Deuteronomio 7:18 - Biblia Dc en Mixe de Quetzaltepec

¹⁸ Tyam miits n'ënëëmëtë, ko këtii xytsyë'ëkëtëty. Yë'ë ëkja'amyätstë wi'ix yë Wintsën tuunyën yë yajkutujkpë ets tëkokyë yë Egiptë ja'ayëty.

Biblia Mixe de Quetzaltepec

¹⁸ Tyam miits n'ënëëmëtë, ko këtii xytsyë'ëkëtëty. Yë'ë ëkja'amyätstë wi'ix yë Wintsën tuunyën yë yajkutujkpë ets tëkokyë yë Egiptë ja'ayëty.

Deuteronomio 7:18 ပူးပေါင်းရင်းမြစ်များ

Salmos 105:5

Yë'ë ja'amyätstë wi'ix winë mëj këjää të tuny të tkäjpxyën ets ja y'aaw y'ayuk mëti'ipë të tmëtyä'äkyën;

Salmos 77:11

Tyam je'eyës njaakja'amyätsa'any wi'ix ojts yë Wintsën winë mëj këjää tunyën tkäjpxyën;

Salmos 77:12

yë'ëjës nmëmayäämpy nmëtajäämpy mëti'ipë të tyajkojy të tpëjktä'äkyën.

Salmos 78:11

Ojts tja'atyëkooynyëtë wi'ix ënety winë të tjanajtstunën, ijxtëm ja mëj'ajtënën mëti'ipë tyuunën ma yë'ëjëtyën.

Deuteronomio 1:21

Yë Wintsën mëti'ipë miits mTiosajtëpën, yë'ë ya'atë naax kam mooyëtëp. Paaty jä'ä'atë jëtu'un ya'atë naax kajpn, nitsiptuntë. Jä'ä ko yë Wintsën mëti'ipë m'ap m'ok Tyios'ajtëpën tëë mmo'ojëtë jëtu'un tä të tukwinwanën ja aptëjk, këtii mtsë'ëkëtë ets këtii mkumay mkutajëtë.

Deuteronomio 1:29

Ënet ojts miitsëty n'ëtsowtë: Këtii nëkoo mkumay mkutajëtë, këtii tääpë ja'ayëty xytyimtsë'ëkëtë.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Deuteronomio 3:6

Tëkokyë tääpë kajpn ojts nyajkutëkooytya'atës, jëtu'un tä ënety të ntuntënës ja Sihón ja nyaax kyajpn jampë y'ëne'emyën Hesbón. Wa'ats nyaj'o'ktaaytyës ye'etyëjk to'oxytyëjk ets mëjpë mutskpë.

Deuteronomio 31:5

Ko ënety ja Wintsën jëtu'un të tjantytyuny ets ënety të mkë'ëmo'ojëtë ja naax kajpn, jëtu'un nëjkx winë xytyuntë tä ënety yë'ë të tni'ënä'ämën.

Deuteronomio 31:6

Amëk jotmëk mnäjyawëtëty, këtii mtsë'ëkëtëty ko ënety yë mëtsip muum xywyinkuwa'akëtë. Jä'ä ko yë Wintsën yë'ë yajpaataanp ma miitsëtyën ets ka'ap nijëna'a m'ëxmatsa'anyë.

Josue 8:1

Ënet ja Wintsën t'ënëmaay ja Josué: Këtii ninu'un mtimtsyë'ëkëty ets ni mkakumay mkakutajëty. Tuknipëjktaakë ets woowtso'onta'a tëkokyë yë mtsiptuunpëtëjk ets xynyitëkëty akujk jotkujk tääpë naax kajpn mëti'ipë xyëëwajtypyën Aí. Ëjts tëëjës nkë'ëyäky ma mijtsën tëkokyë ja'ayëty mëti'ipë jam tsënaaytyëpën ets mëët ja nyiyajkutujkpë. Näyjyëtu'un ja nyaax kyajpnëty ets ja y'it nyaaxwiinyëtëty mijts mjä'ä'atëp,

Jueces 6:13

Ets ja Gedeón y'ëtsooy: Ëknamä'kx Wintsën, pën mijts myajpatp mëët ëëtsëty ¿wi'ix koos o'ktëy njatë nkëpätë? ¿Maajëtën ja mëj'ajtën të nyëjkxta'ay mëti'ipës ja n'ap n'ok nyikajpxtën ko mijts ojts jap winë xytyuny Egiptë? Yë Wintsën tëëjës xy'ëxmajtsnëtë ets tëëjës xykyë'ëyajknëtë ma Madián ja'ayëtyën.