Deuteronomio 4:12 - Biblia Dc en Mixe de Quetzaltepec

¹² Tääts ja Wintsën ojts myëkajpxëtë jam jëën'akujkm. Miitsëty wa'ats xymyëtoowtë ja y'aaw y'ayuk, oy ka'ap ja Wintsën xytyim'ijxtë.

Biblia Mixe de Quetzaltepec

¹² Tääts ja Wintsën ojts myëkajpxëtë jam jëën'akujkm. Miitsëty wa'ats xymyëtoowtë ja y'aaw y'ayuk, oy ka'ap ja Wintsën xytyim'ijxtë.

Deuteronomio 4:12 ပူးပေါင်းရင်းမြစ်များ

Éxodo 19:9

ënät ja Dios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënety mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënety ja naax kajpn të y'ëtsoowinpityën,

Éxodo 20:22

Ënet yë Dios t'ënëmaay yë Moisés: Jëtu'un xy'ënëëmëty yë Israel ja'ayëty: Miitsëty wa'ats xynyijawëtë, ko ëjts tëëjës jam tsajpjotm nkäjpxy ets miitsëty të nmëmëtya'aktë.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Isaías 40:18

¿Tii mëët xy'ëk'ijxkijpxtëty yë Dios? ¿Wi'ix ja y'awinax xy'ëkyajkojëtëty?

Isaías 40:3

Jëtu'un tu'uk ja aaw yo'kn yajmëtoy y'ënä'äny: Yaj'oyëtë ja në'ë tu'u ma ja Wintsën nyaxëtyën, tuk'akäätsëtë tëywyijtsnë ma nyajtswa'akëtyën ja nWintsën'ajtëm Dios, jam të'ëts'itjotm ma ka'ap tii y'ity wyintëyën.

Isaías 40:6

Jëtu'un tu'uk ja aaw yo'kn të yajmëtoy y'ënä'äny: Mëk yujkya'ax, etsës të nyajtëy: ¿Wi'ixës n'ëna'anëty? Ko tëkokyë yë naaxwiinyëtë ja'ay jëtu'un yë'ëjëty tä aay ujtsën, tä pëjyën kamjotypë tu'ujotypë yajpaatyën.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Mateo 3:3

Yë'ë Juan Yajnëëpäjtpë ojts yaj'antijy, mëti'ipë yë käjpxynyajxpë Jeséas ojts tnikäjpxyën ko y'ënäny: Tu'uk ja mëto'owën yä'äxy jyoky jam të'ëts'itjotm: Nipëjktaakëtë ja Wintsën ja nyë'ë tyu'u, yaj'ëwa'atstë tu'uk ja në'ë tu'u tëypyë.

Deuteronomio 10:4

Tä ojts ja Wintsën jam tkëxja'ay ja majkpë ja ënä'ämën tëyajtën ma ja tsaatsetsyën, mëti'ipë mëtoowtën ma ja kopkën, ko ojts kyäjpxy jëënjoty ma ënety jam ni'ëmukë nyajpatëmën. Tëës ja xymyo'oy.

Deuteronomio 4:11

Ënet ojts miitsëty mwinkontë ets jam mwa'ak'o'oyëtyääytyë kopk'ëjxm. Xy'ixtë ko jam ma ja tunkupi'tsykyën jëtu'un jam ja jëën jyäty pyëtsimy ets ja jëënjok janty yëk je'eyë y'akëxë'ëkë.

Deuteronomio 4:13

Yë Wintsën ojts mtuk'ix mtuknijawëtë yë kyäjpxytyu'unën, majk ojts ja ënä'ämën tëyajtën tja'ay ma mäjtsk ja tsaajën mëti'ipë kepy tsyetsyën ets ojts tni'ënä'ämë ets xykyuuytyuntëty.

Deuteronomio 4:15

Jä'ä xëëw ma ojts ja Wintsën mëkajpxëtën jëën'akujky jam kopkkëjxm ma txëëwatyën Horeb, ka'ap nitii xy'ijxtë, paaty mëk mnäkyëwent'atëtëty.

Deuteronomio 4:33

¿Jää jëtää muum ja naax kajpn mëti'ipë të tmëtoyën ja Dios ja y'aaw yo'kn jëënjoty tä miitsëty të xymyëtowtën ets ka'ap të y'ooktë?

Deuteronomio 4:36

Jam ojts tsajpjotm kyukajpxnaxy ets ojts mkajpxwijëtë, yaa naaxwiiny ojts mtuk'ixëtë ja myëj'ajt y'oyajtën ets mëj jëënjoty ojts mëkajpxëtë.

Deuteronomio 5:22

Ya'atë ja aaw ayuk mëti'ipë ja Wintsën mëk nyikajpxën jëën'akujky, ma ënety ja yoots yëkëm kyëxë'ëkyën ets miitsëty aak mtam'ajtëp jam kopk'ëjxm. Ko myëtyaktaay, ka'ap ojts wi'ix y'ëk'ënanë, ja tëyajtën jam ojts tkëxja'ay ma ja mäjtskpë ja tsaatsetsyën etsës ojts xymyo'oy.

Deuteronomio 5:4

Yë Wintsën yajxon ojts wa'ats tyimkäjpxy jam kopkkëjxm wiinxë jëjpxë jëënjoty.

Deuteronomio 9:10

Ënätës ja Dios ojts xymyo'oy mäjtsk ja tsaatsetsy, kë'ëm jam tkëxjaay ja y'aaw y'ayuk. Jä'ä jam jaaypyety miimp ja mëti'ipë ojts tkäjpxyën jam kopkëjxm jëën'akujky, jä'ä xëëw ma ojts jam nye'eymyujkëmën.

Colosenses 1:15

Ko ja Kristë të yaj'ixy'äty ënät të yajnijawë wi'ix ja Dios y'ixëtyën, jä'ä ko yë Dios ka'ap yaj'ixy; yë'ë myëëtu'uk U'unk'ajtyp ka'anëm ënety tii kyojnyëm.

Hebreos 12:19

ni ja xuxn ojts xykyamëtowtë, ni ja Dios ja y'aaw yo'kn. Mëti'ipë myëtoowtë ja aaw yo'kn ojts tmënu'kxta'aktë ja Moisés këtiipë y'ëkmëkajpxënëtëty,