Deuteronomio 4:33 - Biblia Dc en Mixe de Quetzaltepec

³³ ¿Jää jëtää muum ja naax kajpn mëti'ipë të tmëtoyën ja Dios ja y'aaw yo'kn jëënjoty tä miitsëty të xymyëtowtën ets ka'ap të y'ooktë?

Biblia Mixe de Quetzaltepec

³³ ¿Jää jëtää muum ja naax kajpn mëti'ipë të tmëtoyën ja Tios ja y'aaw yo'kn jëënjoty tä miitsëty të xymyëtowtën ets ka'ap të y'ooktë?

Deuteronomio 4:33 ပူးပေါင်းရင်းမြစ်များ

Jueces 6:22

Tää ja Gedeón tnija'awëy ets t'ijxy ko jä'ätëm ja Wintsën të myëkäjpxyë, ënät y'ënäny: Wintsën, Wintsën. Tëës yam kë'ëm wiinxë jëjpxë ntimy'ixy ja Wintsën ja kyukäjpxy.

Deuteronomio 5:24

Tääts xy'ënëmaaytyës: Tëyajtën yë'ë, ko yë Wintsën mëti'ipë ëëtsëty nTios'ajtëpën yaj'ijxëp yë myëj'ajt y'oyajtën. Jä'ä ko tëë kë'ëm ntimmyëtowtës yë y'aaw y'ayuk mëti'ipë të yajmëtoyën jap jëën akujky. Tyam ënät yajnijawë ko Dios mëtyakp yë wiinxë jëjpxë ets ko yë'ë tuknipëjktaakë ka'ap xyaj'o'kmëty.

Éxodo 33:20

E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.

Deuteronomio 5:26

¿Tyaapë jëtu'unpë yaj'ixyën pën naaxwiinyëtë ja'ay y'ëkwintänëp, ma Dios kyäjpxy myëtyä'äkyën ets ka'ap niwi'ix jyatëty kyëpätëty, jëtu'un tä ëëts Tyam të nmëtowtën?.

Éxodo 24:11

Dios ka'ap ojts wi'ix tuny ya'atë ja'ayëty, mëti'ipë ënety mëj'äämpy ijtëpën ma ja nyaax kyajpnën ja Israel, oy ënety tëë ja Dios tja'ixtë, ojts jam kyäytyë y'uuktë ma ënety jam yajpaatën.

Deuteronomio 9:10

Ënätës ja Dios ojts xymyo'oy mäjtsk ja tsaatsetsy, kë'ëm jam tkëxjaay ja y'aaw y'ayuk. Jä'ä jam jaaypyety miimp ja mëti'ipë ojts tkäjpxyën jam kopkëjxm jëën'akujky, jä'ä xëëw ma ojts jam nye'eymyujkëmën.

Éxodo 20:22

Ënet yë Dios t'ënëmaay yë Moisés: Jëtu'un xy'ënëëmëty yë Israel ja'ayëty: Miitsëty wa'ats xynyijawëtë, ko ëjts tëëjës jam tsajpjotm nkäjpxy ets miitsëty të nmëmëtya'aktë.

Deuteronomio 4:36

Jam ojts tsajpjotm kyukajpxnaxy ets ojts mkajpxwijëtë, yaa naaxwiiny ojts mtuk'ixëtë ja myëj'ajt y'oyajtën ets mëj jëënjoty ojts mëkajpxëtë.

Deuteronomio 5:4

Yë Wintsën yajxon ojts wa'ats tyimkäjpxy jam kopkkëjxm wiinxë jëjpxë jëënjoty.

Deuteronomio 5:22

Ya'atë ja aaw ayuk mëti'ipë ja Wintsën mëk nyikajpxën jëën'akujky, ma ënety ja yoots yëkëm kyëxë'ëkyën ets miitsëty aak mtam'ajtëp jam kopk'ëjxm. Ko myëtyaktaay, ka'ap ojts wi'ix y'ëk'ënanë, ja tëyajtën jam ojts tkëxja'ay ma ja mäjtskpë ja tsaatsetsyën etsës ojts xymyo'oy.