija'ap jëna'a tyajkutëkooytya'aja'any mëti'ipë jam yajpatëpën.

Deuteronomio 7:23 ပူးပေါင်းရင်းမြစ်များ

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Deuteronomio 9:3

E miitsëty yë'ë mëpaat xymyëmay xymyëtajtë, ko ja Wintsën, miits yë mTiosëty yë'ë mtu'uwinye'eyëtëp. Yë'ë jëyëjp nëjkxp ma miitsëtyën, jëtu'un tä tu'uk yë mëj jëënën mëti'ipë ka'ap nitii tyajwë'ëmyën. Tyajkutëkooytyä'äy ja naax kajpn maajaty tyimnaxyën. Ko tääpë naax kajpn xynyitëkëtëty, ka'ap tsip xyajtukwa'atstëty ets xyajkutëkoytyëty ja nyija'ay. Tu'k'ijxmi'kyxyë nëjkx kyutëkooytya'atë tä ja Wintsën të tnikäjpxyën.

Deuteronomio 8:20

Jëtu'un nëjkx mkutëkooytya'atë, tä ja Wintsën ja naax kajpn tyajkutëkooytya'ajanyën mëti'ipë mpaatantëpën ets nëjkx m'atëkoytyë, mëët ko ënety ja Wintsën të xykyamëmëtowtë ets të xykyamëjpëjkta'aktë.

Deuteronomio 2:15

Yë'ë ojts tyukëta'akëtë yë ëyo'on ets ja tëytyu'unën, mëti'ipë ja Wintsën kyäjxën, jëtu'un'äämpy y'o'ktaaytyë.

Éxodo 23:27

Ëjts nyajkutukëp ets oypyënëty nëjkx mtsë'ëkëty mjawëty, oy ënety maanaax maakajpn mtimnyäxy, yë mëtsiptëjk jëtu'unyë mkukä'äk mkuputëtëty.

Josue 10:10

Wintsën ojts kë'ëm tuknipëjktaakë ets nëkooyë yajtsë'ëkëtëty ja Israel ja'ayëty, e jëtu'un'äämpy ja Josué may ja ja'ay tyaj'o'ky jam Gabaón. Ojts ja Amor ja'ayëty jyakäknëtë, e ja Josué ojts ënätyë tpatsoony, jampaat tpaja'ajty Bet-horón ets jënu'un tim pyäätyën aak yaj'o'k, tyimpanëjkx jampaat ma ja it naaxwiinyëtë txëëwatyën Azecá ets Maquedá.

Jueces 4:15

Ko jam jyajtë ma mëët tsyiptuna'antën ja Sísara ja tsyiptuunpëtëjk, Wintsën ojts kë'ëm t'ëtsë'këtyä'äy ja tsiptuunpëtëjk mëët ja pujxnwintëkäämpë mëti'ipë myëtsiptuuntëpën ets ja jëtu'unyëpë mëti'ipë ënety ja Sísara jyä'äy'äjtypyën; ko ja Sísara jëtu'un t'ijxy, ënät ojts timtyukjënäky ja pyujxnwintëkäämpë ets ojts teky'am kye'eky.

Deuteronomio 31:5

Ko ënety ja Wintsën jëtu'un të tjantytyuny ets ënety të mkë'ëmo'ojëtë ja naax kajpn, jëtu'un nëjkx winë xytyuntë tä ënety yë'ë të tni'ënä'ämën.