Deuteronomio 4:24 - Biblia Dc en Mixe de Quetzaltepec

²⁴ Jä'ä ko miits yë mWintsën Tiosëty, yë'ë Dios mëti'ipë ni'akë'ajtpën. Ko tii tka'oy'ixy, jëtu'un yë jyoot'anpëky tä tu'uk yë mëj jëën tyajtooytyä'äyën winë.

Biblia Mixe de Quetzaltepec

²⁴ Jä'ä ko miits yë mWintsën Tiosëty, yë'ë Tios mëti'ipë ni'akë'ajtpën. Ko tii tka'oy'ixy, jëtu'un yë jyoot'anpëky tä tu'uk yë mëj jëën tyajtooytyä'äyën winë.

Deuteronomio 4:24 ပူးပေါင်းရင်းမြစ်များ

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Deuteronomio 9:3

E miitsëty yë'ë mëpaat xymyëmay xymyëtajtë, ko ja Wintsën, miits yë mTiosëty yë'ë mtu'uwinye'eyëtëp. Yë'ë jëyëjp nëjkxp ma miitsëtyën, jëtu'un tä tu'uk yë mëj jëënën mëti'ipë ka'ap nitii tyajwë'ëmyën. Tyajkutëkooytyä'äy ja naax kajpn maajaty tyimnaxyën. Ko tääpë naax kajpn xynyitëkëtëty, ka'ap tsip xyajtukwa'atstëty ets xyajkutëkoytyëty ja nyija'ay. Tu'k'ijxmi'kyxyë nëjkx kyutëkooytya'atë tä ja Wintsën të tnikäjpxyën.

Éxodo 24:17

Yë Dios yë myëj'ajt y'oyajtën jëtu'un ojts t'ixtë yë Israel ja'ayëty jam kopkkëjxm, tä tu'uk yë jëënën mëti'ipë tsääpyën no'kpën.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Deuteronomio 6:15

Jä'ä Ko yë Wintsën mëti'ipë miits mTiosajtëpën, mëti'ipë yajpatpën mëët miitsëty jä'ä yë Wintsën mëti'ipë ni'akë'ajtpën; tsojk mtukjoot'anpëkëtëty ets myajkutëkoyëtëty ko xykyamëmëtowtëty.

Éxodo 34:14

Këtii wiinkëtypë wintsën xy'ëwtatëty, jä'ä ko yë Dios ni'äkë'ajtp yë'ë, jä'ä xyëëwajtyp Ni'äkë'ajtpë.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Sofonías 1:18

Ma ënety ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënety kajpnjoty tsënaaytyëpën poj'am y'o'kta'aja'antë.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.

Salmos 21:9

ets jap xypyëjkta'aka'any jëënjoty ko ënety xynyipaye'ey ja nëë poky. Yë Wintsën mëët yë tsyip y'äkë, yë'ë nyino'okäämpy mëët yë jëën mëti'ipë yaj'o'k yajtëkoopyën.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënety të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

Nahúm 1:2

Yë Wintsën ni'äkë'ajtp yë'ë ets nitsiptuunp: Ni'äkë'ajtp ma ja ja'ayëtyën mëti'ipë ëwa'ktujkëpën ets tyukjoot'anpëjkpy yë myëtsiptëjk.

Deuteronomio 5:9

Ka'ap xywyinkoxtänëty ets ka'ap xymyëjjawëty, jä'ä tu'ukyës ëjts nWintsën'aty mëti'ipë mTios'ajtypyën. Ëjts Dios mëti'ipë ni'akë'ajtpën, ntëytyuunpës ja nyëë pyoky ja taak teety ma ja y'u'unk y'ëna'këtyën ets mëtëkëëk mëmajktaxk najtskä'äxëpë.

Salmos 78:58

Ojts tyajjoot'anpëktë mëët ja wintsë'këntyakn, ma ja wiink tios t'ëwtatën,

Deuteronomio 32:16

Tëë yë Dios tyajjoot'anpëktë ko të t'ëwtatë naaxpotsy.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Isaías 30:27

Ëk'ixtë, yë Wintsën jëtu'un kë'ëm tyimminy tä ja'ayën mëti'ipë jëkäm tso'onpën; Ja jyoot'an yëkëm je'eyë wyinjojknë, ko kyäjpxy, aakjä'ä nyikäjpxyp ja o'kën tëko'oyën.

Éxodo 15:7

Mëët yë mmëkajtën, yë'ë mëët xyjyaamte'eny xynyaaxte'eny, ja mëti'ipë mjanipëtë'kën, ko ja mjoot'an yajxon tyooypyijky. Ënet yë'ëjëty tyooytyëkooytyääytyë jëtu'un tä mëëy tyoyën.

2 Reyes 24:20

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets t'ixkäjxtaay ja ja'ay. Ok ja Sedequías ojts tnipëtë'ëky ja yajkutujkpë jampë y'ëne'emyën Babilonyë.

Amós 5:6

Yë'ë Wintsën ninëjkxtë ets mjuuky'atëty; pën ka'ap yë'ë xynyinëjkxtë kyäxäämpy yë jëën ma Israel kajpnën ets ka'ap jam Betel pën myäyëtëty wi'ix tyajpi'itsëty.

Éxodo 33:3

Jam nëjkxtë ma ka'ap ninu'un ja jë'kxy pëky y'ëmaaytyä'äkyën. E tyam yajxon ntimy'ënëëmëtë, ko ëjts ka'apës n'ëknëjkxanë mëët miitsëty, këtiipë muum tu'ujoty nyajkutëkoytyëty. Jä'ä ko miitsëty mkujuun oyëty ets ninu'un mkakäjpxyjyä'äkyukëtë.

Isaías 10:17

Ja Dios kënu'kxypyë, mëti'ipë të'kxpën jajpën jam Israel, jëtu'un y'awinpita'any jëënyä'änkën, ets tu'kxëëyë tyatooytyëkoyä'äny ja aayjyot pejyjot ets ja äpnyjyot.