Deuteronomio 7:2 - Biblia Dc en Mixe de Quetzaltepec

² Ko yë mWintsënëty ënety të tkë'ëyajkta'ay ya'atë ja naax kajpn ma miitsëtyën ets ko ënety tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

Biblia Mixe de Quetzaltepec

² Ko yë mWintsënëty ënäty të tkë'ëyajkta'ay ya'atë ja naax kajpn ma miitsëtyën ets ko ënäty tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

Deuteronomio 7:2 ပူးပေါင်းရင်းမြစ်များ

Génesis 14:20

Tukxoontä'äky xëmë y'itëty yë Dios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënet yë Abram ojts majk tpupëky mëti'ipë ënety myëët'ajtypyën.

2 Samuel 21:2

Ënet ja David tyaxtsooy ja Gabaón ja'ayëty ets mëët myëtyäky. Yë Gabaón ja'ayëty ka'ap y'israel ja'ay'atë, yë'ë Amor y'u'unk y'ok mëti'ipë ojts wyë'ëmtën juuky; ojts mëët yë käjpxytyu'unën tuntë yë Israel ja'ayëty. E ko yë Saúl tyëjkëy yajkutujkpë, mëët ko ënety yi'iyë tsyojkpy yë Israel ja'ayëty ets jam y'itëty, paaty tjayaj'o'kta'ajany ja Gabaón ja'ayëty.

1 Reyes 20:34

Tä ja Ben-adad y'ënëmaayë: Tyam jatëkok nmooytya'ajëty ja kajpn mëti'ipë ja nteetyës pyëjkëyën ja mteety; mijts oy jam mjuyëty mkëpätëty ëkë mtookëty myajkëty Damaskë, jëtu'un tä ja nteetyës jamën Samaria. Ëjts nän tyamës mijts n'ëxmatsëty, jëtu'un y'ëtsooy ja Ahab. Jëtu'un'äämpy ja Ahab tuuny ja käjpxytyu'unën mëët ja Ben-adad ets t'ëxmajtsy ets nyëjkxnë.

Esdras 10:3

Ëëtsëty tyamës nikajpxtë ko n'ëxmatsantëpës ja nto'oxytyëjkëty mëti'ipë ka'ap y'Israel ja'ayëtyën mëët ja y'u'unk y'ëna'këty, jëtu'un ijxtëm ja ënä'ämën tëyajtën jap myinyën mëti'ipë mijts mnija'apën, mëti'ipë Wintsën jyä'ä'ajtypyën.

Salmos 106:34

Ka'ap ojts tyajkutëkoytyë ja kajpn mëti'ipë ënety ja Dios të tyuk'ënä'ämëtën tyajkutëkoytyëty.

Éxodo 22:20

Pën myoopy yë wyintsë'kën yë wiink tios, jëtu'un tä jeexyë yi'iyë atu'uk yajmo'oyën yë Wintsën, yë jëtu'unpë ja'ay nän nitëjkëyëp y'ookëty.

Deuteronomio 13:8

mijts këtiimës xykyupëkëty, tä jya'ëna'anyën. Këtii xymyëjpëjkta'akëty ja wyinma'any ko ënety tii ëyo'on tiijotmay tpatnë, ninu'un xykyapa'ëyowëty ets këtii xynyimon xynyitukëty, ni xykyakuyu'utsëty, ko ënety pën y'ixjëtijt pyajëtijtënë.

Deuteronomio 13:9

Ti tëy mtunëp ni'ikyëmës jaakyaj'ook. Mijts ëka'any mxajjë'ëkëp ets ok ja naax kajpn xyajjë'ëktëty.

Deuteronomio 19:13

Jëtu'umpë ja'ay këtii xypya'ëyowtëty, ko jëtu'un xytyuntëty yë'ë ënety m'ëtujktëp ets ka'ap ja jot ne'pyny nëkoo pën tam tjä'ätsëty ma ja Israel kajpnën; ko jëtu'un xytyuntëty, oy nëjkx winë mwinpëtsë'ëm njëjppëtsë'ëmxëtë.

Deuteronomio 2:33

E yë nWintsën'ajtëm Dios, yë'ë ënety të tkë'ëyäky ma ëëtsëtyën. Paaty ko ja tsip mëët ntuuntës ka'apës nyajmëtaktë. Wa'ats nyaj'o'ktaaytyës mëët ja tsyiptuunpëtëjkëty ets ja y'u'unk y'ëna'këty.

Deuteronomio 2:34

Tëkokyë yë nyaax kyajpn ojts nyajkutëkooytya'atës, wa'ats nyaj'o'ktaaytyës, ye'etyëjk to'oxytyëjkëty, mëjja'ay mutskja'ay. Ni pën ojts juuky nkayajwë'ëmtës.

Deuteronomio 23:14

Jä'ä ko yë Wintsën najxp tëjkëp ma miitsëtyën ets ma m'itën, yë'ë mkëwent'ajtëtëp ets yë'ë myajmëtakëtëp ma mëtsiptëjkëtyën, paaty wa'ats mëpaat yë it naaxwiinyëtë xyaj'itë, këtiipë twiink'ixëty, jä'ä ko tii oy tka'ixëty tsojk jam jyëwa'akëty.

Deuteronomio 25:12

Jëtu'umpë ja to'oxytyëjk këtii xypya'ëyowtëty, ni'ënä'ämëtë ënätyë ets ja kyë'ë yajnëtsukëty.

Deuteronomio 3:3

Jëtu'un'äämpy ojts yë nWintsën'ajtëm Dios tkë'ëyäky yë Og ma ëëtsëtyën mëët tëkokyë yë tsyiptuunpëtëjk ets nyaj'o'ktaaytyës nitëkokyë, nitu'uk ojts juuky kyawë'ëmy.

Deuteronomio 31:5

Ko ënety ja Wintsën jëtu'un të tjantytyuny ets ënety të mkë'ëmo'ojëtë ja naax kajpn, jëtu'un nëjkx winë xytyuntë tä ënety yë'ë të tni'ënä'ämën.

Deuteronomio 33:27

Yë Tiosën xëmëpë y'ityën yë'ë mtsoktakn'ajtyp, yë myëk'ajtën yë'ë mnätyukputëkëtëp. Jä'ä ko yë'ë ojts tyajke'eky tyajputy yë mmëtsip, ets mnëmaayë ets xytyimyajkutëkooytya'ajëty.

Deuteronomio 7:16

E miitsëty tii tëy mtuntëp, myajkutëkooytya'atëp ja naax kajpn mëti'ipë ënety ja Dios kyë'ëyäjkpyën ma miitsëtyën, ninu'un xykyapa'ëyowtëty ets këtii yë wyintsën xy'ëwtajtëtëty, jä'ä ko yë'ë nëkoo je'eyë nëjkx myajtu'utëkoyëtë.

Deuteronomio 9:3

E miitsëty yë'ë mëpaat xymyëmay xymyëtajtë, ko ja Wintsën, miits yë mTiosëty yë'ë mtu'uwinye'eyëtëp. Yë'ë jëyëjp nëjkxp ma miitsëtyën, jëtu'un tä tu'uk yë mëj jëënën mëti'ipë ka'ap nitii tyajwë'ëmyën. Tyajkutëkooytyä'äy ja naax kajpn maajaty tyimnaxyën. Ko tääpë naax kajpn xynyitëkëtëty, ka'ap tsip xyajtukwa'atstëty ets xyajkutëkoytyëty ja nyija'ay. Tu'k'ijxmi'kyxyë nëjkx kyutëkooytya'atë tä ja Wintsën të tnikäjpxyën.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënety jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënety jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Josue 10:30

Yë Wintsën ojts kë'ëm tim kyë'ëyäky ya'atë naax kajpn mëët yë nyiyajkutujkpë ma Israel ja'ayëtyën. Ni pën ojts jam kyawë'ëmy juuky, wa'ats y'o'ktaaytyë. Ja yajkutujkpë jampë ijty y'ëne'emyën, jëtu'un ojts tyaj'ooktë tä tyaj'o'ktën ja Jericó yajkutujkpë.

Josue 10:32

E komjëpom tääts tnitëjkëtyë ja kajpn, yë Wintsën ojts kë'ëm timkyë'ëyaky ya'atë kajpn ma Israel ja'ayëtyën, e yë'ëjëty ojts wa'ats tyaj'o'kta'atë ja ja'ayëty ets ja jëyujk tsajpkaajëty mëti'ipë ënety jam yajpatëpën.

Josue 10:40

Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënety ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Josue 11:8

Yë Wintsën yë'ë ojts ja Israel ja'ayëty yajmëta'akëtë, jampaat ja myëtsip tpaja'ajtë ma Sidón kajpnën ets ma ja Misrefot-maim kajpnën, e jamtsow a'oytsyow jampaat ojts tpaja'të ma ja Mizpá joyjyotën. Nitu'uk ojts ja'ay tkayajwë'ëmtë juuky.

Josue 2:14

Ënet y'ëtsoowëtë: Ëëts nëjkx kë'ëm ntimkyuwa'antës yë mjuukyajtënëty, këtii ni pën xytyuk'ëwaanëty mëti'ipës yam të nkuminëtën, ko yë Wintsën ënety ya'atë it naaxwiinyëtë ëëts të xymyo'otë. Miitsëty oy nëjkx myajjawëtë ets myajmëët'atë.

Josue 21:44

Yë Wintsën ojts jëtu'un tuny tä ënety të twinwanën, jotkujk ja nyaax kyajpn ojts tyajwë'ëmy ma tääpë it naaxwiinyëtën. Ja myëtsiptëjkëty ka'ap ojts myäyëtë jä'ä ko ja Wintsën ojts kë'ëm tyimkuwa'anëtë.

Josue 8:24

Ko tyaj'o'ktaaytyë mëti'ipë ënety ja Israel ja'ayëty të pyapo'ojëtën, ënät ojts wyimpitë jam kajpnjotm ma Aí kajpnën ets tyaj'o'ktaaytyë wa'ats mëti'ipë ënety jam juuky të wyë'ëmtën.

Josue 9:24

Ënet t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënety ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Dios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

Josue 9:7

Ja Israel ja'ayëty tyaa t'ëtsoowtë ja Heve ja'ayëty: Ëëtsëty wi'ixës n'uknijawëtëty pën janty jëkäm'itën mtsoontë, wä'änxyëp muum winkon mtsëënëtë; ¿E wi'ix jëtu'un ja käjpxytyu'unën ëëts n'ëktuntëty mëët miitsëty?

Jueces 1:24

Ja ja'ayëty mëti'ipë ojts nyëjkxtën ijxpë tuunpë ojts tu'uk ja'ay tmatstë mëti'ipë ënety jam tso'onpën kajpntum ets t'ënëmaaytyë: Pën xytyukni''ijxëtëp ëëts wi'ix ntëkëtëtyës jam kajpnjotm mijts ka'ap wi'ix myajtunëty.

Jueces 1:4

Jëtu'un'äämpy ja Judá ja jyä'äyëty ojts tnitëkëtë ja Canaán ja'ayëty ja nyaax kyajpnëty ets ja Ferez ja jyä'äyëty näjyëtu'un ets niwa'ktaaytyë mëti'ipë ënety ja Wintsën të tyukë'ëtëkëtën. Jam Bézec jä'ä ojts ja jam ja ja'ay tyaj'ooktë nimajk mil, ma tyaapë ja'ayëtyën ojts näjyëtu'un tmatstë yë yajkutujkpë Adonisédec.

Jueces 2:2

këtiipë mëët oy tii aaw tii ayuk xymyëët'atëty yë ja'ayëty mëti'ipë jam tsënaaytyëpën, ni'ikyë xyajkutëkooytya'atëty yë wyintsë'këntyaknëty. E miitsëty ka'apës xymyëmëtoowtë, wiinkjaty m'ëtëtstë.