Deuteronomio 7:1 - Biblia Dc en Mixe de Quetzaltepec

¹ Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Biblia Mixe de Quetzaltepec

¹ Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Deuteronomio 7:1 ပူးပေါင်းရင်းမြစ်များ

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

1 Crónicas 1:14

Yë Canaán yë'ë ojts t'u'unk'aty t'ok'aty yë ja'ayëty mëti'ipë yajtijtëpën Jebús ja'ayëty, Amor ja'ayëty, Gerges ja'ayëty,

2 Crónicas 8:7

E ja Hit ja'ayëty, Amor ja'ayëty, Heve ja'ayëty, Ferez ja'ayëty ets Jebús ja'ayëty, mëti'ipë të wyë'ëmtën ka'apë y'Israel ja'ay'atën,

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

Nehemías 13:23

Ojts näjyëtu'un yajnijawë ko tam ja jutië ja'ayëty mëti'ipë ënety të pyëktën mëët ja to'oxytyëjkëty jampë kyukajpn'atën Asdod, Amón ets Moab;

Salmos 78:55

Ja ja'ayëty mëti'ipë ënety y'ëwtajtëpën wiink tios, ojts tjëpëky tjëtuny ma ja Israel kajpnën; ets nän yë'ë ojts kë'ëm tyajwä'kxy ja it naaxwiinyëtë ma tu'uktu'uk ja Israel ja'ayëtyën, ets ojts tmo'oy ja tsyënaaytyakn nitu'ukjaty ma jyuuky'atëtyën.

Éxodo 15:7

Mëët yë mmëkajtën, yë'ë mëët xyjyaamte'eny xynyaaxte'eny, ja mëti'ipë mjanipëtë'kën, ko ja mjoot'an yajxon tyooypyijky. Ënet yë'ëjëty tyooytyëkooytyääytyë jëtu'un tä mëëy tyoyën.

Éxodo 23:28

Ëjts nyajkutukäämpyës ets ëyo'on jotmay jam mëj këjää y'itëty ma Heve ja'ayëtyën, Hit ja'ayëtyën ets Canaán ja'ayëtyën; tääpë ëyo'on yë'ë nëjkx yajkä'äkëtë.

Éxodo 23:32

Nitiiwinma'any mëët yë'ëjëty xykyamëët'atëty ets ni yë tyiosëty.

Éxodo 23:33

Yë tyiosëty këtii jam xy'ijxta'aktëty ma mkajpnën këtiipë myajpokytyunëtëty maas ëjtsën, jä'ä ko mijts tsojk xy'ëk'ëwtajtnëty ets nëjkx yë'ë myajtu'utëkoyë.

Éxodo 33:2

Ëjts tyamës yë nkukäjpxy nkäxa'any mëti'ipë mtu'uwinye'eyëtëpën ets n'ëxwojpta'aja'anyës jam ma nyaaxëty kyajpnëtyën yë Canaán ja'ayëty, Amor ja'ayëty, Hit ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Hechos 13:19

Tääts ojts tyajkutëkoy wëxtujkpëky ja naax kajpn mëti'ipë ijtën Canaán ets ja nteety'ajt n'ap'ajtëmë yajmooytyë ja naax.

Deuteronomio 11:29

Ko ënety yë Wintsën mëti'ipë miits mTiosajtëpën jam të myajja'tëtë ma tääpë it naaxwiinyëtën mëti'ipë mjä'ä'atantëpën, yë näkyënu'kxë jam nëjkx xykyëxkajpxtë ma Guerizim kopkën, e yë näpyokë jam nëjkx xykyëxkajpxtë ma Ebal kopkën.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Deuteronomio 20:16

E ma ja naax kajpnën mëti'ipë jam yajpatpën ma ja it naaxwiinyëtën, mëti'ipë ja Wintsën ënety mooyëtëpën, tëkokyë winëjaty mëti'ipë jam yajpatëpën, nëjkxëp xyajkutëkooytya'atë.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Deuteronomio 31:3

E miitsëty yë'ë yam ntukmëtowantëp ko këtii mmaytyëty mtajtëty, yë Wintsën yë'ë xëmë yajpaataanp ma miitsëtyën ets yë'ë nëjkx kë'ëm tyajkutëkooytyä'äy ja naax kajpn maajaty ënety mnaxtën ets nëjkx xynyiwa'aktë ja it naaxwiinyëtë. Yë Josué yë'ë nëjkx mtu'uwinye'eyëtë ets yë'ë nëjkx mnikopk'atëtë, jëtu'un tä yë Wintsën të tnikäjpxyën.

Deuteronomio 4:38

Ojts tyajkutëkoy mëjëtypë naax kajpn, ma miits kë'ëm xytyim'ijxtën ets miits myajmo'oja'antë, tä tyam yaj'ixy yajtunyën.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënety jam myajpatnëtë ma ja it naaxwiinyëtën mëti'ipë mjä'ä'atantëpën.

Deuteronomio 6:10

Yë Wintsën mëti'ipë miits mTiosajtëpën, yë'ë jam myajtëkëjanëtëp ma ja naax kamën mëti'ipë ja Abraham, Isaac ets Jacob tyukwinwa'anëyën ko mo'oja'anëtë. Tääpë it naaxwiinyëtë myëët'ajtyp oyëtypë naax kajpn, mëti'ipë miits nijënu'un xykyanijawëtën wi'ix ojts kyojyën.

Deuteronomio 6:19

Ets jëtu'un'äämpy tjëkyäpëty wi'ix ja Wintsën tpawojpkäkta'ajëtyën ja mmëtsiptëjk mëti'ipë ëxëëk mjatunanëtëpën, jëtu'un tä të tnikäjpxyën.

Deuteronomio 6:23

E ëëtsëty ojtsës jap nyajjuutë ets ojts xywyoownëjkxtës jam ma ja it naaxwiinyëtën mëti'ipë ja n'ap n'okëtyës yajtukwinwa'anëtyën ets ëëts nyajmooytyë.

Deuteronomio 9:1

Mëtoow'itë tyam miitsëty Israel ja'ayëty, tëë jëtu'un ja xëëw jëmëjt tpaaty ets xytyuknaxtëty ja mëjnëë mëti'ipë yajtijpën Jordán; niwa'kta'atë ja naax kajpn mëti'ipë mëjjëtyën këjääjëtyën këtiinëm miitsëty, mëti'ipë ja kyajpnëty këjxmëty ets mäjpxyëty nyapotsyëtyën.

Deuteronomio 9:3

E miitsëty yë'ë mëpaat xymyëmay xymyëtajtë, ko ja Wintsën, miits yë mTiosëty yë'ë mtu'uwinye'eyëtëp. Yë'ë jëyëjp nëjkxp ma miitsëtyën, jëtu'un tä tu'uk yë mëj jëënën mëti'ipë ka'ap nitii tyajwë'ëmyën. Tyajkutëkooytyä'äy ja naax kajpn maajaty tyimnaxyën. Ko tääpë naax kajpn xynyitëkëtëty, ka'ap tsip xyajtukwa'atstëty ets xyajkutëkoytyëty ja nyija'ay. Tu'k'ijxmi'kyxyë nëjkx kyutëkooytya'atë tä ja Wintsën të tnikäjpxyën.

Deuteronomio 9:4

Ko ënety ja Wintsën të tyajjëwa'kta'ay ja ja'ay, mëti'ipë jam tsënaaytyëpën, këtii nëjkx m'ëna'antë: Tioskujuuyëp mëët ya'atë mëjnäkyumayë, ma ya'atë Wintsën të xymyo'oyëmën yë naax kam. Jä'ä ko pën yë Wintsën y'ëxwojptääpy tääpë yë naax kajpn, yë'ëkyëjxm jëtu'un tuny, ko ja nyëë pyokyëty mëj këjää oy të wyinku'ujtnë jam Dios wintum.

Josue 11:3

Ojts näjyëtu'un tuntë ja käjpxytyu'unën mëët ja Canaán ja'ayëty mëti'ipë ënety yajpatëpën jamtsow a'oytsyow ets anajnytsyow, näjyëtu'un mëët yë Amor ja'ayëty, Hit ja'ayëty, Ferez ja'ayëty, Jebús ja'ayëty jampë tsyëënëtën ets Heve ja'ayëty mëti'ipë jam tsënaaytyëpën ma ja mëjkopk txëëwatyën Hermón Mizpá nyaaxjot.

Josue 24:11

Tää xytyuknajxtë ja Jordán mëjnëë ets mja'ajtë jam Jericó. Ja ja'ayëty mëti'ipë ënety jam tsënaaytyëpën Jericó, yë Amor ja'ayëty, Ferez ja'ayëty, Canaán ja'ayëty, Hit ja'ayëty, gergeseos ja'ayët, Heve ja'ayëty ets Jebús ja'ayëty ojts näjyëtu'un mnipëtë'ëkëtë e kajts xyajmëtaktë jä'ä koos ojts jëtu'un nyajkutuky.

Josue 3:10

Ya'atë jëtu'un yajtuk'ixëp ko yë Dios juukpyë tyaa yajpaaty mëët miitsëty, ma ënety mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.