Deuteronomio 32:7 - Biblia Dc en Mixe de Quetzaltepec

⁷ Ëkmëmay ëkmëtaj, ets ëkja'amyäts ja tëëyëpë; pën ka'ap xyjyä'äymyetsy, yajtëw ja mteety mtaak, wä'än mtukmëmëtyä'äkyë:

Biblia Mixe de Quetzaltepec

⁷ Ëkmëmay ëkmëtaj, ets ëkja'amyäts ja tëëyëpë; pën ka'ap xyjyä'äymyetsy, yajtëw ja mteety mtaak, wä'än mtukmëmëtyä'äkyë:

Deuteronomio 32:7 ပူးပေါင်းရင်းမြစ်များ

Salmos 44:1

Mijts Dios, tëës nmëtowtë mëët yë nkë'ëmtatskëtyës, ets ojts xytyukmëmëtya'aktës yë n'ap n'okëtyës wi'ix ojts winë xytyunyën tëëyëp ko yë'ëjëty jyuuky'ajtë.

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Deuteronomio 4:32

Yë'ë ëkmëmay ëkmëtajtë ja tëëyëpë. Yë'ë ëk'ixtë ma Dios ojts ëka'any yë naaxwiinyëtë ja'ay tyajkojyën. Nëjkx yajnitëwëtë oymyaajëty pën tëë jëtu'un winë y'ëktuun y'ëkjajtëpë ëkë pën tëë winë y'ëkyajnija'apë tä tyamën.

Isaías 63:11

Ënet tja'amyäjtstë ja tëëyëpë, ma ja Moisés tyaj'ëwaatsëpëtsëëmyën ja nyaax kyajpn, ets nyäyajtëëwëtë: ¿Maa jëtäätën ja Wintsën mëti'ipë yajnajxën ja Israel kajpn mëët ja Moisés ma ja mëjmejyën, jëtu'un tä mëti'ipë tsajppax ets kupixyny kyëwent'ajtypyën? ¿Maa jëtäätën ënät? mëti'ipë ja Moisés yajtuunën mëët yë kënu'kxypyoj,

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Jueces 6:13

Ets ja Gedeón y'ëtsooy: Ëknamä'kx Wintsën, pën mijts myajpatp mëët ëëtsëty ¿wi'ix koos o'ktëy njatë nkëpätë? ¿Maajëtën ja mëj'ajtën të nyëjkxta'ay mëti'ipës ja n'ap n'ok nyikajpxtën ko mijts ojts jap winë xytyuny Egiptë? Yë Wintsën tëëjës xy'ëxmajtsnëtë ets tëëjës xykyë'ëyajknëtë ma Madián ja'ayëtyën.

Salmos 119:52

Wa'atsës nja'amyetsy wi'ix ojts tëëyëp yë m'aaw m'ayuk xyajwë'ëmyën; ma m'aaw m'ayukën, Wintsën, jamës yë njotkujk'ajtën npaaty.

Salmos 77:8

¿Tëë jëtää jäpaat kyixy nyäxy yë tsyojkën jya'awënë? ¿Tëë jëtää kyixy nyäxy ja wyaantakën xëmëkyëjxmë?

Salmos 10:6

ets ënät myäy tyäjy ko ni pën kyamayëtëty, ets nijëna'a tkapaata'any yë ëyo'on jotmay.

Éxodo 12:26

E ko ënety ja m'u'unk m'ëna'këty jëna'a myajtëwëtë: ¿Tiitën mnixëëwtuuntëp?

Salmos 78:5

Dios ojts tu'uk tpëjktä'äky yë ënä'ämën mëti'ipë tyukmëwë'ëmën yë Jacob, ojts tu'uk yë ënä'ämën tpëjktä'äky mëti'ipë yë Israel kajpn pyatunëpën, ets ojts tuk'ëne'emy ja n'ap'ajt n'ok'ajtëm ets tuk'ëwaanëtëty tukni''ixëtëty ja y'u'unk y'okëty,

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.