Deuteronomio 32:4 - Biblia Dc en Mixe de Quetzaltepec

⁴ Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Biblia Mixe de Quetzaltepec

⁴ Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Deuteronomio 32:4 ပူးပေါင်းရင်းမြစ်များ

Génesis 1:31

ënät yë Dios t'ijxy janty'oy tu'kë'ëyë mëti'ipë ënety të tyajkojyën. Jëtu'un ojts kyä'pxy ja mëtëtujk xëëwpë.

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

2 Samuel 22:47

Juuky'ajtp yë nWintsënës. Kënu'kxy xëmë xyëëw y'itëty mëti'ipës xypyëjk'ijtp xymyajts'ijtpën. Wä'än mëj'äämpy tyajjawë yë Wintsën mëti'ipës të xyajnitso'okyën. Mëti'ipës xy'akëëytyujkp xy'axajtujkpën këtiipës nka'ajëty ëxëëktum

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

2 Crónicas 19:7

Ets t'ënëmaay: Mwinkutsë'ëkëtëp yë Wintsën ets mëk xytyim'ixtëty wi'ix winë oy xytyuntëtyën, jä'ä ko Wintsën ka'ap jëtu'unyë tnani''ijxnaxa'any ja ka'apë myëtëyëtyën ja tu'unën kajpxën, ka'apë pën tii oy tnipaye'eyën, ëkë mëti'ipë ëxëëktu'un ëxëëkajpxën nyimeenypyijkpyën.

Nehemías 9:8

M'ijx ko mijts ënety mtimtyuk'ijxpäjtëp, paaty tyuuny ja käjpxytyu'unën mëët yë'ë: Ko xy'ënëmaay ko yë'ë nëjkx ja y'u'unk y'ok xymyo'oy ja nyaaxëty ma tsyëënëtën ja Canaán ja'ayëty, Hit ja'ayëty, Amor ja'ayëty, Ferez ja'ayëty, Jebús ja'ayëty ets gergeseos ja'ayëty; e tëëjës ja m'aaw m'ayuk xjyäntykyuuytyuny jä'ä ko mijts mpatuunpy ja mëti'ipë mnikäjpxypën.

Job 34:10

E miitsëty, ixpëky jyä'äyëty, mëtowtë yajxon. Ka'ap mëpaat nma'ayëm ntajëm ko yë Dios, mëti'ipë maaytyääyëpën winë tuuntëkoopy kajpxtëkoopy ets ka'ap tii oy tnipaye'ey.

Job 35:14

Oy mja'ëna'any ko ka'ap yë Dios maa xy'ixy, yë'ë ëwxit, jä'ä ko yë mjotmay tëë tnanija'awënë.

Job 36:23

ka'ap tjëkyepy ni pën tyuk'ëwaanëtëty tii tyunëpën, ka'ap tjëkyepy pën tyukwinmëtowëtëty tii tëkatsy tyuunpyën.

Job 8:3

Yë Dios, mëti'ipë maaytyääyëpën winë, ka'ap nijëna'a tëyajtën tyajma'aty ets ka'ap nijëna'a tuny ka'apë myëpaatëtyën.

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

Salmos 138:8

Yë Wintsën, oy tsuj tyajwinpëtsëma'any yë tyu'unën kyajpxën maas ëjts xypyutëkën. Wintsën, yë mtsojkën mja'awën xëmëkyëjxm yë y'ity; këtii jëtu'unyë xy'ëxmatsy tuuntuk mëti'ipë tëë xyajtso'ontä'äkyën.

Salmos 145:17

Yë Wintsën wa'ats winë tuny ma nyë'ë'aaw tyu'u'aawën, aak'oy winë tuny tkäjpxy.

Salmos 146:6

Yë'ë yajkoj ja tsajp ets naax, yë mejy ets tu'kë'ëyë mëti'ipë yajpatp ma yë'ëjëtyën, mëti'ipë nyikäjpxypën, jä'ä tyuunpy.

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Salmos 18:46

Juuky yë Dios. Kënu'kxy yë xyëëw y'ity mëti'ipës xykyuwaanp xynyixajpën. Wä'än mëj'äämpy tyajpëjktä'äky yë Dios mëti'ipës xyajkäktsokpën.

Salmos 19:7

Yë Wintsën yë y'ijxpëjkën tëy yë'ë, jä'ä ko yäjkpy jempyë juukyajtën. Yë Wintsën yë y'ënä'ämën aak tëyajtën yë'ë, paaty yë ja'ay mëti'ipë yu'unk naxym juukyajtpën wijy tyaj'awinpity.

Salmos 31:5

Mijts nkë'ëmoopy yë njot nja'awënës; Yaj'ëwaatsëpëtsëëmkës, Wintsën, mëtëypyë Tios'atyën.

Salmos 33:4

Yë Wintsën yë y'aaw y'ayuk tëyajtën yë'ë; yë'ë ntuk'ijxmëp ko winë të tyajkojy ko yë'ë mëtëy ets wa'ats.

Salmos 78:35

jäänëm ënät ja Dios Ni'ik Këjxmëpë tja'amyätstë ets kyuwa'anëtëty.

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

Salmos 90:16

Mijts myajkutukëp ets mtuunpë yë y'u'unk y'ok t'ixtëty wi'ix winë të xytyuny të xykyäjpxyën ets wi'ix yë mmëj'ajt m'oyajtën y'ityën.

Salmos 92:15

Yë'ë nyikajpxantëp ko yë Wintsën, mëti'ipës xykyuwaanpën mëtëy winë tuny ets ma yë'ëjën ka'ap jyam'aty ëxëëkpë nipaye'eyën.

Salmos 97:2

Na'ëwtity yajpaaty mëët yë yoots, yë mëtëypyë nipaye'eyën ets oypyë ja kuttujkën yë'ë jeky yaj'ijtyp ja kyutujktakn.

Salmos 98:3

tëë tyajnikëxë'ëky ko tmëëtëty yë oyjyot oywyinma'any, ets tëë tuny mëti'ipë të tuknipëjktaakën ma Israel kajpnën, Mapaat yë naaxwiinyëtë y'ëwtityën të yajnijawë ko Tëyajtën ko tëë tmëmëtakta'ay yë myëtsip.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Dios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

Eclesiastés 3:14

Ets nän nija'apës ko tëkokyë mëti'ipë yë Dios të tyajkojyën kë'ëyxyëëw kë'ëyjyëmëjt yë y'ita'any. Mëti'ipë të tyajkojyën ka'ap tjëkyepy ni'ikyë nyaj'o'oyëmëty ëkë ni'ikyë nyajma'tmëty; tëë winë tyajkojy ijxtëm mëpaat yajtuk'oy'ätyën ets yë'ë yajmo'ojëty tu'uk ja.

Isaías 17:10

Jä'ä ko të xyjyä'äytyëkoy yë Wintsën mëti'ipë të myajtso'okyën, ka'ap të xyjyä'äymyetsy ko yë'ë tsoktakn'ajtp, jëtu'un tä tu'uk tsaakopkën. Mijts janty'oy ja mkam mtu'u xy'oytyuny, ets ja pëjy oyjätyëty jam xynyi'ipy xykyojy, yë'ë mtukwintsë'ëkëjäämpy mëti'ipë wiink naax wiink kajpn y'ëwtajtëpën,

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 26:4

Yë'ë xëmë tyuk'ijxpäjtëp yë Wintsën, jä'ä ko yë'ë tsoktakn'ajtp winë xëëw winë jëmëjt.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Jeremias 9:24

Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Habacuc 1:12

Mijts Wintsën, xëmëkyëjxm mjuuky'äty ets wa'ats mTios'aty ¿këtiijë? Wintsën, mëti'ipës xykyuwaanp xynyixajpën, mijts të xymyo'oy mëk'ajtën yë caldeo ja'ayëty ets yë'ë tuntëty ja paye'eyën.

Habacuc 1:13

Mijts wa'ats ni'ik myajpaaty ka'ap tjëkyepy xy'oyjyawëty yë ëxëëkpë ets ka'ap tjëkyepy xy'oy ixëty yë ma'atpë; ¿wi'ix ko amonyë m'ity ko yë ja'ay yajja'ay'ooktë ets ka'ap tii ayuk xykyäjpxy ko ëxëëkja'aytyëjk tyajtëkoy ja mëti'ipë jëtu'un katim ja'ay'ajtpën tä yë'ëjën?

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Mateo 5:48

Wa'ats nnäyaj'itëtë, ijxtëm yë Dios tsajpjotmëpë wa'ats nyäyaj'ityën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 5:22

Ka'ap ja Dios Teety pyaye'ey; ja y'U'unk të tuknipëky ets të tmo'oy ja kuttujkën ets pyaye'eyëty,

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Romanos 2:2

Yajnija'ap ko Dios pyaye'ey ijxtëm pyaat'atyën, ko tyiytyuunpy mëti'ipë jëtu'un ja'ay'ajtëpën.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Romanos 3:5

E pën ëxëëk ëëts winë të ntu'unëmë ets tyajnikëxë'ëky ko mëtëy yë Dios winë tuny, ¿Wi'ix na'ëna'anmëty? ¿Ko Dios ka'ap tii oy tuny ko xytyukkëpäjtëm ja mpoky'ajtëmë? Jëtu'unës yam nkäjpxy ijxtëm ja naaxwiinyëtë ja'ay myäy tyäjyën.

1 Corintios 10:4

nän yë'ë nëë y'uktë mëti'ipë tsaajoty pëtsëëmën. Ja tsaa yë'ë ja Kristë, mëti'ipë ënety mëët tyu'uye'eytyën.

Deuteronomio 10:18

Mëti'ipë nyipaye'epyën ja ku'ooky'u'unk ku'ookytyo'oxy ets mëti'ipë myoopyën ja wyit tyujkxy ja jaaypyaat jaaypyo'kxy; mëti'ipë yajpatëpën ma miitsëtyën.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Deuteronomio 32:18

Mijts Israel ja'ayëty tëë ja mteety xyjyä'äytyëkooynyë, mëti'ipë mkëwent'ajtëpën. Tëë xyjyä'äytyëkooynyë ja mTios mëti'ipë juukyajtën mooyëpën.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Santiago 4:12

Tu'uk je'eyë mëti'ipë ja ënä'ämën yajkën ets ja ja'ay tpaye'eyëty; nän yë'ë yajnitso'okaanp ets yajwintëkoyaanp. E mijts, ¿Mpënmës ko ja mmëku'uk ja pyoky xytyukwinmëtoy?

1 Pedro 2:6

Paaty näjyëtu'un y'ënä'äny ja Dios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Dios mëti'ipës n'ëwtajtëpën, ka'ap ma wiinkpë jëtu'unpë tä mijtsën.