Deuteronomio 7:13 - Biblia Dc en Mixe de Quetzaltepec

¹³ Nëjkxëp mtsokëtë mjawëtë, mkënu'kxëtë ets myajmëj myajmayëtë; nëjkxëp tkënu'kxy ja m'u'unkëty m'ëna'këty, mpëjktä'äkyëty, mjë'kxyëty mpëkyëty, mka'ayënëty m'ukënëty, m'uukyëty mtojkxëty ets ja mjëyujk mtsajpkaajëty jam ma ja it naaxwiinyëtën ma ojts Dios ja m'ap m'ok tukwinwanën.

Biblia Mixe de Quetzaltepec

¹³ Nëjkxëp mtsokëtë mjawëtë, mkënu'kxëtë ets myajmëj myajmayëtë; nëjkxëp tkënu'kxy ja m'u'unkëty m'ëna'këty, mpëjktä'äkyëty, mjë'kxyëty mpëkyëty, mka'ayënëty m'ukënëty, m'uukyëty mtojkxëty ets ja mjëyujk mtsajpkaajëty jam ma ja it naaxwiinyëtën ma ojts Tios ja m'ap m'ok tukwinwanën.

Deuteronomio 7:13 ပူးပေါင်းရင်းမြစ်များ

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Juan 16:27

jä'ä ko ja nTeetyës kë'ëm miits mtsojkëtëp. Mtsojkëtëp jä'äkyëjxm koos miits tsyoktë ets jä'ä ko tëë xymyëpëktë koos jam ntsoony ma Tiosën.

Éxodo 23:25

Yë'ë jëtu'un m'ëwtatëp yë mWintsën ets yë'ë mo'ojanëp yë mka'ayën m'ukën. Nëjkxëpës näjyëtu'un njëpëky njëtuny yë pa'am ëyo'on ma miitsëtyën.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kuttujkën ets xytyuntëty mëti'ipë Dios tsyojkpy ets xy'ëxajëtëty tëkokyë ya'atë jotkujk'ajtën.

Proverbios 10:22

Ni'ik tsyowpaaty ko yë Dios kyënu'kxy jyëkyejpy, jä'ä ko ka'ap yajmony yajtuky.

Job 42:12

Dios, ojts yë Job may winë tmo'oy ko jyaak jyuuky'äjty, ni'ik may këtiinëm tä ënety të tmëët'atyën më''ëka'any. Majkmajkts mil ojts yë kupixyny tmëët'aty, tëtujk mil yë jëyujk jëku'ux, tu'uk mil yë tsajpkaa ets tu'uk mil yë krukts.

Deuteronomio 28:11

Yë Wintsën nëjkxëp mtuk'ixyë yë y'oyjyot y'oywyinma'any ets m'u'unk m'ëna'k nëjkxëp tyajnimayë, nëjkxëp tyajnimayë näjyëtu'un yë mjëyujk mtsajpkaa ets ja kyënu'kxën yajkëta'akäämpy jam ma ja mkam mtu'ujën, tëkokyë ya'atë kënu'kxën jam tyaka'any ma ja it naaxwiinyëtën mëti'ipë ja m'aptëjk tyukwinwa'anëyën, ko miits mo'oja'anëtë.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Deuteronomio 7:7

Ko yë Wintsën miits të mtsojkën'atëtë ets të mwin'ixëtë, ka'ap yë'ëkyëjxmëty ko mnimay'atë. Jä'ä ko tää wiinkëtypë kajpn ma ni'iknimay yë ja'ayën, miits mniwäänë oyëty.

Salmos 11:7

Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Dios wiinxë jëjpxë.

Deuteronomio 13:17

Nitii xykyamëwë'ëmtëty, mëti'ipë ënety yë Wintsën të tuknipëjktaakën kyutëkoyëty ets jëtu'un nëjkx ka'ap mtukjoot'anpëkëtë. Ni'ikyë nëjkx mpa'ëyow mnajts'ëyowëtë ets nëjkxëp myajmëj myajmayëtë jëtu'un tä ojts tukwinwanën ja m'ap m'okëty.

Deuteronomio 30:5

Ënet ja Wintsën nëjkx jatëkok tyajye'eymyujkta'ay ja ja'ay ma ja mnaax mkajpnëtyën, mëti'ipë ja m'ap m'ok tyukwinwa'anëyën ets ja kajpn xyajwintuktëty. Nëjkxëp jatëkok xypyaatë xy'ixtë ja wit meeny, ja jë'kxy pëky ets ja u'unk ëna'k mëjwiin këjää.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Salmos 146:8

Yë Wintsën yaj'ijxë'kpy yë ja'ay mëti'ipë wiintsën, yajjotkujktäkpy yë ja'ay mëti'ipë ëyo'ontum yajpatpën; tsyojkpy jya'ap näjyëtu'un yë ja'ay mëti'ipë oy yajxon juuky'ajtëpën.

Proverbios 15:9

Dios ka'ap nijënu'un t'oy'ixy wi'ix yë ëxëëkja'aytyëjk y'ëtë'ëtstën y'ëna'antën; e tsyojkpy mëti'ipë mëtëy juukyajtpën.

Deuteronomio 1:8

Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.

Deuteronomio 28:1

Pën mjantymyëmëtoopyën yë mWintsën ets mpatuunëp ja y'ënä'ämën tyiyajtën, mëti'ipë tyam të ntuk'ëne'emyën, yë Dios mëj myajnaxa'anyë ets akäjpxy nëjkx muum m'ity wiink naax wiink kajpn.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Job 1:10

Mijts ka'ap xyajkutuky ets pën kyë'ënixajëtëty, mëk xykyëwent'ajtë jyuukyajtën, jyiiky myëku'uk ets tëkokyë mëti'ipë myëët'ajtypyën; aak mkënu'kxyp mëti'ipë myëët'ajtypyën ets kumeenyjyä'äy yë'ë, may ni'ik yë jëyujk tsajpkaa tmëëtëty këtiinëm yë myëku'uktëjk, myëkunaax myëkukajpn.

Salmos 107:38

Yë'ë kyënu'kxyp ets yë'ë kë'ëm tyuknipëjktakëp ets myëjwiin kyëjääjëty yë jyëyujk tsyajpkaajëty.