Deuteronomio 5:27 - Biblia Dc en Mixe de Quetzaltepec

²⁷ Niikë mijts ninëjkx ets winkon xymyëtowëty mëti'ipë Wintsën nyikajpxäämpyën ets mijts xytyuk'ëwaanëtëtyës mëti'ipë të mtukmëmëtyä'äkyën, tyam ëëts npatuntëty pën tii yë'ë xytyuk'ënä'ämtëpës.

Biblia Mixe de Quetzaltepec

²⁷ Niikë mijts ninëjkx ets winkon xymyëtowëty mëti'ipë Wintsën nyikajpxäämpyën ets mijts xytyuk'ëwaanëtëtyës mëti'ipë të mtukmëmëtyä'äkyën, tyam ëëts npatuntëty pën tii yë'ë xytyuk'ënä'ämtëpës.

Deuteronomio 5:27 ပူးပေါင်းရင်းမြစ်များ

Éxodo 20:19

Paaty t'ënëmaaytyë ja Moisés: Mijts ëëts mëëtmëtyaktëk ets npatuntëtyës tëkokyë, mëti'ipë ënety mnikäjpxypën. Ka'apës ntsoktë ets Dios yë'ë xymyëkajpxtëtyës, jä'ä ko tsojkës xy'ëkyaj'o'ktaaynyëtëty.

Hebreos 12:19

ni ja xuxn ojts xykyamëtowtë, ni ja Dios ja y'aaw yo'kn. Mëti'ipë myëtoowtë ja aaw yo'kn ojts tmënu'kxta'aktë ja Moisés këtiipë y'ëkmëkajpxënëtëty,

Éxodo 19:8

Ënet ja Israel ja'ayëty nitëkokyë y'ëtsoowtaaytyë: Oyës jëtu'un ntuntëty, jëtu'un tä ja Dios të tni'ënä'ämën. Moisés ojts ya'atë ja ëtsoowinpijtën tukninëjkxy ja Dios, ijxtëm ënety ja naax kajpn të y'ëtsoyën,

Éxodo 24:3

Ënet ojts nyijkxy ets tukmëmëtyaktaay ja naax kajpn ijxtëm ënety ja Dios të y'ënë'ëmxëtyën ets ijxtëm ënety winë të tyuk'ëne'emyën, ënät ojts ja naax kajpn tu'ukyë y'ëtsoowta'atë: Oy ëëtsëty jëtu'un ntuntëty ijxtëm ja Dios të tni'ënä'ämën.

Deuteronomio 5:26

¿Tyaapë jëtu'unpë yaj'ixyën pën naaxwiinyëtë ja'ay y'ëkwintänëp, ma Dios kyäjpxy myëtyä'äkyën ets ka'ap niwi'ix jyatëty kyëpätëty, jëtu'un tä ëëts Tyam të nmëtowtën?.

Deuteronomio 5:28

Ma ënety jam xymyëmëtya'aktënës, yë Wintsën wa'ats tmëtooy; paatyës xy'ënëmaay: Tëës nmëtoy, wi'ix tyaapë kajpn të y'ëna'antën, ëjts oyës të nmëtoy.

Josue 24:24

Ets ja mayjyä'äy y'ëtsoowtë: Ëëtsëty yë Wintsën nmëtunantëpës ets ntunantëpës mëti'ipë yë'ë nyikäjpxypën.

Jeremias 42:6

Oy ëëts n'oyjyawë nka'oyjyawëtëty wi'ix y'ëtsoyën, yë nWintsën'ajtëm Dios, yë'ëjës nmëmëtowantëp mëti'ipë yaj'awa'kpën ets oy tsuj njuuky'atëtyës.

Éxodo 18:20

Tääpë ja'ayëty jëyëjp xytyuk'ixpëkëty wi'ix ja tëyajtën myinyën ets ja ënä'ämën kuttujkën xytyuknijawëty; wi'ix mëpaat jyuuky'atën ets tii mëpaat tuntën.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Jeremias 42:5

Ënet t'ëtsoowtë ja Jeremías: Yë mWintsën Dios yë'ë y'ixëp nyijawëp ko ënety ëëtsëty tii oy nkatuntës ijxtëm yë'ë xytyuk'ënä'ämtënës.