Deuteronomio 4:9 - Biblia Dc en Mixe de Quetzaltepec

⁹ E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Biblia Mixe de Quetzaltepec

⁹ E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 4:9 ပူးပေါင်းရင်းမြစ်များ

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Salmos 119:11

Tyapës pëjkë'ëk nyaj'ity yë m'aaw m'ayuk maas yë njot nwinma'anyën; këtiipë jëna'a nmëtuuntëkoyëty.

Salmos 71:18

Dios, mëti'ipës nTios'ajtypyën, këtiis xy'ëxmats xymyajtstu'utëty oyës ënety të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënety të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Proverbios 1:8

U'unk maay, ijxkuk ja'akyukë mëti'ipë mteety mtukni''ijxëyëpën, ets këtii xyjyä'äytyëkoyëty mëti'ipë mtaak të mtuk'ijxpëkyën,

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Proverbios 3:21

U'unk maay, wijy kujk xëmë mjuuky'atëty ets këtii nijëna'a xyjyä'äytyëkoyëty yë këpetyajtën.

Proverbios 7:1

U'unk maay, patun yë n'aaw n'ayukës, ets pëjkë'ëk tuunë'ëk ma mjot mwinma'anyën yë n'ënä'ämën ntëyajtënës.

Isaías 38:19

Yi'iyë tëy mëti'ipë juuky'ajtëpën jyëkyäjptëp wi'ix mwin'ëw mwinya'axëtëty, jëtu'un tääjës ëjts tyam ntunyën.

Isaías 42:20

Mayjyëjp winë të t'ijxnë, je'eyëp ko ka'ap tmëjpëjktä'äky; jyamëtoopy winë, je'eyëp ko ka'ap tja'akyukë.

Jeremias 17:21

Jëtu'un yë Wintsën y'ënä'äny: Ko po'kxënxëëw, këtii jää tii xypyatsëmtëty ets këtii nëkoo tsëmy kë'ëy xyajnaxtëty ma tëjkëtyaknën ma Jerusalén kajpn yajnitëkën, mijts myaj'antijtëp ets jotkujk mjuuky'atëty.

Lucas 8:18

Mëtowtë yajxon. Pën may tii myëët'ajtyp, wäänëni'ik jyaak timyajmo'oja'any; pën yiin wäänë tii myëët'ajtyp, yajpëjkëjaanp tu'kë'ëyë mëti'ipë ënety jyamëët'ajtypyën.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

Deuteronomio 11:19

Yë m'u'unk m'ëna'këty nëjkxëp xytyuk'ëwaanëtë ets xytyukni''ixëtë ya'atë aaw ayuk, wä'än tjamëty ma mjëën mtëjkëtyën, ma në'ë tu'ujën, ëkë ma ënety ma'ajan mpo'kxanëtën; näjyëtu'un ko ënety ma'aypyëtë'ëktë.

Deuteronomio 12:1

Ya'atës jëtu'un ënä'ämën'ajtp tëy'ajtën'ajtp, mëti'ipë mtuntëpën ko ënety jam mjuuky'ajnëtë ma ja it naaxwiinyëtën mëti'ipë ja Wintsën mo'ojanëtëpën, mëti'ipë y'ëwtajtën yë mteety m'apëty.

Deuteronomio 16:3

Ja jëyujk mëti'ipë ënety të wyintsë'kën'atyën yë'ë mtukpakaytyëp ja nyitsu'utsy yë tsajpkääky ka'apë tsyooymyëëtëtyën, wëxtujk xëëw y'itëty yë'ë mkaytyëp yë tsajpkääky ka'apë tsyooymyëëtëtyën, tääpë jëtu'unpë tsajpkääky jä'ä yajja'akyukë ëyo'owën jotëko'oyën mëët ko jap Egiptë poj'am mtso'ontë ets ka'ap ojts wintëy m'ëkkaay m'ëk'uknëtë jä'ä ko mjotëkooytyëp ënety. E jëtu'un'äämpy wi'ix jap Egiptë mtso'ontën mapaat mjuuky'atën.

Deuteronomio 17:19

Tääpë noky xëmë tkajpxëty winjëpom mapaat jyuuky'ätyën ets tjatëty wi'ix yë Wintsën twintsë'ëkëtyën. Wyintsë'ëkëp ja ënä'ämën tëyajtën mëti'ipë jap miinpën ma nokyën ets pyatunëp jëtu'un.

Deuteronomio 29:29

Jaaktäänëm mëti'ipë ka'ap yajnijawën winë, yë'ë tëy yë nWintsën'ajtëm Dios nyija'ap, e may näjyëtu'un mëti'ipë tëë nija'awëmën ets tëë tnijawëtë ja u'unk ëna'k ets yajpaatunëty, tä ja ënä'ämën tëyajtënën.

Deuteronomio 31:19

E paaty yam mijts ntuk'ëne'emy ets xyjyääypyätëty ya'atë ëy ets xytyukni''ixëty yë Israel ja'ayëty, wä'än t'ëwtë ets nëjkx yë'ë yajtukja'amyetsy, ko tëëjës ntukjoot'anpëktë.

Deuteronomio 32:46

Ko y'ëëwtaaytyë ënät yë Moisés t'ënëmaay ja naax kajpn: Mëmay mëtajtë tyam mëti'ipë të ntukmëmëtya'aktën, nëjkxëp näjyëtu'un xytyukmëmëtya'aktë ya'atë aaw ayuk, mëti'ipë ja ënä'ämën tëyajtën nyimëtyäkpyën.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Deuteronomio 4:15

Jä'ä xëëw ma ojts ja Wintsën mëkajpxëtën jëën'akujky jam kopkkëjxm ma txëëwatyën Horeb, ka'ap nitii xy'ijxtë, paaty mëk mnäkyëwent'atëtëty.

Deuteronomio 4:23

E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Dios ka'ap t'ëwa'atsyën.

Deuteronomio 6:12

Ko ënety jëtu'un tyunyë jyätyë, këtii xyjyä'äytyëkoytyëty ja Dios, mëti'ipë ojts mjuutëtën jap Egiptë ma ënety mëtun m'ëyowtë.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Deuteronomio 6:20

Ko jëna'a ja m'u'unk m'ëna'k myajtëwëtëty: ¿Tii ya'atë y'antijpy ko y'ënä'äny ja ënä'ämën tëyajtën, aaw ayuk ets ja najts'ë'ëw najtskajpxën, mëti'ipë yë nWintsën nTios'ajtëm të tni'ënä'ämën yajpatunëty?

Deuteronomio 6:7

ets xytyukni''ixëty xëmë ja m'u'unk m'ëna'k, mtukmëmëtya'akëp oy jyapëty tëkoty, në'ë'am tu'u'am; ko ma'ajan mpo'kxanëty ets ko ma'aypyëtë'ëkëty.

Deuteronomio 8:11

Këtii nijëna'a yë mWintsën xyjyä'äytyëkoytyëty, mpatuntëp yë y'ënä'ämën tyiyajtën, y'aaw y'ayuk ets y'ënä'ämën kyutujkën mëti'ipë tyam të ntuk'ënä'ämtën.

Deuteronomio 8:14

këtii mëj këjxm mnäjya'awënëtëty ets xyjyä'äytyëkooynyëtëty ja Wintsën mëti'ipë jap Egiptë mju'tëtën, ma ënety m'ëyowtën mëtuntën.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Santiago 2:22

Ets jyëkyejpy jam xynyi''ijxtu'utëty ma ja Abrahamën, ko yë'ë ojts tyajnikëxë'ëky ja myëpëjkën ko winë oy tuuny, jëtu'unts ja myëpëjkën ojts nyäxy wa'ats.

Josue 1:18

Pën ka'ap mëmëtoyë mëti'ipë ënety mjatuk'ëne'empyën, nëjkxëp tku'ookë. Yi'iyë yajtsojkp ko mijts jotmëk mja'ay'atëty ets këtii nijënu'un mtsë'ëkëty.

Josue 23:11

Paaty miitsëty mnäkyëwent'atëtëty ets mëk yë mWintsën Tiosëty xytsyoktëty xyjyawëtëty.

Josue 4:21

ets t'ënëmaay ja Israel ja'ayëty: Ko jëna'a yë m'u'unk m'ëna'k myajtëwëtëty ets y'ëna'antëty: ¿Ya'atë tsaa tiijën jyanikäjpxyp?

Apocalipsis 3:3

Ja'amyäts ja oypyë ja ijxpëjkën mëti'ipë të xymyëtoyën ets niwinpit ja Dios. Pën ka'ap juuky m'ity, ninëjkxäämpy tä mä'tspën ma ënety ka'ap tii xymyëmay xymyëtajyën.

Jueces 3:7

Yë Israel ja'ayëty ka'ap ojts winë oy tuntë tkajpxtë Dios wintum ojts ja Wintsën tja'atyëkooynyëtë ets ojts t'ëwtajnëtë ja Baal ja y'awinax ets ja Astarté ja y'awinax.

Jueces 8:34

Ojts tja'atyëkooynyëtë ja Dios mëti'ipë ënety të pyutëkëtën oy muum mëët të nyäwyinkuwa'akëtë ja myëtsipëty mëti'ipë ënety ja yajkutëkoyanëtëpën.