Deuteronomio 32:27 - Biblia Dc en Mixe de Quetzaltepec

²⁷ e ëjts ka'apës tu'ukyë njoot'anpëky, ënätës jatëkok nmayä'äny ntaja'any ka'ap yowë jëtu'un tyim'oy'atëty koos yë nmëtsip ntimyajxoonta'akëty. Ka'apës ntsoky ets mëj këjxm nyäjyawëtëty, ëkë y'ëna'antëty: Ix ënät ëxëëk jyajnëtë kyëpäjnëtë yë Israel ja'ayëty, ëëtsajtëm jëtu'un o'ktëy të ntu'unëmë, ka'ap yë'ëjëty yë Wintsën.

Biblia Mixe de Quetzaltepec

²⁷ e ëjts ka'apës tu'ukyë njoot'anpëky, ënätës jatëkok nmayä'äny ntaja'any ka'ap yowë jëtu'un tyim'oy'atëty koos yë nmëtsip ntimyajxoonta'akëty. Ka'apës ntsoky ets mëj këjxm nyäjyawëtëty, ëkë y'ëna'antëty: Ix ënät ëxëëk jyajnëtë kyëpäjnëtë yë Israel ja'ayëty, ëëtsajtëm jëtu'un o'ktëy të ntu'unëmë, ka'ap yë'ëjëty yë Wintsën.

Deuteronomio 32:27 ပူးပေါင်းရင်းမြစ်များ

Salmos 140:8

Wintsën, këtii xy'ëwa'atsëty ets ja ëxëëkja'aytyëjk tpaatëty ja mëti'ipë tsyojkën'ajtëpën; këtii xy'ëwa'atsëty ets tuun'ëtë'ëtstëty mëti'ipë myääytyëp tyajtëpën. Mëti'ipës xynyawa'k xynyatënaaytyëpën, në'ix pa'at'ix nyaxtë tyëkëtë; wä'än jam tkëtakta'ay ja pojkën ma yë'ëjëtyën mëti'ipë yë'ëjëty kë'ëm kyajpxpëtsëëmtëpën.

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.

Josue 7:9

Ja Canaán ja'ayëty mëti'ipë winkon tsënaaytyëpën ko ënät nijawëtëty koos ka'ap ja nmëtsip të xyajmëta'aktë, yë'ë nämyukëtëp ënätëty ets xyajkutëkoya'antëtyës. E ko ënety ëëts të n'o'kta'atë, ¿pën ja mxëëw nyaja'amyätsëp?

Éxodo 32:12

¿Wi'ix jëtu'un ko ënät xy'ëwa'atsa'any ets Egiptë ja'ayëty y'ëna'antëty: Dios tëkatsy ënety yë wyinma'any, ko ojts yaa Egiptë yajpëtsëmëtë, paaty ojts yaa jyuutëtë, jä'ä ko jam yaj'ooka'anëtë muum kopkkëjxm ets jëtu'un'äämpy jyo'otsa'anëtë yaa naaxwiiny naaxkëjxy? Yajjëwa'ak jëtu'unpë winma'any ma mijtsën, ko m'ëna'any ko xyajkutëkoyä'äny yë mnaax mkajpn.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Jeremias 19:4

jä'ä ko yë Israel ja'ayëty ojts xy'ëxmatstës ets ojts ya'atë it naaxwiinyëtë tyaj'awinpitë wiink naax wiink kajpn, wiink tios ojts tukwintsë'ëkëtë ja poom jok, ja tios mëti'ipë ënety ka'ap t'ixy'atën ets ja y'ap y'okëty ets Judá yajkutujkpë nän ka'ap ënety të t'ixy'atë; ojts jam tämtë tjä'ätsë ja wa'ats ja'aytyëjk ja jyot nye'pnyëty.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Isaías 37:10

Yë Dios, mëti'ipë mtuk'ijxpejtypyën, jëtu'un m'ënë'ëmxëty ko Jerusalén kajpn ka'ap wi'ix ntuna'anyës. Këtii mnätyukwin'ëënëtëty.

Isaías 48:11

Yë'ëkyëjxm koos ja nxëëw mëj'äämpy nyäxy, paatyës jëtu'un të ntuny, jä'ä ko yë nxëëwës ka'ap tjëkyepy nyipäxëtëkëty. Ka'apës nkupëka'any etsës ja nmëj'ajt n'oyajtënës wiinkpë yajmo'ojëty.

Deuteronomio 9:28

Këtiipë käjpxy jam y'ëna'anëty ma ojts xyajpëtsëmyën: Yë Wintsën ka'ap të myäyë ets tääpë naax kajpn jam tyajja'tëty ma ja it naaxwiinyëtën, mëti'ipë tyukwinwa'anëyën, e jä'ä ko wyiink'ijxypytyëm jëtu'un, je'eyë ojts yaa twoowtsoony ets jam të'ëts'itjotm t'ëxmajtsy ets y'o'kta'atëty.

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.