Deuteronomio 4:1 - Biblia Dc en Mixe de Quetzaltepec

¹ Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Biblia Mixe de Quetzaltepec

¹ Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënäty jam myajpaatë ma ja naax kamën mëti'ipë yë Wintsën mo'ojanëtëpën, yë Tios mëti'ipë ja m'ap m'ok Tyiosajtën.

Deuteronomio 4:1 ပူးပေါင်းရင်းမြစ်များ

Romanos 10:5

Jëtu'un ja Moisés ja y'ënä'ämën y'ënä'äny, këxja'aypyë myinyën: Pën ja ënä'ämën pyatuumpy, yë'ë yajjuuky'atëtëp.

Deuteronomio 8:1

Mpatuntëp ya'atë ënä'ämën tëyajtën mëti'ipë tyam të ntuk'ënä'ämtën, jëtu'un mjuuky'atëty, mnimayëtëty ets m'awinpitëty tu'uk mëj kajpn ets xynyiwa'aktëty ya'atë naax kam, mëti'ipë ja Wintsën tyukwinwa'anëyën ja m'ap m'okëty.

Ezequiel 20:11

jam nmooytyës yë n'ënä'ämënës ntëyajtënës ets nkutujkënës, mëti'ipë yajjuuky'ajtpën ko ja'ay tpatuny.

Deuteronomio 30:16

Pën mtuuntëp ijxtëm yam ntuk'ënä'ämtën ets pën mtsojktëp mja'awëtyëp ja mWintsën mëti'ipë mTiosajtëpën ets pën mpanëjkxtëp ja nyë'ë tyu'u ets pën mpatuuntëp ja y'ënä'ämën tyiyajtën ets ja y'aaw y'ayuk, jotkujk nëjkx mjuuky'atë ets Wintsën mëti'ipë miits mTiosajtëpën nëjkxëp mkënu'kxëtë näjyëtu'un ja m'u'unk m'ëna'këty jam ma ja it naaxwiinyëtën mëti'ipë mjä'ä'atantëpën.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Ezequiel 36:27

Mpëjkta'akäämpyës jap ma miitsëtyën ëjts yë njot nwinma'any ets xypyatuntëty ja n'ënä'ämënës ntëyajtënës ets ja mëti'ipës të nkäjpxyën;

Ezequiel 20:21

E yë y'u'unk y'ëna'këty ojts xykyäjpxy kumëtoownaxtës. Ka'ap tpatuuntë ja ntëyajtënës ets ka'ap tmëmëtoowtë ja n'ënä'ämënës, mëti'ipë yajjuuky'ajtpën ko yajpatuny, e yë'ëjëty ojts ja npo'kxën nxëëwës tyaj'ëxëëkëtë. Ojtsës nja'ëna'any ets jeexyë jam të'ëts'itjotm nyajkutëkooytyës ets jeexyë ja n'äkës xyeemy,

Ezequiel 11:20

Ënet nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Salmos 119:4

Mijts Wintsën të xynyikäjpxy ets mtëyajtën yajpatunëty ijxtëm pyäätyën.

Salmos 105:45

jëtu'un tmëët'atëty ja wintsë'kën ets tpatuntëty ja ënä'äm tëyajtën, mëti'ipë ja Dios ënety të tyuk'ijxpëkëtën. Tukxoontä'äky yë Dios yë xyëëw nyaxëty.

Deuteronomio 30:19

E tyam yë'ëjës yam yë tsajp ets naaxwiinyëtë npëjktäkpy tä jeexyë ijxpë nija'apën ets tä jeexyë y'ixtën myëtowtën ma miitsëtyën, ko miits yam ntukwin'ixtë, mëti'ipë juukyajtën mtsojkën'ajtëp: pën yë'ë mwin'ijxtëp ma jeky mjuuky'atëtyën ëkë pën yë'ë ja o'kën tëko'oyën. Pën yë'ë ja näkyënu'kxën ëkë pën yë'ë ja näpyojkën. Ëjts jëtu'unës yam kë'ëm n'ëna'any, ko yë'ë mwin'ijxtëp ja juukyajtën ma jeky mjuuky'atëtyën mëët ja m'u'unk m'okëty.

Deuteronomio 16:20

Tëyajtën mëpaat winë xytyuntë ets jëtu'un mjuuky'atëty jotkujk ets xypyaatëty ja naax kam mëti'ipë yë Wintsën mo'ojanëtëpën.

Deuteronomio 11:32

Yë'ë mkuuytyuntëp xëmë ya'atë ënä'ämën tëyajtën ets ya'atë aaw ayuk mëti'ipë tyam të ntuk'ëwaanëtën ets të ntuknijawëtën.

Deuteronomio 11:1

Tsoktë jawëtë yë mWintsënëty ets patuntë yë y'ënä'ämën tyiyajtën, yë y'aaw y'ayuk ets kyutujkën.

Deuteronomio 4:45

Ja ënä'ämën tëyajtën, ja aaw ayuk ets ja jot winma'any mëti'ipë tyukmëmëtyakën, ko jap tsyo'ontë Egiptë.

Deuteronomio 4:8

¿Maa wiinkpë naax kajpn n'ëkpatmëty mëti'ipë myëët'ajtypyën ja ënä'ämën tëyajtën oypyë ets mëtëypyë, jëtu'un tä yë mëti'ipë yam miits të ntukmëtowtën?

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Éxodo 18:20

Tääpë ja'ayëty jëyëjp xytyuk'ixpëkëty wi'ix ja tëyajtën myinyën ets ja ënä'ämën kuttujkën xytyuknijawëty; wi'ix mëpaat jyuuky'atën ets tii mëpaat tuntën.

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënety ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënety tsyëënën Hesbón ets ma ënety näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënet ja Moisés tuk'ëwa'anëy ja naax kajpn, jëtu'un tä ënety ja Dios të y'ënë'ëmxëtën ets tmooy ja aaw ayuk mëti'ipë mëpaat tpatuntën.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Dios mo'ojanëtëpën, nëjkxëp jam jeky mjuuky'atë.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Deuteronomio 1:8

Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënety jam myajpatnëtë ma ja it naaxwiinyëtën mëti'ipë mjä'ä'atantëpën.

Deuteronomio 6:24

Ok ja nWintsënëtyës Dios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.

Deuteronomio 7:11

E tiits patun ya'atë ënä'ämën tëyajtën, aaw ayuk, mëti'ipë yam ntuk'ënä'ämtëpën xypyatuntëty.

Deuteronomio 8:11

Këtii nijëna'a yë mWintsën xyjyä'äytyëkoytyëty, mpatuntëp yë y'ënä'ämën tyiyajtën, y'aaw y'ayuk ets y'ënä'ämën kyutujkën mëti'ipë tyam të ntuk'ënä'ämtën.

Deuteronomio 9:1

Mëtoow'itë tyam miitsëty Israel ja'ayëty, tëë jëtu'un ja xëëw jëmëjt tpaaty ets xytyuknaxtëty ja mëjnëë mëti'ipë yajtijpën Jordán; niwa'kta'atë ja naax kajpn mëti'ipë mëjjëtyën këjääjëtyën këtiinëm miitsëty, mëti'ipë ja kyajpnëty këjxmëty ets mäjpxyëty nyapotsyëtyën.

Deuteronomio 13:1

Ko tu'uk yë käjpxynyajxpë, ëkë mëti'ipë yajniwijpyën yë kuma'ay ets tii mëj'ajtën tyakëty, ëkë tnikajpxëty tii ijxpäjtën.

Josue 3:9

Ënet ja Josué tmëkajpxtaay ja Israel ja'ayëty ets t'ënëmaay: Min mëtowtë wi'ix ja Wintsën y'ënä'änyën.

Jeremias 11:6

Ënet ja Wintsën xy'ënëmaayës: Nikajpx nimëtya'ak ya'atë aaw ayuk në'ë'aay tu'u'aay ma Judá kajpnën ets ma Jerusalén kajpnën. Jëtu'un xy'ënëëmëty yë ja'ayëty: Mëtoow'itë yajxon wi'ix y'ënä'änyën ya'atë käjpxytyu'unën ets patuntë.