Deuteronomio 32:25 - Biblia Dc en Mixe de Quetzaltepec

²⁵ Yë y'u'unkëty y'ëna'këty jam nëjkx muum kupuxy y'ooktë tu'ujotm, jap tyëkotyëty tsë'ëkëtëp jam xëmë, ooktëp ja yä'äy'ëna'k, to'oxy'ëna'k, mëjja'ay mutskja'aypyë, pi'k'ëna'këty mëti'ipë tsi'tstëpnëm.

Biblia Mixe de Quetzaltepec

²⁵ Yë y'u'unkëty y'ëna'këty jam nëjkx muum kupuxy y'ooktë tu'ujotm, jap tyëkotyëty tsë'ëkëtëp jam xëmë, ooktëp ja yä'äy'ëna'k, to'oxy'ëna'k, mëjja'ay mutskja'aypyë, pi'k'ëna'këty mëti'ipë tsi'tstëpnëm.

Deuteronomio 32:25 ပူးပေါင်းရင်းမြစ်များ

Ezequiel 7:15

Jap tëja'p tsip jap tuunëp, tëkoty yuu pa'am jap. Mëti'ipë kajpnjoty yajpatëpën tsipjoty y'ooka'antë, e mëti'ipë kamjoty yajpatëpën yuu xëëw, yuu pa'am yaj'ookanëtëp.

Lamentaciones 1:20

Wintsën ix yë nmonyë ntukyës, tim ma'tääpyës njawë njot nini'kx. Je'eyës yë n'aaw njot nja'awënë y'atijmujknë ko të nkäjpxykyumëtoownaxyës. Jap tëja'p yo'kpuxyës jap yë n'u'unk n'ëna'k y'ooktë, e yaa tëkoty nän o'kën yap ijtp.

2 Corintios 7:5

Je'eyës nja'ajtë jam Macedonia, ka'apës npo'kxtë, xii yaas ja jotmay npaatë. Aak tsip, wintuuy jëxkë'ëy ets xëmës n'aawjoty njootjoty ntsë'ëkëtë.

Lamentaciones 4:4

Nëkooyë y'u'unk y'ëna'k yuu o'kënëtë, tëë pya'kxwiin nyamëj'o'tspäjnëtë. Jya''amëtoow yë pi'k ëna'këty tii kyäytyëpën, je'eyëp ni pën kyayajkayë.

Jeremias 9:21

Tëë ja o'kën tëko'oyën jyä'ty ma njëën'ajt ntëjk'ajtëmën, tëë jam jyä'ty ma nkutujkëntëjk'ajtëmën; yaj'o'kpy ja u'unk ëna'k në'ëjoty tu'ujoty ets ja ëna'ktëjk jam kajpnjotm.

Isaías 30:16

je'eyë të m'ëna'antë: Nikë oy ntimkyäkmëty, kwaaykyijxy nkäkmëty. Oy, kä'äktë. Tëë m'ëna'antë: Yë'ë ntukäkmëp kepy wintëkäämpë mëti'ipë mëk pëyë'kpën. Je'eyëp ko ja mmëtsipëty mëk ni'ik pyëyë'ëktë poj'am nëjkx mnajtspaatëtë.

2 Crónicas 36:17

Ënet ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

2 Reyes 7:5

Ënet ojts tuknipëjktaakëtë koots, tëë ënety tsyu'ujënyë ko ojts tsyoontë jam nyëjkxtë ma yajpaatën ja tsiptuunpëtëjkëty, sirië ja'ayëty, këwent'ajtëp jam; ko jam jyajtë nimaa pën kyaka'ty.

Jeremias 44:7

Ëjts Wintsën mëti'ipë maaytyääyëpën winë, mëti'ipë ja Israel ja'ay Tyios'ajtëpën, ëjts ënaanp. ¿Tii ko kë'ëm tääpë ëyo'on jotmay mnätyukniminëtë, wi'ix ko miitsëty kë'ëm xy'ëwa'atstë ets ni'ëmukë y'ooktëty yë Judá ja'ayëty, ye'etyëjk to'oxytyëjk, pi'k ëna'k ets yë'ëpaat mëti'ipë tim je'eyë të myëxu'unk'atyën, këtiipë pën wyë'ëmëty?

Jeremias 44:8

¿Wi'ixës ko xyajjoot'anpëktë mëët mëti'ipë mtuuntëpën, ko yë poom xytyukwintsë'ëkëtë wiink tios yaa Egiptë ma të mintën tsënääpyë? Ko jëtu'unpë xytyuntë, kë'ëm mnäyajkutëkoya'anëtë ets ijxpät mwa'antëty ma të myajpoktën ets o'ktëy mjatëty ma ja naax kajpnëtyën naaxwiinyëtë apëtsëmy.

Oseas 9:12

Oy ënety jya'u'unk ijxtëpë, mpëjkëjantëpës yë'ëjëty këtiipë nitu'uk tmëwë'ëmtëty. Mon tuk tääpë ja'ay yajpaata'antë koos ënety n'ëxmatstë.

Oseas 9:16

Tëë yë Efraín tsyëtyuty, tä tu'uk yë kepyën mëti'ipë të tyi'itsyën yë tyikts ets ka'ap y'ëktëëmpäjnë. Oy tjamëët'atë y'u'unk, nyaj'ookanëpës yë y'u'unk myääy.

Oseas 11:6

Tunanëp yë tsip ma nyaax kyajpnëtyën ets kyutëkoyä'äny mëti'ipë ta'tspëky ets këwent'atyën, mëët ko ënety ëxëëkëty të myäy të tyajtë.

Miqueas 6:14

Mjakayëp, je'eyëp ko ka'ap mku'uxëtëty, je'eyëm myuu'ookëtëty; mjayajmukëp mjë'kxy mpëky, je'eyëp ko ka'ap nëjkx tii xypyääty ets oy ënety tii të xyjyapaaty ko ja tsip tyunëtëty jää nëjkx tyëkooytyä'äy.