Deuteronomio 6:11 - Biblia Dc en Mixe de Quetzaltepec

¹¹ Ja jëën tëjk ujts yajpaaty mëët winë mëti'ipë oyëtyën; mëti'ipë ka'ap miitsëty të xy'atsëëm'utstën ets mëët ja nëëjut mëti'ipë ka'ap të xytyajtën; näjyëtu'un ja tsatsymkyam, tsajpmokam, mëti'ipë jamën mëj këjää jam yajpaatë, ka'apë myiitsëty xynyijawëtën wi'ix të wyintu'upëkyën. E yë'ëts nëjkx xyjyë'kxtë ets akëtä'äky jotkëtä'äky myajpaatëty.

Biblia Mixe de Quetzaltepec

¹¹ Ja jëën tëjk ujts yajpaaty mëët winë mëti'ipë oyëtyën; mëti'ipë ka'ap miitsëty të xy'atsëëm'utstën ets mëët ja nëëjut mëti'ipë ka'ap të xytyajtën; näjyëtu'un ja tsatsymkyam, tsajpmokam, mëti'ipë jamën mëj këjää jam yajpaatë, ka'apë myiitsëty xynyijawëtën wi'ix të wyintu'upëkyën. E yë'ëts nëjkx xyjyë'kxtë ets akëtä'äky jotkëtä'äky myajpaatëty.

Deuteronomio 6:11 ပူးပေါင်းရင်းမြစ်များ

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Jueces 3:7

Yë Israel ja'ayëty ka'ap ojts winë oy tuntë tkajpxtë Dios wintum ojts ja Wintsën tja'atyëkooynyëtë ets ojts t'ëwtajnëtë ja Baal ja y'awinax ets ja Astarté ja y'awinax.

Deuteronomio 11:15

Dios nëjkxëp jam kamwinm tu'uwinm tyajpëtsëmy yë aay ujts mëti'ipë jyë'kxtëp pyëktëpën yë mjëyujk mtsajpkaa ets miitsëty ka'ap nëjkx yë mjë'kx mpëky xyaj'ëmaaytya'aktë.

Deuteronomio 14:29

Yë'ë mo'otëp yë Leví ja'ayëty, ko ënety mnimin mnija'tëtë. Miits tëë xynyijawëtë, ko yë'ëjëty ka'ap tii nyaax kyamëty jëtu'un tä miitsëtyën; yë'ë nëjkx xymyo'otë yë jaaypyaat jaaypyo'kxyëty, ku'ooky'u'unkëty ets ku'ooky tyo'oxyëty ets jëtu'un näjyëtu'un yajpaatëty ku'uxyë jotkëtä'äky. Yë Wintsën nëjkxëp mkënu'kxëtë ets mjuuky'atëty mëjwiin këjää ko ënety jëtu'un xytyuntë.

Deuteronomio 19:1

Ko ënety ja Wintsën të tyajkutëkooytyä'äy ja naax kajpn, mëti'ipë jam yajpatëpën ma ja it naaxwiinyëtë mëti'ipë miits mjä'ä'atantëpën ets jam ja mnaax mkajpnëty ets ja mjëën mtëjkëty ënety të xypyëjktaknëtë.

Josue 24:13

Tëë miits nmo'otë yë naaxwiinyëtë ma ënety ka'ap nijëna'a të mtuntën ets ja naax kajpn ma ka'ap miitsëty të xykyojtën. E tyam jam mtsëënëtë ets yë'ë mjë'kxtëp ja aay ujts mëti'ipë ka'ap të xykyojtën. Ets ja Josué tjaaknikajpxëy ja y'ayuk:

Nehemías 9:25

Ojts tjä'ä'atë may ja naax kajpn mëti'ipë ënety ta'tspëkyëtyën ets mëti'ipë myëët'ajtypyën ja naax kajpn oyëtypë ets jë'kxynyaaxpë, ja naax kajpn ma oyëtypë ja jëën tëjkën ujtsëty mëët ja jë'kxy pëky ets wit meeny, jam'ajtp ja nëë, jam'ajtp ja kam, aaykyam ujtskam ets jë'kxykyam; ets kyääytyë y'uktë koonëm kyuxëtë ets jyot tyiin'ak tyaj'ujtstë mëët ko ënety mijts ja m'oyjot m'oywyinma'any xymyëët'aty.

Salmos 105:44

ets myooyëtë ja naaxwiinyëtë mëti'ipë wiink kajpn jyä'ä'ajtypyën, ets ja jë'kxy pëky mëti'ipë wiink ja'ay nyitu'unëyën,