Deuteronomio 5:14 - Biblia Dc en Mixe de Quetzaltepec

¹⁴ E ma wyëxtujk xëëwpetyën po'kxënxëëw jä'ä pyatnëp ets mWintsën Dios mëpaat jää yajmëjjawë. Ma tääpë po'kxënxëëwën ka'ap pën tyunëty, ka'ap jää tyunëty yë mmaank, mnëëx, mtuunpë ye'etyëjkpë to'oxytyëjkpë; jaaypyaat jaaypyo'kxy; mjëyujk mtsajpkaa, mëti'ipë yajpatpën ma mnaax mkajpnën. Jëtu'un'äämpy pyo'kxtëty yë mtuunpë ye'etyëjkpë to'oxytyëjkpë.

Biblia Mixe de Quetzaltepec

¹⁴ E ma wyëxtujk xëëwpetyën po'kxënxëëw jä'ä pyatnëp ets mWintsën Tios mëpaat jää yajmëjjawë. Ma tääpë po'kxënxëëwën ka'ap pën tyunëty, ka'ap jää tyunëty yë mmaank, mnëëx, mtuunpë ye'etyëjkpë to'oxytyëjkpë; jaaypyaat jaaypyo'kxy; mjëyujk mtsajpkaa, mëti'ipë yajpatpën ma mnaax mkajpnën. Jëtu'un'äämpy pyo'kxtëty yë mtuunpë ye'etyëjkpë to'oxytyëjkpë.

Deuteronomio 5:14 ပူးပေါင်းရင်းမြစ်များ

Hebreos 4:4

Jää jatu'kpëky jaaypyety y'ity wi'ix ja wëxtujk xëëwpë: Ko ojts ja Dios ja tyuunk tyaj'apaatë, kom wëxtujk xëëw ojts pyo'kxy.

Génesis 2:2

Kom wëxtujk xëëw yë Dios tyaj'apatëtyääy tu'kë'ëyë jënu'un ënety të tyajkojyën ets ojts pyo'kxy.

Éxodo 23:12

Tëtujkxëëw mtunëty ets jää xyajwintu'upëkëty winë. E ko wyëxtujkxëëwpätëty, jää mpo'kxëty, jëtu'un näjyëtu'un pyo'kxëty ja mjëyujk, yë mtuunpë ets mjaaypyaat mjaaypyo'kxy.

Nehemías 13:21

E ojtsës näjyëtu'un ntuk'ënëëmëtë tääpë ja'ayëty ko wiink yaj'ixy ko jam ja tsuu tyajnajxnëtë jam kajpnpë'am, etsës n'ënëmaay, pën jam jatëkok myaawë'ëmtë kajpnpë'am nëjkxëp jam yajmatstë ets pujxn tëkoty yaj'atijëtëty. Jääpaat jëtu'un ye'eymyujktë ka'ap ojts y'ëkmiinëtë ma po'kxënxëëwën.

Nehemías 5:5

Jëtu'un tä ëëtsëtyën ets ja wiinkëtypë ja njëëky nmëku'ukëtyës tu'ukyë ëëtsëty; ja n'u'unk n'ëna'këtyës ka'ap ja tyëkatsy'ajtëpë mëët ja y'u'unk y'ëna'këty. E ëëtsëty yë'ëjës wiink nja'awëtyëp ko ja n'u'unk n'ëna'këtyës yä'äy'ëna'kpë to'oxy'ëna'kpë je'eyë myëtuun kyupëjknëtë. E ëëtsëty tiijës n'ëktuunta'aktëp kaka'atpën tii, ja nkam ntu'ujëtyës aak wiink ja'ay ja tyam jyä'ä'ajtaaynyëtëp.

Nehemías 13:15

Jä'ä xëëw näjyëtu'un n'ijxyës ko jam ma Judá kajpnën tam ijty ja'ay mëti'ipë po'kxënxëëwëtë nëjkx y'uvë winteenyën mëti'ipë tsatsym nyëë yajpëtsëëmpyën, tam mëti'ipë nëjkxpën muum kamjotm tsajpmoktsëëmpë, tam mëti'ipë jyëyujk yajnëjkxypyën tsatsym tsyëëmpë, higo tsëëmpë ets tiijaty jam tyukpatsëëmtëp ets nän po'kxënxëëwëtë jam winë tsëëmnëjkxnëtë Jerusalén. Ënet ntuk'ënëmaaytyës ets ojts ntuk'ojtës wi'ix jä'ä po'kxën xëëw tyo'ktëpë yajktëpë.

Marcos 2:27

Tääts ja Jesús jyaak'ënany: Yë'ëkyëjxm yë po'kxënxëëw yajpëjktäky ets ja ja'ay yajputëkëty, ka'ap yë'ëkyëjxmëty ets ja ja'ay jää ni'ikyë y'ëyoowtëkëty.

Lucas 23:56

Ënet ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Deuteronomio 5:13

Tëtujkxëëw mtunëty ets jä'ä xytyuunka'pxëty mëti'ipë ënety mtunäämpyën.

Nehemías 13:16

Yë'ëpaat yë Tirë ja'ayëty, mëti'ipë jam tsënaaytyëpën ijty jam nyëjkxnëtë nëë jëyujk to'kpë ets tyiijëty tkuto'kënyëtë jam ma Jerusalén kajpnën po'kxënxëëwëtë.