Deuteronomio 6:2 - Biblia Dc en Mixe de Quetzaltepec

² Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Biblia Mixe de Quetzaltepec

² Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Deuteronomio 6:2 ပူးပေါင်းရင်းမြစ်များ

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Dios mo'ojanëtëpën, nëjkxëp jam jeky mjuuky'atë.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Deuteronomio 13:4

Yi'iyë yë Wintsën mëti'ipë mTiosajtëpën tim panëjkxtëkëtë; tuntë ijxtëm ja y'ënä'ämën myinyën ets yi'iyë ja y'aaw y'ayuk mëtoow'ijtëtë. Yë'ë mka'ëxmatstëp ets jam xëmë mjot mwinma'any xypyëjkta'aktëty ma yë'ëjën.

Éxodo 20:20

Tä ja Moisés y'ëtsowëtë: Këtii mtsë'ëkëtë, Dios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

Salmos 128:1

Janty jotkujk mijts myajpaaty mëët ko ja Wintsën xytsyoky xyjyawë ets ko xymyëmëtoy.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

Proverbios 3:16

Ja wijyjyä'äy pyätyp ja juukyajtën mëj këjää, ets näjyëtu'un ja wijyjyä'äy pyätyp ja wit meeny mëj këjää.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kuttujkën, yë'ë xyëëw myajtuunëtëp.

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Dios. Ko ënety tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Dios.

Deuteronomio 22:7

Yi'iyë mëpaat tmënëjkxy yë joon u'unk, yë tyaak nëjkxëp tnajtsmajtsëyë. Jëtu'un jeky ets jotkujk jyuuky'atëty.

Deuteronomio 6:7

ets xytyukni''ixëty xëmë ja m'u'unk m'ëna'k, mtukmëmëtya'akëp oy jyapëty tëkoty, në'ë'am tu'u'am; ko ma'ajan mpo'kxanëty ets ko ma'aypyëtë'ëkëty.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Génesis 22:12

Y'ënäny ja Dios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Dios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënety jam myajpatnëtë ma ja it naaxwiinyëtën mëti'ipë mjä'ä'atantëpën.

Deuteronomio 11:9

Ets jëtu'un'äämpy nëjkx jam jeky mtsëënëtë mjuuky'atë, ma ja it naaxwiinyëtën mëti'ipë ojts ja Wintsën tukwinwanën ja m'ap m'okëty ets ja y'u'unk y'ëna'këty, jam jëtu'un ma ja jë'kxy pëky ka'ap y'ëmaaytyä'äkyën.

Salmos 91:16

ëjts nyajkutukäämpy ets tukxoonta'aktëty ja juukyajtën jekpyë, etsës nyajxoonta'aka'any ma ja nitsokënën.

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Deuteronomio 6:24

Ok ja nWintsënëtyës Dios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.

Deuteronomio 15:5

Ënet jëtu'un pën mëmëtoopy ets mtuumpy, ijxtëm yë'ë tni'ënä'ämën, jëtu'un tä tyam të mtukmëtowëtën.

Deuteronomio 30:19

E tyam yë'ëjës yam yë tsajp ets naaxwiinyëtë npëjktäkpy tä jeexyë ijxpë nija'apën ets tä jeexyë y'ixtën myëtowtën ma miitsëtyën, ko miits yam ntukwin'ixtë, mëti'ipë juukyajtën mtsojkën'ajtëp: pën yë'ë mwin'ijxtëp ma jeky mjuuky'atëtyën ëkë pën yë'ë ja o'kën tëko'oyën. Pën yë'ë ja näkyënu'kxën ëkë pën yë'ë ja näpyojkën. Ëjts jëtu'unës yam kë'ëm n'ëna'any, ko yë'ë mwin'ijxtëp ja juukyajtën ma jeky mjuuky'atëtyën mëët ja m'u'unk m'okëty.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Josue 4:24

Jëtu'un nëjkx tëkokyë ja naax kajpn tnijawëtë naaxwiinyëtë apëtsëmy ko yë Wintsën mëj ets jaanty yë'ë. Miitsëty yë'ë xëmë m'ëwtatëp ets xymyëjjaw xy'oyjyawëtëty, tääpë Wintsën mëti'ipë miits mTiosajtëpën.

1 Reyes 8:40

Jëtu'un'äämpy ja ja'ay mwinkutsë'ëkëtëty ma jyuuky'ätyën yaa naaxwiiny, ma naaxën mëti'ipë mtukumaayën ja n'ap n'okëtyës.

Proverbios 9:11

Oy ko jyää'aty wijyajtën, jeky mjuuky'ata'any ets këjääjëjaanp ja xëëw jëmëjt ma mjuuky'ata'anyën.

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.