Deuteronomio 32:30 - Biblia Dc en Mixe de Quetzaltepec

³⁰ Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Biblia Mixe de Quetzaltepec

³⁰ Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Deuteronomio 32:30 ပူးပေါင်းရင်းမြစ်များ

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

2 Reyes 7:5

Ënet ojts tuknipëjktaakëtë koots, tëë ënety tsyu'ujënyë ko ojts tsyoontë jam nyëjkxtë ma yajpaatën ja tsiptuunpëtëjkëty, sirië ja'ayëty, këwent'ajtëp jam; ko jam jyajtë nimaa pën kyaka'ty.

1 Crónicas 12:14

Ya'atë ja'ayëty mëti'ipë Gad y'u'unk'ajtyp y'ëna'k'ajtypyën, yë'ë ijty nyiwintsën'ajtëp ja tsiptuunpëtëjkëty. Ja niwäänëpë jä'ä jyä'äy tu'kmëko'px, e ja nimaypyë jä'ä jyä'äy tu'uk mil.

2 Crónicas 24:24

Ka'ap ënety nëkooyë nyimay'atë ja Sirië tsiptuunpëtëjkëty, je'eyëp ko Wintsën ojts kë'ëm tyajkutuky ets myëta'aktëty, mëët ko ënety ja Israel ja'ayëty të tkäjpxykyumëtoownaxtë ja Wintsën, mëti'ipë ja y'aptëjk y'ëwtajtën. Jëtu'un'äämpy ja Joás ojts tkëpety ja y'ëxëëkjot y'ëxëëk winma'any.

Job 11:10

Pën miimp yë Dios ets tsumy tmatsy yë ja'ay ets tukumëtowa'any ja tyëko'oyën, ¿pën y'ëkjëjpkuwa'akëp?

Job 16:11

Tiosës të xypyëjktä'äky ma ja'ay ëxëëk jyä'äy'atën ets ma ja'ayëtyën mëti'ipë yajja'ay'o'ktëpën.

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.

Salmos 44:12

jëtu'un tpatnë tä jeexyë yë mnaax mkajpn janty mëpaat të xynyito'knën, e tiitën mpatyp m'ijxyp ko janty mëpaat xytyooky.

Isaías 30:17

Tu'uk ja ja'ay nëjkx je'eyë y'ity mëti'ipë nitu'kmil yajkä'äkëpën, nimëkoxk ja ja'ay nëjkx y'itë mëti'ipë myajkäkta'ajëtëpën; koonëm niwäänë mwë'ëmtëty, jëtu'un tä tu'kpajk muum yë kepy të yajkuwopën tunkëjxm mëti'ipë ja'ay ijxpäjn wyäämpyën.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 52:3

Jä'ä ko yë Wintsën jëtu'un y'ënä'äny: Ëjts nitu'kjënu'unën të nka'ëxajës ko ojts myajnitooktë, tyam nän nitu'kjënu'unën kyatsokyë ets nyaj'ëwaatsëpëtsëmtëty.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Josue 23:10

Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Dios mnitsiptuunëtëp jëtu'un tä të tnikäjpxyën.

Jueces 2:14

Paaty ojts yë Wintsën mëk tukjoot'anpëky yë Israel kajpn ets tyajkutujky ets ja mä'tspë ëxëëk tyunëtëty ets tpëjkta'ajëty tiijaty ënety myëët'ajtëpën ets ëxëëk tyuunëtë ja myëtsipëty mëti'ipë ënety jam mëwinkon'ajtëtëpën.

Jueces 3:8

Paatykyëjxm yë Wintsën ojts tyukjoot'anpëkëtë ets kyë'ëyajkëtë ma ja Cusan-risataim, ja yajkutujkpë mëti'ipë jam ënä'ämpën Mesopotamia. Yë Israel ja'ayëty wëxtujk jëmëjt tmëtuuntë yë yajkutujkpë Cusan-risataim.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Dios mëti'ipës n'ëwtajtëpën, ka'ap ma wiinkpë jëtu'unpë tä mijtsën.