Deuteronomio 34:8 - Biblia Dc en Mixe de Quetzaltepec

⁸ Yë Israel ja'ayëty tu'kpo'o tnijëëy tniyaxtë yë Moisés ko y'oky jam Moab, i'px majk xëëw y'ijtë mon tuk, jä'ä ko jëtu'un ënety myontë tyuktë ko pën y'ooky.

Biblia Mixe de Quetzaltepec

⁸ Yë Israel ja'ayëty tu'kpo'o tnijëëy tniyaxtë yë Moisés ko y'oky jam Moab, i'px majk xëëw y'ijtë mon tuk, jä'ä ko jëtu'un ënäty myontë tyuktë ko pën y'ooky.

Deuteronomio 34:8 ပူးပေါင်းရင်းမြစ်များ

Génesis 50:3

Wëxtyikxy xëëw ojts tuunk'atë ets tukja'axtaaytyë ja tsooy; jëtu'un ijty tmëpo'oxtë ja ja'ayëty ko pën ja tsooy tukjaaxtë. Yë Egiptë ja'ayëty tëkë'px majk xëëw ojts tnijë'ë tniya'axtë yë Israel ko y'o'ky tyëkooy.

Génesis 50:10

Ko jya'ajtë maa Goren-ha-adad y'itjotmën, mëti'ipë awinmtsow wë'ëmpën ma Jordán mëjnëëjën, ënät ojts jam tyu'ukmuktë ets mëj këjää tnimoon tnitujktë ja Jacob ko ënety të y'o'knë. Wëxtujk xëëw ojts jam yë José yajpaaty mon tuk mëët ko ënety ja tyeety të y'ooky.

Hechos 8:2

Tam jënaakën mëti'ipë ja Dios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Isaías 57:1

Yë oyjyä'äytyëjkëty ko y'ooktë, ni pën kyamëmay kyamëtajyë; Yë oyjyä'äytyëjkëty jëtu'unyë yaj'ijxtëkoytyë, ka'ap pën tja'akyukë ko y'ooktë ëwaatsëtuuy'ajtën pyatëp,

1 Samuel 25:1

Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.

Deuteronomio 34:7

Ko yë Moisés y'o'ky jä'ä ënety yë jyëmëjnë mëko'px ja i'px, ka'ap ojts nijëna'a yë y'ijxën myony ets nijëna'a ojts kyapëky kya'ixyë, tyim'o'ky jëtu'un.

Deuteronomio 34:9

E yë Josué yë myaank, yë Nun, tëë ënety yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënety ja Moisés ja kuttujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënety të tyuk'ëne'emyën ja Wintsën.

2 Samuel 11:26

Ko ja Urías ja tyo'oxytyëjk tnija'awëy ko tëë y'ooky ja nyiye'etyëjk, ojts tnimony tnituky ets ojts kanaak xëëw y'ity ayuu.