Deuteronomio 33:8 - Biblia Dc en Mixe de Quetzaltepec

⁸ Ënet ojts tkënu'kxy ja Leví mëët ya'atë aaw ayuk: Wintsën mijts mjä'ä'ajtyp yë tsaa'u'unk mëti'ipë mëët winë yajnijawën. Näyjyëtu'un ja ja'ay mëti'ipë oy mëtuunëpën, mijts mjä'ä'ajtyp, ja ja'ayëty mëti'ipë mwinma'any'ijxën jam Masá, ets ojts jam Meribá mëët mnäyajjoot'anpëkyë,

Biblia Mixe de Quetzaltepec

⁸ Ënät ojts tkënu'kxy ja Leví mëët ya'atë aaw ayuk: Wintsën mijts mjä'ä'ajtyp yë tsaa'u'unk mëti'ipë mëët winë yajnijawën. Näyjyëtu'un ja ja'ay mëti'ipë oy mëtuunëpën, mijts mjä'ä'ajtyp, ja ja'ayëty mëti'ipë mwinma'any'ijxën jam Masá, ets ojts jam Meribá mëët mnäyajjoot'anpëkyë,

Deuteronomio 33:8 ပူးပေါင်းရင်းမြစ်များ

Éxodo 17:7

Ets txëëwmooytyë ja jampë ja it naaxwiinyëtë Meribá, jä'äkyëjxm ko ënety ja Moisés jëyëjp ja Israel ja'ayëty të y'ëk'ojëtë, ojts näjyëtu'un tijtë Masá, jä'ä ko je'eyë ënety ja Dios të tjoot'ix të twinma'any'ixtë, ko y'ënantë: ¿Wi'ix jää ja Dios yajpaatyë mëët ëëts'ajtëmë ëkë ka'apë?

Éxodo 28:30

Ënet xypyëjkta'akëty ma katsyjyänën ja tsaa'u'unk mëti'ipë mëët winë yajnijawën mëti'ipë yajtijpën Urim ets Tumim. Ja tsaa'u'unk mëti'ipë mëët winë yajnijawën yë'ë ijty winë tyuknipaye'eytyëp. Ets Aarón jam tmënëjkxëty kyejkyijxy, ko nyäwya'këxë'ëkëtëty jam Dios wyintum. Yë Aarón xëmë tmënëjkxëty mëti'ipë winë tyuknipaye'eyëpën, ko nyëjkxëty jap ma Wintsënën.

Salmos 106:16

Jam ma ënety të tsyënaaytyaknpëktën ojts tmëtsiptsoontë yë Moisés, ets Aarón, mëti'ipë ënety yë Dios të kyënu'kxyën ets të wyin'ixyën.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Salmos 81:7

Jam mijts të xymyëkäjpxyës ma ënety ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Salmos 16:10

Jä'ä ko mijts ka'apës o'këntuuy xyajwë'ëma'any, ka'ap tjëkyepy jap jutjoty tu'uk yë wa'ats ja'ay xy'ëxmatsëty.

Nehemías 7:65

Yë'ëpaat ja yajkutujkpë ojts tni'ënä'ämë ets ka'ap ni pën kyäy y'uukëty ets ni pën tkajë'kxëty ja jë'kxy pëky mëti'ipë kënu'kxyën, koonëm yajxon yajnijawëty jënu'un wiinkëtä'äkyën mëët ja tsaa mëti'ipë ijty winë mëët t'ijxpëtsëmtën, mëti'ipë tyijtëpën Urim ets Tumim.

Esdras 8:28

Täätsës n'ënëmaaytyë: Miitsëty tëë myajkënu'kxta'atë, näjyëtu'un ja apëjk atu'unën ets ja wit meeny. Ja poop pujxn ets ja pu'ts pujxn aakyë'ë Wintsën yam yajtukniyajkëp, mëti'ipë y'ëwtajtën ja nteety'ajt n'ap'ajtëmë,

Esdras 2:63

Ojts näjyëtu'un ja yajkutujkpë kë'ëm y'ënä'äny ko ka'ap tyaapë ja'ay nëkoo tkaytyëty t'uuktëty ja jë'kxy pëky mëti'ipë kënu'kxy ijtpën, koonëm tëy ja teety t'ëk ijxpëtsëmëty mëët ja Urim ets Tumim täänëm yajnijawëty pën mëpaat'ajtp tii tjë'kxtë.

2 Crónicas 23:6

Je'eyëp ko këtii nëkoo pën tyëkëty, yi'iyë teetyëjk tëkëtëp ets Leví ja'ayëty mëti'ipë tuunk të nyika'ajëtën. Yë'ë jyëkyäptëp tyëkëtëty jä'ä ko yë'ë të yajkënu'kxtë; yë mayjyä'äy jää tëjk ëkë'ëy y'ëwxitëty ets jää ja Wintsën ja xyëëw tyajmëjnajxëtëty.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Éxodo 28:36

Oytyun tu'uk yë tsya'a aakyë'ë wa'ats pu'ts pujxnpë ets jam xyajkëxkojëty tä tu'uk yë tsa'a'ajtënën, jä'ä jam xyaj'ëna'anëty: Dios ya'atë të yajmo'oy.

Deuteronomio 6:16

Këtii nëkoo Wintsën je'eyë xywyinma'any'ixtëty tä ojts xytyuntën jam Masá.

Malaquías 2:6

Yë Leví mëtëy ijty jyuuky'äty ets ka'ap nëkoo ëxëëkjaty kyäjpxy myëtyäky. Oy ijty jyuuky'äty ëjts nwintuuyës ets may yë ja'ay tputëjkëy ets tyaj'oyëtëty yë jyuukyajtën.

Deuteronomio 9:22

Näyjyëtu'un jam Taberá, Masá ets Quibrot-hataavá ojts yë Wintsën jam xyajjoot'anpëktë.