Deuteronomio 33:9 - Biblia Dc en Mixe de Quetzaltepec

⁹ Mëti'ipë y'ënëmaayën ja tyeety tyaak miitsëty ka'ap n'ixy'atë, t'ënëmaay ja myëkä'äxtëjk miitsëty ka'ap nijawëtë mpënmës jëtu'unëty, ets t'ënëmaay ja y'u'unk y'ëna'këty: Nkatimnyija'awëtëp miitsëty mpënmës jëtu'unëty. E tii ko jëtu'un y'ëtëtstë, yë'ëkyëjxm ko ënety jä'ä xëmë tmaytyë tajtë ja m'aaw m'ayuk, ets ko ënety yi'iyë xëmë timtyuunk'atë ja käjpxytyu'unën mëti'ipë yë'ëjëty mëët të xytyunyën.

Biblia Mixe de Quetzaltepec

⁹ Mëti'ipë y'ënëmaayën ja tyeety tyaak miitsëty ka'ap n'ixy'atë, t'ënëmaay ja myëkä'äxtëjk miitsëty ka'ap nijawëtë mpënmës jëtu'unëty, ets t'ënëmaay ja y'u'unk y'ëna'këty: Nkatimnyija'awëtëp miitsëty mpënmës jëtu'unëty. E tii ko jëtu'un y'ëtëtstë, yë'ëkyëjxm ko ënäty jä'ä xëmë tmaytyë tajtë ja m'aaw m'ayuk, ets ko ënäty yi'iyë xëmë timtyuunk'atë ja käjpxytyu'unën mëti'ipë yë'ëjëty mëët të xytyunyën.

Deuteronomio 33:9 ပူးပေါင်းရင်းမြစ်များ

Lucas 14:26

Pën jää ja'ay mëti'ipë ja ënaanpën koos xypyamina'any ets yë'ë ni'ik tsyojkyp ja tyaak tyeety, y'u'unk tyo'oxytyëjk, myëkä'äx, myëku'uktëjk, ëkë kyë'ëm juukyajtën ets këtiinëm ëjts; jëtu'unpë ja'ay ka'ap tjëkyepy n'ijxpëjkpë'atëtyës.

Mateo 12:48

Tääts ja Jesús y'ëtsooy: ¿Pës ntaak'ajtypës ets pën nmëkä'äx'ajtypës?

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Dios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënety ja Kristë ëjts xy'ëktuunpë'ajnë.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Job 37:24

Paatykyëjxm yë naaxwiinyëtë ja'ay tsyë'ëkëty; oy ja'ay jënu'un y'ijxpëky'atëty yë'ë ka'ap tkumay.

1 Crónicas 17:17

Mëët mijts wäänë jëtää xy'ixy ko winë xymyo'oyës, ix tëë yë'ëpaat xytyukwinwa'anënyës wi'ixës nëjkx ja n'u'unk y'ok yajkutuktë ma ja mnaax mkajpnën ets xypyëjktä'äkyës tä jeexyë nëkooyë mëj'ajtën këjxm'ajtën nmëët'ajtnës.

Génesis 29:32

Ënet ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

1 Timoteo 5:21

Y'ijxyp myëtoopy ja Dios Teety ets ja Jesukristë ja tsajpjotmëtë kukäjpxy winwityëtsypë, ko ya'atë yam ntuknipëky ets xykyuuytyunëty. Tu'knax mpaye'eyëty, ka'ap wyin'ixy wyinkexyëty.

1 Tesalonicenses 2:4

Ni'ikyë ja Dios ojts t'oy'ixy ets xytyuknipëjktës etsës nkajpxwa'kxtëty ja oy aaw oy ayuk ets jëtu'unës nimëtya'aktë. Ka'apës yë'ëjëty ntsoktë etsës ja ja'ay xy'oyjyawëtëty, yë'ëjës ntsojktë etsës ja Dios xytyukjotkëta'aktëtyës, mëti'ipë tyuk'ijxnajxypyën Wi'ixës ja n'aaw njotëty.

Salmos 119:57

Wintsën mijtsyë tu'ukyë nmëët'ajtyp, tëës n'ëna'any koos npatuna'any ja m'aaw m'ayuk.