Deuteronomio 32:5 - Biblia Dc en Mixe de Quetzaltepec

⁵ Miitsëty ëxëëkja'aytyëjkëty, mëti'ipë ka'ap oypyë ja jot winma'any xymyëët'atën, mëti'ipë je'eyë yajjoot'anpëjktëpën yë Dios, ets ka'apë pyaatëtë yaj'u'unkniwa'antëty.

Biblia Mixe de Quetzaltepec

⁵ Miitsëty ëxëëkja'aytyëjkëty, mëti'ipë ka'ap oypyë ja jot winma'any xymyëët'atën, mëti'ipë je'eyë yajjoot'anpëjktëpën yë Tios, ets ka'apë pyaatëtë yaj'u'unkniwa'antëty.

Deuteronomio 32:5 ပူးပေါင်းရင်းမြစ်များ

Génesis 6:12

Jä'ä ko ja naaxwiinyëtë ja'ayëty tëë ënety wyinma'anytyëkoytyë. Ko ja Dios t'ijxy ko yaa naaxwiiny naaxkëjxy mëj këjää ënety ja ja'ay pyokytyuunë.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Éxodo 32:7

Ënet ja Dios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Proverbios 8:8

Tu'kë'ëyë yë n'aaw n'ayuk aakyë'ë mëti'ipë tëyajtënën. Ka'apës yë'ë nkäjpxy mëti'ipë ka'ap tyiyëtyën.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 63:8

Jëtu'un të y'ënä'äny: Yë'ës nkajpn'ajtyp, ka'ap nijëna'a xy'ëxmatsa'antës. Ets ojts tyajtso'oky

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Sofonías 3:7

Ënet të nmay të ntajyës: Ko ënät yë Jerusalén tsyë'ëkëty ets ënät tkupëkëty yë pyoky ets y'oyëty; jëtu'un ka'ap kyutëkoyëty yë jyëën tyëjk ko ënety të ntukumëtoyës ja pyoky. E yë'ëjëty poj'am winë të tuuntëkoytyë.

Mateo 16:4

Ja ëxëëk ja'ay, mëti'ipë Dios y'ëxmajtstëpën, yë'ë y'amëtoowtëp ets tyunëtëty ja mëj'ajtën. Ka'ap tii mëj'ajtën yajtuk'ixa'antë, yi'iyë mëti'ipë ojts tyunyë jyätyën ko ja Jonás jyuuky'äjty. Tääts twinwa'ktuty ets ojts nyijkxy.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Mateo 3:7

Ko ja Juan Yajnëëpäjtpë t'ijxy ko may ja fariseë ja'ayëty ets satuceë ja'ayëty nyiminyë ets tyajnëëpätëty, ënät t'ënëmaay: Tsa'any miits mteety'ajt m'ap'ajtëp, ¿pën të m'ënë'ëmxëtë ko xykyukä'äktëty ja ëyo'on mëti'ipë miimp këtakpën?

Lucas 9:41

Tääts ja Jesús y'ënäny: Miits, ja'ayëty, ka'ap mmëpëktë ets ka'ap tyiyëty mëti'ipë mtuuntëp mkajpxtëpën. Jekyës yam njayajpatkojy mëët miitsëty ¿tii ko ka'ap mëpëktë? Yaa m'u'unk yajmin.

Juan 8:41

Näy yë'ë miits mtuuntëp mëti'ipë ja mteety tyuuntëpën. Tääts ja jutiis ja'ayëty y'ëtsoowtë: Ka'apës kyanaak'atë yë nteetyëty, Tiosës tu'ukyë nteety'ajtëp.

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

Deuteronomio 4:16

Ets këtii oynatii xyajnikojtu'utëty, ëkë xyaj'akojnaxtëty tu'uk yë to'oxytyëjk ëkë ye'etyëjk,

Deuteronomio 4:25

Ko ënety xymyëët'ajnëtë ja m'u'unk m'ëna'këty, ja m'ok'u'unk m'ok'ëna'këty ets të mmëjja'ayënëtë ets jää xyajkoj'awinajxtëpëty oynatii, mpokytyuntë jëtu'un ma ja Wintsënën mëti'ipë mTiosajtëpën ets yë'ë xyajjoot'anpëktëty.

Deuteronomio 9:24

Ix tää yajnijawë ko jëtu'un xytyimyajtu'uye'eytyë, tyimtso'ontäky ma ojts ëka'any n'ixy'ajtë'ëktën je'eyë nëkoo Wintsën xykyäjpxykyumëtoownajxtë.

Filipenses 2:15

këtiipë pën mpoky'ixëtëty, wa'ats aaw wa'ats jot mja'ay'atëty ma ja ja'ayëtyën mëti'ipë ëxëëk juuky'ajtëpën ets ëxëëk ja y'aaw jyotëty. Jëtu'un tä matsa'ajën miits m'ajaj m'atë'kxtëty ma yë'ëjëtyën yaa naaxwiiny.

Jueces 2:19

E ko ja ja'ay y'o'knë mëti'ipë ënety tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënety tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.