Deuteronomio 5:31 - Biblia Dc en Mixe de Quetzaltepec

³¹ E mijts wë'ëmës yaa mëët ëjts, jä'ä ko yë'ë yam ntuk'ëwaanëjäämpy tëkokyë ja ënä'ämën tëyajtën, ja kuttujkën ets ja aaw ayuk mëti'ipë ënät mnikajpx mnimëtya'akëpën ets yë'ë pyatuntëp, ko ënety jam yajpatnëtë ma ja naax kajpnën mëti'ipës nmo'ojantëpën ets tjä'ä'atëty.

Biblia Mixe de Quetzaltepec

³¹ E mijts wë'ëmës yaa mëët ëjts, jä'ä ko yë'ë yam ntuk'ëwaanëjäämpy tëkokyë ja ënä'ämën tëyajtën, ja kutujkën ets ja aaw ayuk mëti'ipë ënät mnikajpx mnimëtya'akëpën ets yë'ë pyatuntëp, ko ënäty jam yajpatnëtë ma ja naax kajpnën mëti'ipës nmo'ojantëpën ets tjä'ä'atëty.

Deuteronomio 5:31 ပူးပေါင်းရင်းမြစ်များ

Gálatas 3:19

¿E tii wya'anëty ja Moisés ja y'ënä'ämën? Mëti'ipë ok yajmooyën ets nyikëxë'ëkëty ja naaxwiinyëtë ja'ay ja pyokyëty, koonëm myinëty ja u'unk ok mëti'ipë ja Abraham ojts yajtukwinwanën. Kukäjpxy ojts yajtuknipëktë ets nikajpxtëty ja ënä'ämën ets ja Moisés je'eyë ojts tjaaynyäxy.

Malaquías 4:4

Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

Ezequiel 20:11

jam nmooytyës yë n'ënä'ämënës ntëyajtënës ets nkutujkënës, mëti'ipë yajjuuky'ajtpën ko ja'ay tpatuny.

Deuteronomio 12:1

Ya'atës jëtu'un ënä'ämën'ajtp tëy'ajtën'ajtp, mëti'ipë mtuntëpën ko ënety jam mjuuky'ajnëtë ma ja it naaxwiinyëtën mëti'ipë ja Wintsën mo'ojanëtëpën, mëti'ipë y'ëwtajtën yë mteety m'apëty.

Deuteronomio 11:1

Tsoktë jawëtë yë mWintsënëty ets patuntë yë y'ënä'ämën tyiyajtën, yë y'aaw y'ayuk ets kyutujkën.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Deuteronomio 4:45

Ja ënä'ämën tëyajtën, ja aaw ayuk ets ja jot winma'any mëti'ipë tyukmëmëtyakën, ko jap tsyo'ontë Egiptë.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Éxodo 24:12

Jëtu'un yë Dios t'ënëmaay yë Moisés: Pät jam ma kopkën, maas ëjts nyajpaatyën ets jamës xy'ëwxitëty, jam nmo'oja'any mäjtsk yë tsaatsetsy maas të nkëxja'ayën yë ënä'ämën tëyajtën mëti'ipë yë Israel ja'ayëty pyatuntëpën.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënety jam myajpatnëtë ma ja it naaxwiinyëtën mëti'ipë mjä'ä'atantëpën.

Deuteronomio 5:30

Nëjkx ets ënëëmë wä'än jatëkok tnëjkxta'atë ma y'ijtaknëtyën.

Éxodo 24:18

Tä ja Moisés ojts jap tyëjkënë yootsjoty ko jam pyajnë kopkkëjxm, jä'ä jam kopkëjxm y'ijty wëxtyikxy xyëëw wëxtyikxy tsyu'um.

Deuteronomio 3:18

Ënet ojts ya'atë ënä'ämën miits nmo'otë jä'ä xëëw jä'ä jëmëjt: Yë Wintsën mëti'ipë mTiosajtëpën, yë'ë ya'atë naax kam mooyëtëp ets xyjyä'ä'atëty. Ko tëkokyë mëti'ipë tsiptuuntëpën, wä'än tpëjkë'ëktë mëti'ipë myëtsiptuuntëpën ets twinye'eytyëty yë myëku'uktëjkëty Israel ja'ayëty.

2 Reyes 17:37

Ets ja n'ënä'ämënës ntëyajtënës yajxon mëpaat xykyuuytyuntë, tëkokyë ja mëti'ipës të n'ëy të nkäjpxyën ets ntukni''ixëtën yë'ë jëtu'un mpanëjkx mpaye'eytyëp ets këtii mëpaat wiink tios xy'ëwtatë.