Deuteronomio 4:21 - Biblia Dc en Mixe de Quetzaltepec

²¹ E mëët ko miitsëty ka'ap ninu'un mkäjpxyjyä'äkyukëtë, ojtsës yë Dios xytyukjoot'anpëky ets y'ënäny ko ka'apës ntëkëty jam ma oy it oynyaaxën, mëti'ipë miits mjä'ä'atantëpën, ma yajtuknaxa'anyën ja Jordán mëjnëë.

Biblia Mixe de Quetzaltepec

²¹ E mëët ko miitsëty ka'ap ninu'un mkäjpxyjyä'äkyukëtë, ojtsës yë Tios xytyukjoot'anpëky ets y'ënäny ko ka'apës ntëkëty jam ma oy it oynyaaxën, mëti'ipë miits mjä'ä'atantëpën, ma yajtuknaxa'anyën ja Jordán mëjnëë.

Deuteronomio 4:21 ပူးပေါင်းရင်းမြစ်များ

Deuteronomio 1:37

Ets mëët miits mpokykyëjxmëty ojtsës yë Wintsën näjyëtu'un xytyukjoot'anpëky, etsës xy'ënëmaay: Mijts ka'ap nëjkx mtëkë ma tääpë naax kamën.

Deuteronomio 31:2

Ëjts yë'ëjës yam nikajpxäämpy, ijxtëm miits xy'ixtën xynyijawëtën, ko tëëjës nmëjja'ayënë. Tyamës yë njëmëjtnë mëko'px ja i'px, ka'ap t'ëkjëkyäjpnë nëjkxëtyës xiitsow yaatsow. E ko tëëjës yë Wintsën xy'ënëëmë ko ka'apës nëjkx n'ëktuknajxnë ja Jordán mëjnëë.

Deuteronomio 3:26

E yë Dios ëjts ojts xytyukjoot'anpëkyës mëët miitskyëjxmëty. Yë'ë ka'ap t'ëwatsy tääjës nja'ënëmaayën, je'eyës ojts xy'ënëëmë, këtii nëkoo wi'ix m'ëk'ënanë. Ëjts ka'apës jëtu'unpë n'ëknimëtya'akanë mëët mijts.

Deuteronomio 12:9

E tëyajtën ko miitsëty ka'ap jam mja'tënëm ma ja it naaxwiinyëtën ma nëjkx akujk jotkujk mjuuky'atën, ma ja Wintsën mo'oja'anëtën.

Deuteronomio 15:4

Jëtu'un'äämpy ka'ap ni pën y'ëyowëty ma mnaax mkajpnën, yë mWintsën yë'ë nëjkx mkënu'kxyë mëj këjää ma ja it naaxwiinyëtën mëti'ipë mo'ojanëpën.

Deuteronomio 19:3

Ets ja në'ë tu'u mëti'ipë jam ja'tëpën, yajxon nëjkx xyaj'oyëtë. Tëkëëkpëky xyajwa'kxtë ja it naaxwiinyëtë mëti'ipë ja Wintsën mooyëtëpën, jam kyäktso'oktëty oypyënëty, ko pën ja myëku'uk tyaj'ook tyajtëkoyëty ets ka'ap tsyokyëty tuny.

Deuteronomio 19:10

Jëtu'un ka'ap pën ja ne'pyny tam tjä'ätsëty nanëkokyëjxm ma ja naax kajpnën mëti'ipë ja Wintsën mo'ojanëtëpën ets ka'ap pën pyokytsyëëmë'ëkëty ets ja käjpxy y'ëna'anëty yaja'ay'o'kpë.

Deuteronomio 20:16

E ma ja naax kajpnën mëti'ipë jam yajpatpën ma ja it naaxwiinyëtën, mëti'ipë ja Wintsën ënety mooyëtëpën, tëkokyë winëjaty mëti'ipë jam yajpatëpën, nëjkxëp xyajkutëkooytya'atë.

Deuteronomio 21:23

Yë jyot nyini'kx ka'ap mëpaat wyi'imy tu'ktsuupaat këxtëy ma ënety të y'ookyën, ënätyë xyajnaaxtëkëtëty ko ënety të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

Deuteronomio 24:4

ja nyiye'etyëjk mëti'ipë mëjëwyiin pëjkën ukën ka'ap tjëkyepy y'ëkwoowënëty, jä'ä ko ja to'oxytyëjk tëë ënety nyäyaj'ëxëëktëkëty mëët ja wiink ye'etyëjk. Ko jatëkok nyäpyuwa'këtëpëty yë Wintsën nëjkxëp tyajpoky, e miitsëty ka'ap mëpaat xyajnipäxëtëkëtë ja naax kajpn mëti'ipë ja mWintsën Dios mooyëtëpën ets xyjyä'ä'atëty.

Deuteronomio 26:1

Ko ënety jam të mja'ajnë ma ja it naaxwiinyëtën, mëti'ipë yë mWintsën mmo'ojanëpën ets xyjyä'ä'atëty ets ënety jam të mtsënaaytyaknpëjknë.