Deuteronomio 4:2 - Biblia Dc en Mixe de Quetzaltepec

² Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.

Biblia Mixe de Quetzaltepec

² Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.

Deuteronomio 4:2 ပူးပေါင်းရင်းမြစ်များ

Salmos 78:7

ets jëtu'un yë'ëjëty tukjotkujk'atëty ja Dios ets ka'ap tja'atyëkoytyëty mëti'ipë yë'ë të tuny të tkäjpxyën, ets näjyëtu'un tmëmëtowtëty ja y'ënä'ämën tyiyajtën,

Proverbios 30:6

Nijënu'un xykyayajni'ikëty ja ayuk mëti'ipë yë'ë të tnikäjpxyën; jä'ä ko jëtu'un xytyunëty, tsojk ëxëëk mtunëtëty ets nëjkx mtijyë win'ë'ëmpë.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Jeremias 26:2

ets t'ënëmaay: Jam mwa'ak'oyëty tsajptëjk'ëkë'ëm, jam xynyikajpxta'ajëty tu'kë'ëyë ja aaw ayuk mëti'ipë të ntukmëmëtyä'äkyën, wä'än ja ja'ay tmëtowtë mëti'ipë tso'ontëpën Judá, mëti'ipë miintëpën ma tsajptëjkën. Nitii xykyaninaxëty wa'ats xynyikajpxta'ajëty.

Mateo 5:18

Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Mateo 5:43

Tëë miits xymyëtoy'atë ko ja m'aptëjk yajnëmaaytyë: Tsok ja mmëku'uk ets ëxëëk xy'ixëty ja mmëtsip.

Gálatas 3:15

Mëku'uktëjkëty, tyam miits ntuknijawëja'antë wi'ix ja ja'ay tii tmëtyä'äkyën. Ko tu'uk ja ja'ay tkäjpxy'äty tii ets tyajkojy tu'uk ja noky ets tsa'ay, ka'ap pën myäyëtëty tyajma'atëty ëkë tyajkojtëkatsëty.

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënety ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënety tsyëënën Hesbón ets ma ënety näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënet ja Moisés tuk'ëwa'anëy ja naax kajpn, jëtu'un tä ënety ja Dios të y'ënë'ëmxëtën ets tmooy ja aaw ayuk mëti'ipë mëpaat tpatuntën.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 13:1

Ko tu'uk yë käjpxynyajxpë, ëkë mëti'ipë yajniwijpyën yë kuma'ay ets tii mëj'ajtën tyakëty, ëkë tnikajpxëty tii ijxpäjtën.

Deuteronomio 33:4

Yë Moisés tëë xymyo'oyëmë yë ënä'ämën tëyajtën, jëtu'un të xymyo'oyëmë, tä tu'uk yë mëjnäkyumayën ma Jacob yë nyaax kyajpnën,

Deuteronomio 4:14

Ëjts ojts xytyuk'ëne'emy ets ntukni''ixëtëty ya'atë ja ënä'ämën kuttujkën ets yë'ë xypyatuntëty, ko ënety jam mjajnëtë ma ja itjotmën mëti'ipë mniwa'akantëpën.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Dios mo'ojanëtëpën, nëjkxëp jam jeky mjuuky'atë.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

Josue 1:7

Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Josue 8:35

Josué wa'ats tkajpxtaay ja aaw ayuk ma ja naax kajpnën mëti'ipë ënety ja Moisés të tyajwë'ëmyën ma ja Israel ja'ayëtyën, ja ja'ayëty ojts tmëtoowta'atë wä'än mëjja'ay mutskja'ayëty ets wä'än jaaypyaat jaaypyo'kxyëty.