Deuteronomio 4:29 - Biblia Dc en Mixe de Quetzaltepec

²⁹ E pën miitsëty mja'amyäjtstëp jatëkok ja mWintsënëty mëti'ipë mTiosajtëpën ets winë aaw winëjot xymyëkajpxtë, nëjkxëp xypyaatë.

Biblia Mixe de Quetzaltepec

²⁹ E pën miitsëty mja'amyäjtstëp jatëkok ja mWintsënëty mëti'ipë mTiosajtëpën ets winë aaw winëjot xymyëkajpxtë, nëjkxëp xypyaatë.

Deuteronomio 4:29 ပူးပေါင်းရင်းမြစ်များ

Salmos 119:2

Janty jotkujk yë ja'ay jyuuky'atë mëti'ipë jyä'äkyujkëtëpën ja Wintsën ja y'ënä'ämën tyiyajtën,

2 Crónicas 15:4

E ko të t'ixta'ay yë Wyintsën ëmuumtu'ukjot ko amay jotmay tpaaty ets ko winë aaw winëjot t'ëwtaty mëti'ipë yë Israel ja'ayëty y'ëwtajtëpën ets mëktä'äky t'ixta'atë, yajpatp yë'ë.

Salmos 119:10

Tyam mijts wine'aaw winëjot n'ixta'ay; këtii xyajkutukëty nijëna'a etsës yë mtëyajtën jëpëky jëtuny nyaj'itëty.

Deuteronomio 30:10

E ënät jyëtu'un'atëty, pën mëmëtoowtëp yë Wintsën ets pën mpatuuntëp ja y'ënä'ämën tyiyajtën, mëti'ipë jap jaaypyety miinpën ma ja nokyën ma këxja'ay myiinta'ayën ja y'aaw y'ayuk ets ko ënety të mjootwinpitë winë aaw winëjot.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.

Salmos 119:145

Wintsën, mijts nmëkäjpxyp winë aaw winëjot; ëtsoowkës, yë m'ënä'ämën mtëyajtën npatunäämpyës.

Salmos 119:58

Winë aaw winëjotës n'ëna'any koos ntuna'any mëti'ipë m'oyjya'apën; jëtu'unës jotkujk yaj'ijtk ijxtëmës të xytyukwinwanën.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.

Nehemías 1:9

e ojts näjyëtu'un xynyikäjpxy pën ëëts jootwinpijtëpës ets mpatuuntëpës ja m'ënä'äm mtëyajtën ets oy ëëts axit ako'owë ënety nyajpaatë, koos mpatuntëty ja m'ënä'ämën mtëyajtën, mijts jamës nëjkx xyajtsoontë ets xyajmintës jatëkok ma ja kënu'kxypyën ja naax kajpn ma mijts xywyin'ijxyën ets jam ja mxëëw y'itëty ets yaja'amyatsëty.

2 Crónicas 31:21

Tëkokyë mëti'ipë tyuknipëjktakëyën, wä'än yë'ëjëty ja tuunk japë tsajptëkotyën ets wä'än yë'ëjëty ma yajpatuna'anyën ja Wintsën ja tyiyajtën, yë'ëkyëjxm tuuny ets tmëjjawëja'any ja Wintsën ja xyëëw.

2 Crónicas 15:15

Tëkokyë ja Judá ja'ayëty akujk jotkujk nyäjya'awëyëtë mëët ya'atë ja aaw ayuk mëti'ipë ja Wintsën ojts tukwinwanëtën winë aaw winëjot, mëët ja tsojkën ja'awën ënety ja Wintsën të t'ixta'atë ets Wintsën tëë ënety jam yajpaaty mëët yë'ëjëty. Ojts tyaj'akujk'aty tyajjotkujk'aty ma mëët y'itën oy ja naax kajpn mëti'ipë mëët nyäwyinkon'atëtën.

2 Crónicas 15:12

Ets ëmuumtu'ukjot tukkajpxpäjtë ja Wintsën ja xyëëw ets y'ënantë ko yë'ë xëmë tmëkajpxa'antë winë aaw winëjot, ja Wintsën mëti'ipë ja tyeety y'apëty y'ëwtajtën.

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Deuteronomio 26:16

Yë mWintsën yë'ë tyam mtuk'ënä'ämëp ets xypyatunëty yë y'ënä'ämën tyiyajtën ets jä'ä xytyunëty winë'aaw winëjot.

Josue 22:5

Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Dios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

Jeremias 51:50

Miitsëty mëti'ipë ojts o'kënjëjp'am mtso'oktën, kä'äktë, këtii mwa'ak'oyëtë ma jëkäm myajpaatën; mmëmay mëtajtë yë Wintsën ets ja'amyätstë yë Jerusalén.

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Amós 5:4

Jëtu'un yë Wintsën t'ënëmaay yë Israel ja'ayëty: Ëjts nimiintëkës ets mjuuky'atëty.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.