Deuteronomio 6:24 - Biblia Dc en Mixe de Quetzaltepec

²⁴ Ok ja nWintsënëtyës Dios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.

Biblia Mixe de Quetzaltepec

²⁴ Ok ja nWintsënëtyës Tios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.

Deuteronomio 6:24 ပူးပေါင်းရင်းမြစ်များ

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Salmos 41:2

Yë Wintsën yë'ë kuwa'ananëp ets myo'oja'anyë yë juukyajtën ets jotkujk'ajtën yaa naaxwiiny, ka'ap y'ëxmatsa'anyë ets kya'ajëty jam ma myëtsipën.

Isaías 3:10

Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Romanos 10:5

Jëtu'un ja Moisés ja y'ënä'ämën y'ënä'äny, këxja'aypyë myinyën: Pën ja ënä'ämën pyatuumpy, yë'ë yajjuuky'atëtëp.

Deuteronomio 8:1

Mpatuntëp ya'atë ënä'ämën tëyajtën mëti'ipë tyam të ntuk'ënä'ämtën, jëtu'un mjuuky'atëty, mnimayëtëty ets m'awinpitëty tu'uk mëj kajpn ets xynyiwa'aktëty ya'atë naax kam, mëti'ipë ja Wintsën tyukwinwa'anëyën ja m'ap m'okëty.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kuttujkën ets xytyuntëty mëti'ipë Dios tsyojkpy ets xy'ëxajëtëty tëkokyë ya'atë jotkujk'ajtën.

Proverbios 22:4

Yë yu'unk'ajt naxym'ajtën ets ma Tiosën, yë'ë myëmiinpy yajmiimpy yë kuwit'ajt kumeenyajtën, jotkujk'ajtën ets ja juukyajtën.

Proverbios 9:12

Pën mijts mwijy mkujk, mijts kë'ëm mtuk'oy'atëp. Pën ëxëëk mja'ay'äty, kë'ëm ëyo'on mnätyukpaatëtëty.

Salmos 66:9

Jä'ä ko yë'ë xyaj'ijtëmë juuky ets ka'ap nijëna'a të xy'ëxmajtsëmë ets ëxëëk njajtmëty nkëpäjtmëty.

Deuteronomio 8:3

Oy ojts mëk m'ëk ëyowtë ets m'ayuu'ajt m'ëxëëwajtë, yë'ë, ojts jatëkok mpa'ëyowëtë, ojts jatëkok myajkay myaj'uukëtë mëët ja maná. Jä'ä jëtu'un ja ka'ayën ukën mëti'ipë ni miits ets ni m'ap m'ok tkanija'awëtyën tiitën jä'ä, paatykyëjxm yë'ë tyäjky ets mtuknijawëja'anëtë, ko ja'ay ka'ap yi'iyë ka'ayën ukën timtyukjuuky'atëty. Nëjkxëp näjyëtu'un tukjuuky'äty ja Wintsën ja y'aaw y'ayuk.

Deuteronomio 4:4

E tëkokyë miitsëty, jënu'un ojts yi'iyë xytyuk'ijxpätën yë Wintsën mëti'ipë mTiosajtëpën, ix tyaa myajpaatë je'eyëm juuky tsuxk.

Lucas 10:28

Ënet ja Jesús y'ënëmaayë: Tëy m'ëna'any. Pën mpatuunpy jëtu'un, mpaatëp ja juukyajtën xëmëkyëjxmëpë.

Éxodo 20:20

Tä ja Moisés y'ëtsowëtë: Këtii mtsë'ëkëtë, Dios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

Deuteronomio 6:23

E ëëtsëty ojtsës jap nyajjuutë ets ojts xywyoownëjkxtës jam ma ja it naaxwiinyëtën mëti'ipë ja n'ap n'okëtyës yajtukwinwa'anëtyën ets ëëts nyajmooytyë.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Salmos 41:3

Yë Wintsën yë'ë mmo'ojanëp yë mëk'ajtën ma ënety yuujoty pa'amjoty yajpaatyën ets myo'oja'anyë tsokën akëtakën ma ënety pyikyë y'ixyën.