Deuteronomio 4:26 - Biblia Dc en Mixe de Quetzaltepec

²⁶ Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Biblia Mixe de Quetzaltepec

²⁶ Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Deuteronomio 4:26 ပူးပေါင်းရင်းမြစ်များ

Deuteronomio 32:1

Ets y'ënäny: Tsajp ets naaxwiinyëtë; mëtoow'itë ya'atë aaw ayuk mëti'ipës yam nkajpxäämpyën, ja'akyukëtë yajxon.

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Jeremias 22:29

Naax, naax, naax; mëtoow'it wi'ix yë Wintsën y'ënä'änyën.

Jeremias 2:12

Tsë'ëkë jawë mijts tsajp, ma ya'atën. Tsëtyuy mëët ja tsë'ëkë, ëjts Wintsën, ëjts ënaanp.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Ezequiel 36:4

E miitsëty tun kopkëty mëti'ipë Israel yajpatëpën, mëtoow'itë wi'ix ja Wintsën t'ënëëmën ja tun kopk, nëë wok käätswok ets ja joyjyot; näjyëtu'un ja tukpotsykyopk ets ja naax kajpn aanë'ëk tëëtsë'ëkpë mëti'ipë jam Israel yajpatpën, mëti'ipë të myeetsyën ja myënaax myëtsëpa'an ets je'eyë të nyëxi'iky të tyukxi'ikyë.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Jeremias 6:19

Mijts naaxwiinyëtë, mëtoow'it yajxon: Ëyo'on jotmay ya'atë naax kajpn ntuk'ixäämpyës mëët ko ka'ap ja n'aaw n'ayukës të tmëjpëjkta'aktë; ni'ikyë të t'ixtijtë ja n'ënä'ämën ntëyajtënës.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Deuteronomio 31:28

E yë'ë yam npëjktsoopyës ets xywyoowmujkta'atëty tëkokyë yë mëjja'aytyëjk ets tëkokyë jënu'un tnikopk'atën yë jyä'äyëty ets ntukmëmëtya'aktëtyës ya'atë aaw ayuk ets mpëjkta'aka'anyës yë tsajp ets naaxwiinyëtë ijxpë mëtoopë.

Deuteronomio 29:28

Ets të t'ëxmatsy tääpë naax kajpn ajoot'anë ets wä'än t'ijxnëtë wi'ix jyatë kyëpätë jëtu'un tä tyam yaj'ixy yajkoyën.

Ezequiel 33:28

Aanë'ëk tëëtsë'ëk ets axit ako'owë yë naax kajpn nyajwë'ëma'anyës, mpëjkëjäämpyës ja naax kajpn ja myëk'ajtën mëti'ipë nätyukyajmëjnajxëpën. Ja Israel ja tyun kyopk nëjkxëp tyëëtsë'kta'ay; ka'ap nëjkx jam pën y'ëknajxnë.

Miqueas 1:2

Ni'ëmukë yë naax kajpn, mëtoow'itë ya'atë; ninu'un yë ja'ay tsyëënëtën ma wiinkëtypë naax kajpnën, mëmay mëtajtë ya'atë: Yë Wintsën, yë'ë mtukwinmëtowanëp ja mtëko'oyën jam ma wa'atspë tsyajptëjkën.

Génesis 19:13

Jä'ä ko tyamës ya'atë kajpn nyajkutëkoya'antë. May oy yë tsyip y'äkë të nyipäjtnëtë yë ja'ayëty mëti'ipë yaa ijtëpën jam Dios wyintum. E paatyës të nyajkäxtë ma ya'atë kajpnën ets nyajkutëkoytyëtyës.

Deuteronomio 7:4

Jä'ä ko tsojk nëjkx yajtu'utëkoyëtë ko jyëtu'un'atëty ets nëjkx yë Wintsën xy'ëxmajtsnëtë ets xypyanëjkxtëjkënëtëty ja wiink tios mëti'ipë ka'ap myëtëyëtyën. Ënet nëjkx ja Dios xyajjoot'anpëktë ets myajkutëkoyëtëty tu'k'ijxmi'kxyë.

Deuteronomio 8:19

E pën mja'atyëkooynyëtëp ja mWintsënëty ets ja wiink wintsën xypyanëjkxnëtëty ets jä'ä xy'ëwtajnëtëty, tyam miits yajxon n'ënëëmëtë, ko nëjkxëp mkutëkooytya'atë.

Deuteronomio 8:20

Jëtu'un nëjkx mkutëkooytya'atë, tä ja Wintsën ja naax kajpn tyajkutëkooytya'ajanyën mëti'ipë mpaatantëpën ets nëjkx m'atëkoytyë, mëët ko ënety ja Wintsën të xykyamëmëtowtë ets të xykyamëjpëjkta'aktë.

Deuteronomio 11:17

Jä'ä ko jëtu'unpë ja winma'any xypyaatëty, yë Wintsën nëjkxëp mëk mtukjoot'anpëkëtë ets ka'ap nëjkx yë nëë tuu t'ëkkäjxnë ma ja kam tu'ujën, jëtu'un'äämpy nëjkx mjë'kx kyutëëtsëtë ets ka'ap xy'ëkmëët'ajnëtëty tii mkaytyëp m'uuktëp ets m'o'kta'a mtëkooytya'atëty ma ya'atë oynyaax oykyamën, mëti'ipë ja Wintsën mo'ojanëtëpën.

Deuteronomio 28:20

Jëtu'un tä ënety ja Wintsën të mpokyën jëtu'un nëjkx mtukëtakpäjta'ayë ets jëtu'unyë nëjkx mkumo'on mkutukë, oy tii xyjyatuna'anëty, wäänë y'itëty tä nëjkx mijts kë'ëm mtimy'atëkoy, mëët ko ënety të xy'ëxmatsy ja Wintsën ja nyë'ë'aaw tyu'u'aaw mëët ja m'ëxëëktu'un m'ëxëëk kajpxën.

Deuteronomio 28:22

Nëjkxëp jam tyaj'ity ma mijtsën mëkëtypë pa'am ëyo'on: tä yë mëkjëënpa'amën, ki'ix pa'amën, kuxäjëpa'amën ets yajkëta'akäämpy jam näjyëtu'un yë xëëw'an, mëti'ipë winë yajtëtsta'ajëpën, jëtu'un'äämpy nëjkx kyutëkoy ja mtsajpmokam, mjë'kxykyam ets ja ëyo'on jotmay jëtu'un nëjkx xëmë mpajëtijtënë tii yowënë.

Deuteronomio 28:45

Tëkokyë ya'atë pojkën yë'ë nëjkx xymyënaxy xyajnaxy, oy maa mtimnyëjkxëty, koonëm m'ookëty mtëkoyëty. Mëët yë'ë ko ënety yë mWintsën të xykyamëmëtoy ets të xykyapatuny ja y'ënä'ämën tyiyajtën ets ja y'aaw y'ayuk, mëti'ipë të mtuk'ëne'emyën.

Deuteronomio 28:61

Ëpëky nëjkx wiinkpë ja pa'am ëyo'on tnajtskäxë, mëti'ipë tyam ka'ap yajnikäjpxyën, ma ya'atë nokyën ma ja ijxpëjkën myinyën ets nëjkx jä'ä myajkëxy myajtukyë.

Josue 24:20

Paaty miitsëty yam n'ënëëmëtë pën mpuwa'ktutëp yë'ë ets wiink tios xypyanëjkxtëjkënëtëty, yë Wintsën Dios nëjkxëp mpuwa'ktu'utëtë ets myajkutëkoyëtë, oy ënety oy winë të tuny të tkäjpxy mëët miitskyëjxmëty.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënety të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

Jeremias 16:13

Paaty miitsëty ntimy'ixkäxa'antë ma ya'atë kajpnën ets jam najtswopëja'antë ma tu'uk kajpnën mëti'ipë yë m'ap m'ok ets miitsëty ka'ap të xy'ixy'atën, jam nëjkx xëëny koots xymyëtuntë ja wiink tios, ka'ap n'ëkpa'ëyowanëtë nijëna'a.

Jeremias 32:24

E yë Caldeo ja'ayëty tëë twinwë'tëtya'atë ja kajpnpa'a ets tnitëkëja'antë, yë tsip, yuu xëëw ets pa'am ëyo'on, yë'ë ënät mëk tëytyunëp ets mëtsip myëta'aktëty. Wintsën, tää xy'ixy ko jëtu'un tyunyë jyätyë tä të m'ënanyën.