Deuteronomio 5:32 - Biblia Dc en Mixe de Quetzaltepec

³² E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

Biblia Mixe de Quetzaltepec

³² E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Tios ets këtii nijëna'a xy'ëxmatstëty.

Deuteronomio 5:32 ပူးပေါင်းရင်းမြစ်များ

2 Reyes 17:37

Ets ja n'ënä'ämënës ntëyajtënës yajxon mëpaat xykyuuytyuntë, tëkokyë ja mëti'ipës të n'ëy të nkäjpxyën ets ntukni''ixëtën yë'ë jëtu'un mpanëjkx mpaye'eytyëp ets këtii mëpaat wiink tios xy'ëwtatë.

2 Reyes 21:8

Ëjts ka'apës o'ktëy ja Israel ja nyaax kyajpn n'ëktunanënë, pën kyuuytyuunpy ja n'ënä'ämënës ntëyajtënës ets tëkokyë ja ijxpëjkën mëti'ipë të nmo'oyën mëti'ipë ojts ja ntuunpës Moisés mtukni''ixëtën.

2 Reyes 22:2

Ja tyu'unën kyajpxën ja Josías oy ja Wintsën t'ijxy, jä'ä ko yë'ë oy winë tuuny tä ja y'apteety David winë tuunyën, yë'ë ka'ap ojts ma tii tuuntëkoy.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Salmos 19:12

¿Pën jëtää kë'ëm y'ëkja'awëy'ijtyp ko tii oy tkatuny? Wintsën, mä'kxkës yë ntuuntëko'oy nkajpxtëko'oyën mëti'ipë yu'utsy ijtpën.

Salmos 80:19

Wintsën, Dios mëti'ipë maaytyääyëpën winë, mijts m'a'ixëp etsës jatëkok jëtu'un nja'ay'atëty tä ijty tëëyëpën. Ni''ijxkëtaktëk ëëtsëty etsës npaatëty ja nitsokën.

Proverbios 3:2

jëtu'un jeky mjuuky'atëty ets myajpaatëty xëmë jotkujk.

Proverbios 4:27

Këtii nijëna'a mtu'utëkatsëty, ets këtii jam mnëjkxëty ma ëxëëkpë tyu'uye'eyën.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Deuteronomio 11:32

Yë'ë mkuuytyuntëp xëmë ya'atë ënä'ämën tëyajtën ets ya'atë aaw ayuk mëti'ipë tyam të ntuk'ëwaanëtën ets të ntuknijawëtën.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 17:11

Jëtu'un xytyuntëty, tä ënety yë'ë mtuk'ënä'ämëtën, wi'ix ja ja'ay tkukëpätëtyën ja nyëë pyoky ets wi'ix yajtëytyunëtyën, nitii nëjkx xykyayajtëkatstë.

Deuteronomio 17:20

Këtiipë mëj këjxm nyäpyëjkta'akëtëty ma ja myëku'uktëjkën ets këtiipë tja'atyëkoyëty ya'atë ënä'ämën tëyajtën. Jëtu'un'äämpy jekpyaat y'ënä'ämëty ets näjyëtu'un ja y'u'unk y'ok tyuka'ajëtëty ja jëtu'unpë ja tuunk.

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.

Deuteronomio 28:14

Ets ko yë'ë xëmë xy'aaw'at xyjyot'atëty, ijxkëm jëna'a m'ënaanpë ja wiink wintsën xypyanëjkxa'any.

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

Deuteronomio 6:17

Yë'ë tu'ukyë timpyatuntë ja Dios ja y'ënä'ämën tyiyajtën, ja y'aaw y'ayuk ets ja nyajts'ë'ëw nyaskajpxën mëti'ipë të mtuk'ënä'ämëtën.

Deuteronomio 6:25

Paaty ëëtsëty tëëjës nnijawëtë ko oy'atëp koos mpatuntëty ya'atë ënä'ämën tëyajtën ma ja nWintsën'ajtëm Tiosën, jëtu'un tä yë'ë të tni'ënä'ämën.

Deuteronomio 6:3

E paaty yam n'ënëëmëtë miits Israel ja'ayëty, ko yë'ë mpatuntëp. Jëtu'un oy mjuuky'atëty ets nëjkx m'awinpitë tu'uk mëj kajpn ma ya'atë it naaxwiinyëtën, ma ka'ap yë jë'kxy pëky y'ëmaaytyä'äkyën, jëtu'un ijxtëm yë Wintsën mëti'ipë m'ap m'ok Tyiosajtën ojts twinwanën.

Deuteronomio 8:1

Mpatuntëp ya'atë ënä'ämën tëyajtën mëti'ipë tyam të ntuk'ënä'ämtën, jëtu'un mjuuky'atëty, mnimayëtëty ets m'awinpitëty tu'uk mëj kajpn ets xynyiwa'aktëty ya'atë naax kam, mëti'ipë ja Wintsën tyukwinwa'anëyën ja m'ap m'okëty.

Josue 1:7

Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Josue 23:6

Yë'ë patuntë ja ënä'ämën tëyajtën mëti'ipë jap miinpën këxja'ay ma ja nokyën mëti'ipë yë Moisés y'ëxajëyën.

2 Pedro 2:21

Nikë oy ko jeexyë ka'ap të timnyijawëtë ja në'ë tu'u oypyë, jä'ä ko tëë tjanijawëtë ets ok të t'ëxmatstë ja Dios ja y'ënä'ämën mëti'ipë të jyayajmo'otën.