Deuteronomio 7:21 - Biblia Dc en Mixe de Quetzaltepec

²¹ Paaty yam n'ënëëmëtë ko këtii tääpë ja'ayëty xytsyë'ëkëtëty, jä'ä ko yë Wintsën mëti'ipë mëjën ets kutsë'ëkën yë'ë mputëkëjanëtëp.

Biblia Mixe de Quetzaltepec

²¹ Paaty yam n'ënëëmëtë ko këtii tääpë ja'ayëty xytsyë'ëkëtëty, jä'ä ko yë Wintsën mëti'ipë mëjën ets kutsë'ëkën yë'ë mputëkëjanëtëp.

Deuteronomio 7:21 ပူးပေါင်းရင်းမြစ်များ

2 Crónicas 32:8

Yë'ëjëty yi'iyë tyukjotmëk'ajtëp ko nyimay'atë, ëëts'ajtëmë yë'ë ntukjotkujk'ajtëm yë Wintsën, jä'ä ko yë'ë xypyutëkëja'anëmë ko pën mëët ntsiptu'unmëty. Ko ja ja'ay jëtu'un tmëtoowtë ja aaw ayuk tkäjpxy ja yajkutujkpë Ezequías, ënät jyotmëkpëjktë.

Nehemías 1:5

Ënätës n'ënëmaay: Dios mëti'ipë ijtpën tsajpjotm, ja mëjpë jaantypë ets kutsë'ëkëpë, ko xypyatuny ja mkäjxytyu'unën ma ja ja'ayën mëti'ipë mtsojkëpën ets pyatuumpyën ja m'ënä'ämën mtëyajtën;

Nehemías 4:14

Koos n'ijxy ko tsë'këtyëp, ënätës n'ënëmaay ja yu'kya'kpëtëjkëty, ja yajkutujkpëtëjk ets ja mayjyä'äyëty: Këtii xytsyë'ëkëtëty. Ja'amyätstë ko Wintsën mëj ni'ik ets kutsë'ëkë, nitsiptuntë mjëëky mëku'ukëty, m'u'unkëty m'ëna'këty ets mkujëën mkutëjkëty.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Salmos 27:1

Yë Wintsën, yë'ëjës xykyutë'kxp xykyujajp ets yë'ëjës xyajnitsokp, ¿pënës n'ëktsë'ëkëp? Yë Wintsën yë'ëjës yë njuukyajtën kyuwäämpy. ¿Ti ko ntsë'ëkëtyës?

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:5

Dios yë'ë jam itkujky ijtp ets yë'ë kyuwäämpy; Dios yë'ë putëkëjanëp ko xëëw po'o tsyo'onta'akëty.

Salmos 46:6

Yë mëjëtypë naax kajpn jëtu'un jyänty y'ëtë'ëts jyänty y'ëna'antë, tëkokyë mëti'ipë kutujkën'ajtëpën janty tsë'këtyëp, ets naaxwiinyëtë ka'ap jotkujk yajpaaty ko y'aaw y'ayuk tyajmëtoyë.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Salmos 47:2

Jä'ä ko yë Wintsën, Ni'ik Këjxmëpë, atsë'ëk ajawë yë'ë, yajkutujkpë y'ity naaxwiinyëtë apëtsëmy.

Salmos 68:35

Janty oytyukxootaknë yë Dios jap yajpaaty ma tsyajptëjkën; yë Dios mëti'ipë Israel Tyios'ajtypyën, yë nyaax kyajpn yë'ë myëkmoopy myëjaawmoopy. Paaty yë Dios kënu'kxy mëjjawë mëpaat y'ity.

Salmos 89:8

Wintsën, mëti'ipë maaytyääyëpën winë, tëkokyë yë mëj'ajtën kuttujkën mijts yë mjä'ä, mijts jä'ä m'ity natuky mëët yë tëyajtën; paaty ka'ap ma wiinkpë Dios jëtu'unpë tä mijtsën.

Salmos 95:3

Jä'ä ko yë nWintsën'ajtëm, mëj Dios yë'ë, mëti'ipë mëj ënä'ämpë'ajtpën ma tu'kë'ëyë tios yajpaatyën.

Éxodo 29:45

Ëjtsës kë'ëm jam timyajpaataanp ma Israel ja'ayëtyën ets ëjtsës xyTios'atëp.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Dios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

1 Corintios 14:25

Jëtu'unts nëjkx yajnijawë mëti'ipë ënety jyotmay'äjtypyën jyootjoty wyinma'anyjoty ets ja Dios nëjkx twinkoxtänë ets tmëjjaw tjaantyjawëty ets nijawëty ko ja Dios yajpaaty ma miitsëtyën.

Deuteronomio 1:21

Yë Wintsën mëti'ipë miits mTiosajtëpën, yë'ë ya'atë naax kam mooyëtëp. Paaty jä'ä'atë jëtu'un ya'atë naax kajpn, nitsiptuntë. Jä'ä ko yë Wintsën mëti'ipë m'ap m'ok Tyios'ajtëpën tëë mmo'ojëtë jëtu'un tä të tukwinwanën ja aptëjk, këtii mtsë'ëkëtë ets këtii mkumay mkutajëtë.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Deuteronomio 25:8

Ënet nëjkx ja kutuunktëjkëty ets ja mëjja'aytyëjkëty tmëjwowtë ja ye'etyëjk ets tmëmëtya'aktëty. Pën janty ënaanpën ko ka'ap tpëka'any ja to'oxytyëjk, mëti'ipë ja y'äjty të tku'ookyën.

Deuteronomio 31:17

E ëjts nëjkxëpës ja ntukjoot'anpëktë ets nëjkxëpës n'ëxmajtsnëtë, tiijës n'ëkmëmaay n'ëkmëtajnëp, tyam ja ëyo'on jotmay ma yë'ëjëtyën ni'ikyë nëjkx myëjwiinë kyëjääjë ets koonëm y'ëna'antëty: ¿Këtii jëtäätën yë'ëkyëjxmëty yam o'ktëy tjajtëmë ko ja Wintsën ka'ap y'ëkyajpatnë ma ëëtsajtëmënë?

Josue 3:10

Ya'atë jëtu'un yajtuk'ixëp ko yë Dios juukpyë tyaa yajpaaty mëët miitsëty, ma ënety mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

Josue 8:1

Ënet ja Wintsën t'ënëmaay ja Josué: Këtii ninu'un mtimtsyë'ëkëty ets ni mkakumay mkakutajëty. Tuknipëjktaakë ets woowtso'onta'a tëkokyë yë mtsiptuunpëtëjk ets xynyitëkëty akujk jotkujk tääpë naax kajpn mëti'ipë xyëëwajtypyën Aí. Ëjts tëëjës nkë'ëyäky ma mijtsën tëkokyë ja'ayëty mëti'ipë jam tsënaaytyëpën ets mëët ja nyiyajkutujkpë. Näyjyëtu'un ja nyaax kyajpnëty ets ja y'it nyaaxwiinyëtëty mijts mjä'ä'atëp,

1 Samuel 4:8

¿Tii ënät ntuuntakmëp? ¿Pën ënät xyajtsokmëp ko jam nka'amëty Dios kyë'ë'am mëti'ipë maaytyääyëpën winë? Wa'ats nija'awëmë ko yë'ë ojts tyaj'o'kta'ay tëkokyë yë Egiptë ja'ayëty jam të'ëts'itjotm mëët ja kanaaknaxpë ja pa'am ëyo'on.