Deuteronomio 5:33 - Biblia Dc en Mixe de Quetzaltepec

³³ Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Biblia Mixe de Quetzaltepec

³³ Yë'ë ja në'ë tu'u panëjkxtë mëti'ipë ja Tios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Deuteronomio 5:33 ပူးပေါင်းရင်းမြစ်များ

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Dios mo'ojanëtëpën, nëjkxëp jam jeky mjuuky'atë.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Salmos 119:6

Ka'apës nitii ntsëtyu'unjawëty koos npatunëty ja m'ënä'ämën mtëyajtën.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Efesios 6:3

ets akujk jotkujk jeky mjuuky'atëty naaxwiiny.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënety jam myajpatnëtë ma ja it naaxwiinyëtën mëti'ipë mjä'ä'atantëpën.

Deuteronomio 6:3

E paaty yam n'ënëëmëtë miits Israel ja'ayëty, ko yë'ë mpatuntëp. Jëtu'un oy mjuuky'atëty ets nëjkx m'awinpitë tu'uk mëj kajpn ma ya'atë it naaxwiinyëtën, ma ka'ap yë jë'kxy pëky y'ëmaaytyä'äkyën, jëtu'un ijxtëm yë Wintsën mëti'ipë m'ap m'ok Tyiosajtën ojts twinwanën.

Deuteronomio 11:9

Ets jëtu'un'äämpy nëjkx jam jeky mtsëënëtë mjuuky'atë, ma ja it naaxwiinyëtën mëti'ipë ojts ja Wintsën tukwinwanën ja m'ap m'okëty ets ja y'u'unk y'ëna'këty, jam jëtu'un ma ja jë'kxy pëky ka'ap y'ëmaaytyä'äkyën.

Deuteronomio 12:25

Këtii yë ne'pyny xyjyë'kxtëty ets jotkujk mjuuky'atëty, näjyëtu'un yë m'u'unk m'ëna'këty mëët ko ënety ja Wintsën ja y'aaw y'ayuk xypyatuunëtë.

Deuteronomio 12:28

Mëtowtëp ets mpatuntëp jëtu'un, mëti'ipë yam ntuk'ënä'ämtëpën. Jëtu'un jotkujk xëmë mjuuky'atëty, näjyëtu'un yë m'u'unk m'ëna'këty, mëët ko ënety xytyuntë mëti'ipë oyën ets tëyajtën, mëti'ipë y'oy'ijxypyën mWintsën Tiosëty.

Deuteronomio 22:7

Yi'iyë mëpaat tmënëjkxy yë joon u'unk, yë tyaak nëjkxëp tnajtsmajtsëyë. Jëtu'un jeky ets jotkujk jyuuky'atëty.

Jeremias 42:6

Oy ëëts n'oyjyawë nka'oyjyawëtëty wi'ix y'ëtsoyën, yë nWintsën'ajtëm Dios, yë'ëjës nmëmëtowantëp mëti'ipë yaj'awa'kpën ets oy tsuj njuuky'atëtyës.

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

Deuteronomio 8:1

Mpatuntëp ya'atë ënä'ämën tëyajtën mëti'ipë tyam të ntuk'ënä'ämtën, jëtu'un mjuuky'atëty, mnimayëtëty ets m'awinpitëty tu'uk mëj kajpn ets xynyiwa'aktëty ya'atë naax kam, mëti'ipë ja Wintsën tyukwinwa'anëyën ja m'ap m'okëty.

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

Deuteronomio 30:16

Pën mtuuntëp ijxtëm yam ntuk'ënä'ämtën ets pën mtsojktëp mja'awëtyëp ja mWintsën mëti'ipë mTiosajtëpën ets pën mpanëjkxtëp ja nyë'ë tyu'u ets pën mpatuuntëp ja y'ënä'ämën tyiyajtën ets ja y'aaw y'ayuk, jotkujk nëjkx mjuuky'atë ets Wintsën mëti'ipë miits mTiosajtëpën nëjkxëp mkënu'kxëtë näjyëtu'un ja m'u'unk m'ëna'këty jam ma ja it naaxwiinyëtën mëti'ipë mjä'ä'atantëpën.

1 Reyes 3:14

Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

2 Reyes 17:37

Ets ja n'ënä'ämënës ntëyajtënës yajxon mëpaat xykyuuytyuntë, tëkokyë ja mëti'ipës të n'ëy të nkäjpxyën ets ntukni''ixëtën yë'ë jëtu'un mpanëjkx mpaye'eytyëp ets këtii mëpaat wiink tios xy'ëwtatë.

1 Crónicas 28:8

E tyam ma yaa ni'ëmukë nyajpatëmën ëëtsajtëm Israel ja'ayëty, ma yam yajnitu'ukmukën ja Wintsën ja xyëëw mëti'ipë nTios'ajtëmën, ma winë tmëtoow'ityën. Pëjkë'ëk tunë'ëktë ja y'ënä'ämën tyiyajtën ja Wintsën, jëtu'un'äämpy ya'atë oypyë naaxwiinyëtë xyjyä'ä'atëty ets nëjkx jëna'a ja m'u'unk m'ëna'k xytyukkumaytyë.

Salmos 37:9

Yë ëxëëkja'aytyëjk nëjkxëp yaj'ixkäxtë ma ja naax kajpnën, e mëti'ipë Wintsën tyuk'ijxpäjtëpën yë'ë nëjkx ja y'ijtakn tpaatë ma ja naax kajpnën.

Salmos 37:11

Yë'ë tëy yë ja'ayëty mëti'ipë yu'unk naxym juuky'ajtëpën, nëjkxëp tkuma'ayën'atë yë naaxwiinyëtë ets nëjkx akujk jotkujk jyuuky'atë.

Salmos 37:22

Pënjaty yë Wintsën të tkënu'kxyën, yë'ë jyä'ä'atantëp yë naaxwiinyëtë, e pënjaty të tpokyën nëjkxëp kyutëkooytya'atë.

Salmos 37:29

Yë oyjyä'äytyëjk nëjkxëp tkuma'ayën'atë yë naaxwiinyëtë, ets xëmëkyëjxm nëjkx tsyëënëtë naax wiinkëjxy.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënety ja ëxëëkja'aytyëjk kyutëkoytyën.

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,