Deuteronomio 33:10 - Biblia Dc en Mixe de Quetzaltepec

¹⁰ Yaj'ijxpëjktëp yë Israel ja'ayëty ets tyukni''ijxëtyëp yë m'ënä'ämën mtëyajtën ets ja m'aaw m'ayuk. Pyëjkta'aktëp ma wintsë'këntyaknën yë poom ets wintsë'kën mëti'ipë jëyujk ookyën mijts mwintuuy.

Biblia Mixe de Quetzaltepec

¹⁰ Yaj'ijxpëjktëp yë Israel ja'ayëty ets tyukni''ijxëtyëp yë m'ënä'ämën mtëyajtën ets ja m'aaw m'ayuk. Pyëjkta'aktëp ma wintsë'këntyaknën yë poom ets wintsë'kën mëti'ipë jëyujk ookyën mijts mwintuuy.

Deuteronomio 33:10 ပူးပေါင်းရင်းမြစ်များ

Salmos 51:19

Jäänëm xy'ëxajëty ja wintsë'kën mëti'ipë myajmoopyën, tä yë jëyujk tsajpkaajën, jëëntë'ëtspë; jäänëm myajtukwintsë'ëkëty ja tsajpkaa ayääkë ma mwintsë'këntyaknën.

Ezequiel 43:27

Jëtu'un kya'pxëty wëxtujk xëëw, e kom tuktujk xëëw jää nëjkx wiinkpë tsyo'ontä'äky ma ja wintsë'kën yajyäkyën ko ja nay'ëëw'oy näykyajpx'oyë y'itëty. Ënet nëjkx miitsëty n'ëxaj nkupëktë winë aaw winëjot. Ëjts mëti'ipë Wintsën'ajtpën, ëjts jëtu'un nikäjpxyp.

1 Samuel 2:28

E ma tëkokyë yë Israel ja'ayëtyën, mijts ojts nwin'ixtë etsës xymyëtuntëty ets mteety'atëty. Xyaktëty ja wintsë'kën ets xynyino'oktëty jam ma ja wintsë'këntyaknën, xyajtoytyëty ja poom ets xëmë xymyëët'atëty ja mwitëty mëti'ipë mëteety'atëpën ëjts nwintuuyës. Ojts näjyëtu'un nmo'oyës yë m'ap m'okëty ja jë'kxy pëky tä ja tsyu'utyën mëti'ipë myëmiintëpën ja Israel ja'ayëty ets yë'ë tsu'utstëty tjë'kxtëty.

Hebreos 9:24

Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Dios wyintum ets xëmë xynyinu'kxtakëmë.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Nehemías 8:18

Wëxtujk xëëw xyëëwtuuntë; tyajtso'ontaktë mëtu'kxëëw ets tyajëjpkëjxtë ma wyëxtujk xëëwpetyën, winjëpom ja Esdras ijty ja ja'ay tukwinkukajpxë ja ënä'ämën tëyajtën mëti'ipë Wintsën jyä'ä'ajtypyën; kom tuktujk xëëw jää ojts ye'eymyujkta'atë ja ja'ayëty ets tu'uk ja mëj xëëw tyaj'apatëtyë jëtu'un tä ënety tyu'unën'atyën.

2 Crónicas 30:22

Ezequías mëj këjää tkukajpxëy mëët ko ënety ja teetytyëjkëty ets ja Leví ja'ayëty të pyutëkëty winë aaw winëjot ma Wintsënën. Tëë ënety wëxtujk xëëw xyëëwtuntë ma të tyaktën ja wintsë'kën ma Wintsënën, ma t'ëëwkëjxy tkajpxkëjxtën ja pyoky ets ma të twin'ëw të twinya'axtën,

2 Crónicas 26:18

ets ojts t'ojtë ja yajkutujkpë, jëtu'un t'ënëmaaytyë: Mijts yajkutujkpë tëë mtëkoy, jä'ä ko ka'ap myijtsëty mpaatyë xyakëty yë wintsë'kën ets mijts xytyukwino'ok xytyukwinxamëty yë poom yë Wintsën, yë teetytyëjkëty yë'ë patëtëp, yë Aarón yë y'u'unk y'ok, mëti'ipë të yajtukmëkënu'kxëtën. Paaty tim pëtsëm tyämyë, jä'ä ko mijts ka'ap yë Wintsën të xymyëj'ixy, yë'ë ka'ap t'oy'ixy ko mijts jëtu'un të m'ëtë'ëtsy.

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.

Deuteronomio 33:11

Wintsën mijts mkënu'kxëp tääpë ja'ayëty, ma jyot myëjaaw tyajtuntën, mijts m'ëxaj mkupëkëp mëti'ipë mtuknimiinëtëpën ets mëti'ipë yajnimëjaawtaktëpën. Pën mëtsip'ajtëtëp ëxëëk xytyunëty, m'atëj mtuktëjëyëp ja jyëwiitsëty, këtiipë jëna'a y'ëknipëtë'kënëtëty.

Esdras 7:10

Yë Esdras tëë ënety jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

Deuteronomio 27:14

E ja Leví ja'ayëty mëti'ipë teety'ajtëpën, nëjkxëp tmëkajpxtë ja naax kajpn mëët ya'atë ja aaw ayuk:

Hageo 2:11

ets tyuknipëjkë ets mëët ja Dios xyëëwkyëjxm, mëti'ipë maaytyääyëpën winë tyajtëwëty ja teetytyëjkëty wi'ix tnijawëtë ja ënä'ämën kuttujkën:

Hageo 2:12

Ko tu'uk yë ja'ay tsu'utsy tmënëjkxëty winpity mëët yë wit ets ja wit tpaatëty ja tsajpkääky, ja tojkx, ja tsatym nyëë, ja on ëkë tukka'any: ¿Yë'ëkyëjxm ënety wa'ats të wyi'imyë? Ets ja teetytyëjkëty y'ëtsoowtë ko ka'ap.