Deuteronomio 32:24 - Biblia Dc en Mixe de Quetzaltepec

²⁴ Yë jëënpa'am ets yuu yë'ë nëjkx yaj'o'kta'ajëtë, ma yë'ëjëtyën jam'atëp yë pa'am ëyo'on, jëënpa'am ets jëyujk mëti'ipë yajja'ay'ookëpën, tä yë tsa'anyën, kaa jëyujkën ets jëyujk ëwa'anëtypë.

Biblia Mixe de Quetzaltepec

²⁴ Yë jëënpa'am ets yuu yë'ë nëjkx yaj'o'kta'ajëtë, ma yë'ëjëtyën jam'atëp yë pa'am ëyo'on, jëënpa'am ets jëyujk mëti'ipë yajja'ay'ookëpën, tä yë tsa'anyën, kaa jëyujkën ets jëyujk ëwa'anëtypë.

Deuteronomio 32:24 ပူးပေါင်းရင်းမြစ်များ

Ezequiel 5:17

Jëtu'un, nyajminäämpyës yë yuu, pa'am o'kën, jëyujk ëwa'anëtypë mëti'ipë nëjkx tsyu'utsëtën ja m'u'unk m'ëna'këty; ets may nëjkx m'ooktë tsipjotm. Ëjts, mëti'ipë Wintsën'ajtpën, ëjts ënaanp.

Habacuc 3:5

Yë'ë winye'eyëp mëkëtypë ëyo'on jotmay ets yë'ë ix'am panëjkxëp mëk jëënpa'am.

Amós 9:3

Ko jam jyanäyu'utsëtëty këjxm ma Carmel kopkën, mpaja'tëpës jampaat; ko jap pën jyanäyu'utsëtëty nëëpa'tkë'p, nëjkxëpës jap ntuknikäxtë yë nëë jëyujk mëjpë ets tsyu'utsëtëty;

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Ezequiel 14:15

E koos nkäxëty yë jëyujk ëwa'anëtypë jam kajpntum ets tyaj'o'kta'atëty yë ja'ay mëti'ipë jam tsënaaytyëpën ets tyaj'awinpitëty ja naax kajpn kutsë'ëkë ets ka'ap jam pën y'ëknaxanëty mëët ko ënety jam ja jëyujk.

Lamentaciones 5:10

Jajp toopy ëëts ja njot nini'kxëty jëtu'un tä jëënkopk jyäjyën tyoyën, mëët jëën mëti'ipës mpa'am'ajtëpën.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 15:3

Ëjts, mëti'ipë Wintsën'ajtpën, ëjts jëtu'un ënaanp: Taxkpëkyës nkäxa'any yë ëyo'on jotmay: tam mëti'ipë tsipjotm ookaanpën, tam mëti'ipë uk nëjkx tsyu'utyën, tam mëti'ipë lut majkwejkxy nëjkx yë jyot nyini'kx yajkëjxëty ets tam mëti'ipë nëjkx kaa jëyujk myätsyën.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Isaías 65:25

Ja pa'uk ets ja kupixyny tu'ukyë nëjkx y'oktë wyëtstë, yë kaa ets tsajpkaa tu'kmukyë jyë'kxa'antë, ets tsa'any naax jyë'kxäämpy. Maas yë wa'atspë nkopkën ka'ap nëjkx pën jyiiky myëku'uk tmëtëkoy.

Salmos 120:4

Jëtu'un je'eyë mjatëty tä jeexyë tsiptuunpë ja'ay kyu'umën myajtukkumyën, ëkë jëtu'un tä jeexyë jëënpajk myajtuktsa'ayën.

Salmos 91:6

ets ëyo'on mëti'ipë këtakpën ko kyoots'aty ni yë'ë xykyatsë'ëkëty, näjyëtu'un mëti'ipë yaj'ookaanpën ko xyiiny'äty;

Deuteronomio 28:53

Ma ënety ja mëtsip mpajëtityën, yë yuu xëëw yë'ë nëjkx ka'ap myajmëtä'äkyë, nëjkxëp kë'ëm ja m'u'unk m'ëna'k xytsyu'tsnë, wä'än yë'ëjëty ja yä'äy'ëna'kpë to'oxy'ëna'kpë mëti'ipë ja mWintsën të mjamo'oyën.

Deuteronomio 28:22

Nëjkxëp jam tyaj'ity ma mijtsën mëkëtypë pa'am ëyo'on: tä yë mëkjëënpa'amën, ki'ix pa'amën, kuxäjëpa'amën ets yajkëta'akäämpy jam näjyëtu'un yë xëëw'an, mëti'ipë winë yajtëtsta'ajëpën, jëtu'un'äämpy nëjkx kyutëkoy ja mtsajpmokam, mjë'kxykyam ets ja ëyo'on jotmay jëtu'un nëjkx xëmë mpajëtijtënë tii yowënë.

Génesis 49:15

Ko ojts t'ijxy ko ja naax kajpn janty'oy ets oy yajtukmëwin'ijxtëwë ets wya'anëty po'kxtakn. Ënet yë jyëxk ojts tyäky ets ja tsëmy kë'ëy tpa'atwa'këy, nitii ojts tkakäjpxy ets nyäpyëjktakë mëtuunpën.

Génesis 3:14

Ënet yë Wintsën t'ënëmaay yë tsa'any: Mëëtkyëjxm ko jëtu'unpë të xytyuny, poky mijts xëmë m'itëty ma wiinkëtpyë jëyujkën. Tyam ets kë'ëyxyëëw kë'ëyjyëmëjt mox'ak mtukye'eyëp ets naax mjë'kxëp ets yë'ë xynyijuuky'atëty.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Job 20:16

Yë'ë tsa'any yë xyëwät të twinmu'kë ets yë'ë yaj'ookanëp.

Jeremias 8:17

Jëtu'un yë Wintsën y'ënä'äny: Yë'ë ntuknikäxantëp yë tsa'any mëti'ipë mtsu'utsëtsëtëpën; oy pën tjawinkajpxta'akëty ka'ap tyuna'any.

Miqueas 7:17

Wä'än naaxmaj tkääptë tsa'anyën ets jëtu'un tä wiinkëtypë jëyujkën. Wä'än jap tpëtsëmtë ma pyä'änëtyën mëët ja tsëtyuyë ets tsë'ëkë tsë'ëkë mwinkuwa'akëty Wintsën, mëti'ipës nTios'ajtëpën.