Deuteronomio 32:46 - Biblia Dc en Mixe de Quetzaltepec

⁴⁶ Ko y'ëëwtaaytyë ënät yë Moisés t'ënëmaay ja naax kajpn: Mëmay mëtajtë tyam mëti'ipë të ntukmëmëtya'aktën, nëjkxëp näjyëtu'un xytyukmëmëtya'aktë ya'atë aaw ayuk, mëti'ipë ja ënä'ämën tëyajtën nyimëtyäkpyën.

Biblia Mixe de Quetzaltepec

⁴⁶ Ko y'ëëwtaaytyë ënät yë Moisés t'ënëmaay ja naax kajpn: Mëmay mëtajtë tyam mëti'ipë të ntukmëmëtya'aktën, nëjkxëp näjyëtu'un xytyukmëmëtya'aktë ya'atë aaw ayuk, mëti'ipë ja ënä'ämën tëyajtën nyimëtyäkpyën.

Deuteronomio 32:46 ပူးပေါင်းရင်းမြစ်များ

1 Crónicas 22:19

E tyam yë'ë ënät mtuntëp, tu'ukyë ja mwinma'any xypyëjkta'aktëty ma Wintsënën, mëti'ipë m'ëwtatëpën. Tuknipëjktaakëtë yajxon ets xykyojtëty ja Wintsën ja tsyajpjëën tsyajptëjk ets jëtu'un yajmëminëty ja kyaaxë ets ja apëjk atu'unën mëti'ipë ëmaayëtyën ma Wintsën ja tyëjkën ets jap yajpëjkta'akëty ma ja mëti'ipë yajkojaanpën.

Ezequiel 40:4

Ënet tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Deuteronomio 11:18

Ya'atë aaw ayuk yë'ë xëmë mjot'atëp, ets mmëmay mmëtajtëp; jëtu'un xytyimmëët'atëty tä jeexyë jam mkë'ëkëjxm ets mwinpokëjxm xymyëët'atën këxtsumy.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Lucas 9:44

Mëtoow'itë ya'atë aaw ayuk mëti'ipë yam ntukmëtowantëpën. Yajkë'ëyakaanp yë naaxwiinyëtë ja'ay yë y'U'unk ma ja'ayëtyën.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënety yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.

Proverbios 12:28

Ko në'ë tu'u yajye'ey mëti'ipë mëtëyën, tukpatp yë juukyajtën; e ko jä'ä ja në'ë tu'u yajye'ey mëti'ipë tsuuja'aytyëjk ye'eytyëpën, o'kën yajpatp.

Ezequiel 44:5

Ënätës yë Wintsën të xy'ënëëmë: Mijts ye'etyëjk, yajxon ijxwa'kx ets mëtoowkukë mëti'ipë yam ntukmëmëtya'akäämpyën, ja ënä'ämën tëyajtën mëti'ipë jap tunëpën ma tsajptëjkën. Yajxon xytyim ixëty pën mëpaat tyëkë ets pyëtsimy ma tsajptëjkën.

Amós 5:4

Jëtu'un yë Wintsën t'ënëmaay yë Israel ja'ayëty: Ëjts nimiintëkës ets mjuuky'atëty.

Deuteronomio 11:19

Yë m'u'unk m'ëna'këty nëjkxëp xytyuk'ëwaanëtë ets xytyukni''ixëtë ya'atë aaw ayuk, wä'än tjamëty ma mjëën mtëjkëtyën, ma në'ë tu'ujën, ëkë ma ënety ma'ajan mpo'kxanëtën; näjyëtu'un ko ënety ma'aypyëtë'ëktë.

Salmos 78:5

Dios ojts tu'uk tpëjktä'äky yë ënä'ämën mëti'ipë tyukmëwë'ëmën yë Jacob, ojts tu'uk yë ënä'ämën tpëjktä'äky mëti'ipë yë Israel kajpn pyatunëpën, ets ojts tuk'ëne'emy ja n'ap'ajt n'ok'ajtëm ets tuk'ëwaanëtëty tukni''ixëtëty ja y'u'unk y'okëty,