Deuteronomio 4:23 - Biblia Dc en Mixe de Quetzaltepec

²³ E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Dios ka'ap t'ëwa'atsyën.

Biblia Mixe de Quetzaltepec

²³ E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Tios ka'ap t'ëwa'atsyën.

Deuteronomio 4:23 ပူးပေါင်းရင်းမြစ်များ

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Mateo 24:4

Ënet ja Jesús y'ëtsoowëtë: Näkyëwent'atëtë ets ka'ap pën mwin'ëënëtëty.

Ezequiel 16:59

Ëjts Wintsën, jëtu'unës n'ëna'any: Ko nmo'ojäämpy yam ja tëytyu'unën ijxtëm mnitëkëtyën, jä'ä ko ka'ap të xypyatuny ja m'aaw m'ayuk mëti'ipë käjpxytyu'unën'ajtpën.

Isaías 24:5

Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

1 Crónicas 16:15

Oy kanaak najtskä'äxë ja'ay tyimjuuky'atëty, mëti'ipë yë'ë të twinwanën ka'ap nijëna'a tja'atyëkoy.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Deuteronomio 29:25

Tä nëjkx yaj'ëtsowtë: Yë'ëkyëjxm ko të tkamëjpëjkta'aktë ja käjpxytyu'unën, mëti'ipë yë Wintsën yë y'aptëjk Tyios'ajtëpën, mëti'ipë jap ju'tëtë Egiptë.

Lucas 21:8

Ets ja Jesús y'ënäny: Näkyëwent'atëtë ets këtii pën mnätyukwin'ëënëtëty. Yë'ë ko nimay ja ja'ay myina'antë ets y'ëna'ana'antë: Ëjts jëtu'un Kristë ets Tëë ja tiempo tpatnë. Miitsëty këtii xymyëpëktëty.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Jeremias 31:22

¿Je'eyë mnaxa'any mtëkëja'any tä tu'uk to'oxy ëna'kën mëti'ipë tëë yë tyaak tyeety t'ëxmajtsnën? Ëjts mëti'ipë Wintsën'ajtpën, tëëjës npëjktä'äky tu'uk yë winma'any jempyë: Ko yë to'oxytyëjk yë'ë y'amëtowëp yë ye'etyëjk ijxtëm jeexyë yë ye'etyëjk yë'ë t'amëtoyën yë tyo'oxytyëjk.

Josue 23:11

Paaty miitsëty mnäkyëwent'atëtëty ets mëk yë mWintsën Tiosëty xytsyoktëty xyjyawëtëty.

Deuteronomio 27:9

Ënet ja Moisés ojts tkäjpxy ja aaw ayuk ma ënety jyam'atën ja teetytyëjkëty ets ja Leví ja'ayëty, y'ënäny: Miitsëty Israel ja'ayëty, mëtoow'itë ya'atë ja aaw ayuk, mëti'ipë yam ntukmëtowantëpën. Tyam jä'ä miits të mnajxnëtë Dios yë nyaax kyajpn.

Deuteronomio 6:12

Ko ënety jëtu'un tyunyë jyätyë, këtii xyjyä'äytyëkoytyëty ja Dios, mëti'ipë ojts mjuutëtën jap Egiptë ma ënety mëtun m'ëyowtë.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Deuteronomio 4:25

Ko ënety xymyëët'ajnëtë ja m'u'unk m'ëna'këty, ja m'ok'u'unk m'ok'ëna'këty ets të mmëjja'ayënëtë ets jää xyajkoj'awinajxtëpëty oynatii, mpokytyuntë jëtu'un ma ja Wintsënën mëti'ipë mTiosajtëpën ets yë'ë xyajjoot'anpëktëty.

Deuteronomio 27:15

Poky yë ja'ay wyë'ëmëty mëti'ipë yajkojpyën yë awinax, ja awinax mëti'ipë pujxn mëët y'oytyunyëtyën ets ja ja'ay mëti'ipë tyuunk'ajtypyën janty'oy ja ijxën tmo'ojëty ets ënät tpëjkta'akëty muum yu'utsytyuuy. Yë jëtu'unpë y'ëxëëk'ijxyp yë Wintsën. Ënet ja ja'ay y'ëtsowtëty: Oy, jëtu'un'atëp.

2 Reyes 17:38

Këtii xyjyä'äytyëkoytyëty ja käjpxytyu'unën mëti'ipës të ntunyën mëët miitsëty, këtii wiink tios xy'ëwtatëty,

Malaquías 4:4

Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

Deuteronomio 5:2

Miitsëty wa'ats xynyijawëtë ko yë nWintsën'ajtëm Dios tu'uk yë käjpxytyu'unën të ojts tuny mëët ëëts'ajtëmë jam ma Horeb kopkën.

Deuteronomio 16:22

Këtii nitiipotsy xyajpëtë'ëktëty ets jam yë wiink wintsën xy'ëwtatantëpëty. Jä'ä ko yë Wintsën y'ëxëëk'ijxyp yë jëtu'unpë.

Ezequiel 8:10

Täätsës jap të ntëkë, etsës të n'ixy ko tëë na'ëwtityë tkooytya'atë ja potsy ets të tkëxkoytyë yë jëyujk mëti'ipë naaxwiinye'epyën, yë jëyujk ka'apë kyutukyëtyën yajtsu'utsëty ets tu'kë'ëyë awinax mëti'ipëjaty yë Israel ja'ay y'ëwtajtëpën.