Deuteronomio 4:34 - Biblia Dc en Mixe de Quetzaltepec

³⁴ ¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Biblia Mixe de Quetzaltepec

³⁴ ¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

Deuteronomio 4:34 ပူးပေါင်းရင်းမြစ်များ

Salmos 136:12

Ojts xyajwä'kxy mëët tu'uk yë mëk'ajtën mëjpë këjääpë, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 24:8

¿Pën jëtu'un tääpë mëjyajkutujkpë'ajtp mëët ja mëj'ajtën oyajtën? Yë'ë ja Wintsën mëti'ipë amëk jotmëkën. Yë'ë mëti'ipë ka'ap tsyë'ëkën tsipjoty.

Salmos 78:12

Dios ojts yë myëj'ajtën tyaj'ixyë ma ja tyeety y'apetyën mëti'ipë ënety jam tsënaaytyëpën Zoan, ma ja Egiptë y'itjotmën.

Éxodo 1:9

Ëk'ixtë, yë Israel ja'ayëty ni'ikyë yowë nyimayënëtë ets myëktaknëtë këtiinëm ëëts'ajtëmë.

Éxodo 10:21

Ënet ja Dios ojts t'ënëëmë ja Moisés: Xajë'ëk yë mkë'ë ets yujkxaj tsajpkëjxm ets kyootsëtya'ajëty ma tëkokyë Egiptë kyajpnën, yajxon jëtu'un kyootsëtyëkoyëty, jëtu'un yaj'ixëty mëpaatëp yowë yajtoonë.

Éxodo 10:7

Ënet ja wintsëntëjkëty y'ënantë: ¿Tyaapë ja'ay jëna'a jëtääjën kyu'uxa'anyë je'eyëpë amay jotmay nëkoo tyajminyën? Wintsën nikë ëxmatstë wä'än tnëjkxtë, wä'än nëjkx yë Tyiosëty t'ëwtatë mëti'ipë yë'ëjëty wyintsën'ajtëpën. ¿Tii këtiitën xytyim'ixy mijts wintsën wi'ix yë Egiptë kajpn o'ktëy jyajnë kyëpäjnë?

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 14:30

Jëtu'un ja Dios ojts tyajtso'oky ja Israel ja'ayëty jä'ä xëëw ma ja Egiptë ja'ayëtyën. Yë Israel ja'ayëty y'ijxtë ja may o'kpë, ko jam myäykyëniinpëtsëmtë nëëpë'am.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Éxodo 19:4

Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Éxodo 3:10

Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Éxodo 7:3

Ëjts kë'ëmës nëjkx n'ëwa'atsy ets mëj'ënä'ämpë ka'ap tsojk kyäjpxyjyä'äkyukëty, jëtu'un'äämpy tjëkyäpëty etsës ja nmëjajtën kanaakpëky nyaj'ixëtëty jap Egiptë ets ma tëkokyë yë it naaxwiinyëtë tnitänë.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Jeremias 21:5

Ëjts kë'ëm tsiptunaanp ets miitsëty nipëtë'ëka'antë mëët yë mëk'ajtën, tsip äkë ets joot'an.

Jeremias 32:21

Mijts ojts yë Israel kajpn xyajpëtsëmy jap Egiptë mëët yë mëk'ajtën kuttujkën ets xyaj'ijxë yë mmëjajtën wi'ix kawi'ixëty, wa'ats yë ja'ay xy'atsë'këtyääy.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 10:21

Jä'ä ko miits xoontä'äky myajpaatë, e mëët yë'ëkyëjxm jëtu'un mxoonta'aktë. Jä'ä ko yë'ë mTios'ajtëp ets tëë yë myëj'ajtën mëj këjää tyaj'ixyë mëët miitskyëjxmëty, miitsëty tëë kë'ëm xytyim'ix xytyimtuntë.

Deuteronomio 11:2

Ja'aykyukëtë tii ja Wintsën mtukni''ixëjanëtëp, oy ja m'u'unk m'ëna'këty tyam ka'ap tja'akyukëtë ets ka'ap tnijawëtë. Mëmay mëtajtë wi'ix yë'ë myëjëtyën ets wi'ix winë tunyën.

Deuteronomio 26:8

Ënet ja myëj'ajtën ojts mëj këjää tyaj'ixyë ets ojts ëëts jap xyjyuutë Egiptë,

Deuteronomio 29:3

Ets miitsëty tëë wa'ats xy'ix xynyijawëtë wi'ix yë Wintsën yë myëj'ajtën jap të tyaj'ixyën ets wi'ix mëj këjää winë të tunyën.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënety myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënety amëj akëjxm jyä'äy'atën.

Deuteronomio 34:12

ets ja mëk'ajtën jëtu'un tmëët'atëty tä yë'ë tmëët'ajtyën ets winë tunëty jëtu'un tä yë'ë tuunyën winë ma tëkokyë yë Israel ja'ayëtyën.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Dios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Dios, mtuk'ëne'emyë ko kopkpëky ko xymyëjjawëty yë po'kxënxëëw.

Deuteronomio 6:21

Ets miitsëty xy'ëtsowtëty: Ëëtsëty, yë yajkutujkpë ijty nmëtuun nmë'ëyoowtëpës jap Egiptë, e yë Dios yë'ëjës ojts jap xyajpëtsëmtë mëët yë myëk'ajtën.

Deuteronomio 7:19

Yë ëkja'amyätstë wi'ix yë Dios yë mëj ëyo'on kanaakjëjp jap tyajkëtäkyën Egiptë ets miitsëty ojts kë'ëm xy'ixtë, wi'ix ojts yë myëj'ajtën tyaj'ixyë ets ja kyutujkën ets jëtu'un jap myajpëtsëëmëtë. Näyjyëtu'un ja Dios tuna'any ja naax kajpn mëti'ipë miitsëty mtsë'këtyëpën.

Deuteronomio 9:29

E mijts Wintsën wa'ats xynyijawë, ko ya'atë naax kajpn, mijts mkajpn'ajtyp, mijts kë'ëm të xyjyuuty jap Egiptë mëët yë mmëjajtën ets mkutujkën.

Josue 24:7

Ënätës ojts xymyëkajpxtë, etsës ojts nyajkootsë itkujky ma yë'ëjëtyën mëët miitsëty, ënätës yë nëë näjyëtu'un najtsmajtsëy ets nyikoonpäjtaaytyë ja Egiptë ja'ayëty. Miitsëty ojts winë kë'ëm xy'ixtë mëti'ipës jap ntuunën Egiptë. Ok ojts jam jeky mjëtijtëpë të'ëts'itjotm.

1 Pedro 5:6

Yujy tëtä'äky näpyëjkta'akëtë Dios kyë'ë'am ets ja Dios mmëjpëjkta'akëtëty ko ënety ja tiempo tpaaty.