Deuteronomio 33:12 - Biblia Dc en Mixe de Quetzaltepec

¹² Ënet ojts tkënu'kxy yë Rubén mëët ya'atë aaw ayuk: Mëët yë'ë ko Wintsën tsyoky jyawë jotkujk mjuuky'atëty. Mëti'ipë myëët'ajtypyën mëk'ajtën, yë'ë xëmë mkëwent'atanëp. Yë'ë mkuwa'anëtëp xëmë mapaat mjuuky'ätyën.

Biblia Mixe de Quetzaltepec

¹² Ënät ojts tkënu'kxy yë Rubén mëët ya'atë aaw ayuk: Mëët yë'ë ko Wintsën tsyoky jyawë jotkujk mjuuky'atëty. Mëti'ipë myëët'ajtypyën mëk'ajtën, yë'ë xëmë mkëwent'atanëp. Yë'ë mkuwa'anëtëp xëmë mapaat mjuuky'ätyën.

Deuteronomio 33:12 ပူးပေါင်းရင်းမြစ်များ

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Salmos 91:4

yë'ë mnikë'ëjan mnixajanëp mëët yë kyäkn, ets ko jam myajpaatëty ma yë'ëjën, akujk jotkujk m'ita'any. Yë tyiyajtën ets wya'atsajtën yë'ë m'axajtukanëp tä tu'uk yë pujxn y'akëëytyukyën.

Isaías 51:16

ëjts ojts nwijtstëy yë tsajp ets ojts nyajta'tspëkyës yë naaxwiinyëtë. Ëjts mijts n'ayukmooy, ëjts mijts të nkuwa'any mëëtës yë nkë'ë. Täätsës të n'ënëëmë yë Sión kajpn: Mijts nkajpn'ajtyp.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Isaías 37:22

Ya'atë jëtu'un aaw'ajtp ayuk'ajtp ma ojts ja Wintsën tnikäjpxy nimëtyä'äkyën wi'ix ja Asiria yajkutujkpë jyata'any kyëpäta'anyën: Yë Sión kajpn, jëtu'un yë'ë tä tu'uk yë to'oxy ëna'kën, je'eyë mtukxi'ikyë mijts Senaquerib. Je'eyë kyëpajk tyajyu'kxy tä jeexyë wyinma'any tyajjëtityën ko mijts mtso'onë ma jam të mjaja'tyën.

2 Crónicas 11:1

Ko yë Roboam jam jyä'äjty Jerusalén, ënät tyajmujky nimëko'px ja majkta'px mil ja tsyiptuunpëtëjk, win'ixy winpiy tyajmujky ja Judá ja'ay ets Benjamín ja'ay ets tsyiptuna'any mëët ja Israel ja'ayëty, yë'ë nyitsiptunäämpy jatëkok ja kyutujktakn.

1 Reyes 12:21

Ko ja Roboam jam jyä'äjty Jerusalén, ënät tyajmujky nitu'kmëko'px ja majkta'px mil ja tsiptuunpëtëjk, aak win'ixy winpiypyë mëti'ipë jam kukajpnajtëpën Judá ets jam ma Benjamín ja'ayëtyën, jëtu'unts tsyiptuna'any mëët ja Israel ja'ayëty ets tpëka'any jatëkok ja y'ënä'ämtakn.

Deuteronomio 12:10

E ko ënety të xytyuknajxnëtë ja Jordán mëjnëë ets jam myajpatnëtëty ma ja it naaxwiinyëtë mëti'ipë ja Wintsën mo'ojanëtëpën ets ka'ap maa y'ëkyajpatnëtë ja mëtsipëty, nitii tsë'ëkë maa kya'ëk'ijtnëty.

Salmos 132:14

Jam ma tääpë kopkën, jamës n'ita'any; ma yë'ëjën xëmë njuuky'ata'anyës, jä'ä ko jamës jotkujk nnäjyawëty.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Éxodo 28:12

ets jam xykyëxpëjkta'ajëty ma ja kejky yä'äp ja nyitëëyë'ëkën yë'ë ya'atë tsaa jyä'ämyätstëp yë Israel ja'ayëty. Yë Aarón xëmë tmënëjkxëty yë Israel yë xyëëw, ko jam nyäwya'këxë'ëkëtëty ma Tiosën ets jëtu'un jyä'ämyätsëtëty.

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

Deuteronomio 32:11

Jëtu'un ojts timmyëët'aty tä yë witsn tnike'eky tkuke'ekyën yë pyä'än ma ja y'u'unk tyajmëxu'unk'atyën, jëtu'un yë kyäkn të tuknikë'ëy, tëë twoowmuky ets të tmu'uxy.

Deuteronomio 33:11

Wintsën mijts mkënu'kxëp tääpë ja'ayëty, ma jyot myëjaaw tyajtuntën, mijts m'ëxaj mkupëkëp mëti'ipë mtuknimiinëtëpën ets mëti'ipë yajnimëjaawtaktëpën. Pën mëtsip'ajtëtëp ëxëëk xytyunëty, m'atëj mtuktëjëyëp ja jyëwiitsëty, këtiipë jëna'a y'ëknipëtë'kënëtëty.

Salmos 60:5

Ëtsoowtëkës ets yajtsoktëkës mëët yë mëk'ajtën. Yaj'ëwaatsëpëtsëm mëti'ipëjaty m'oyjya'apën.

1 Samuel 10:20

Tä ojts ja Samuel tni'ënä'ämë ets ja ja'ayëty wyinkontëty tu'kkajpnjaty. E yë'ë ojts tyuka'ayë ja Benjamín ja jyä'äy.

2 Samuel 12:24

Yë David ojts ja Betsabé jatëkok ja jotkujk'ajtën tmo'oy. Ojts tninëjkxy ets tmëët tsënaay, ënät ojts u'unk mëët wyi'imy ets tyajmëxu'unk'ajty tu'uk ja u'unk maay, mëti'ipë ja David ojts txëëwmo'oyën Salomón. Yë Wintsën ojts ya'atë mëxu'unk tsoky tjawë,

2 Samuel 12:25

jëtu'un ja David yajtuknija'awëy, yë Natán yë'ë tuk'ëwa'anëyë. Mëët ko ja David ënety të tja'akyukë wi'ix ja Wintsën y'ënë'ëmxëtyën paaty ojts ëpëky txëëwmo'oy ja mëxu'unk Jedidías.

Jeremias 12:7

Tëës ja nnaax nkajpn n'ëxmajtsnë, tëëjës n'ëxwanë mëti'ipës ijty njä'ä'ajtypyën. Tëës nkë'ëyajknë ma myëtsipën ja naax kajpn mëti'ipës ijty ntsojkpy nja'apën.