Deuteronomio 32:22 - Biblia Dc en Mixe de Quetzaltepec

²² E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Biblia Mixe de Quetzaltepec

²² E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Deuteronomio 32:22 ပူးပေါင်းရင်းမြစ်များ

Lamentaciones 4:11

Yajnajx ja Wintsën ja tsyip y'äkë, ojts tyajmëtä'äky ja jyoot'an; yajnitooy ja Sión kajpn ets yë'ëpaat tyajkutëkooytyääy ja pyoty ëjx.

Jeremias 15:14

Mëtuunpë ëyoopë nyaj'awinpita'any ma mmëtsipën, ma ja naax kajpnën ka'apë xy'ixy'ätyën, jä'ä ko ja ntsip n'äkës jëënën të tsyooypyiky mëti'ipë winë yajtooytyëkoopyën.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Miqueas 1:4

Jëtu'un yë tun kopk jyiiywya'kxa'any ma tyekpya'tkën tä yë cerë jyiiywyä'kxyën ko yajjëënkupëky ets joy it jëtu'un mäjtskpëky wya'kxa'any tä jeexyë mëj komnëë të nyäwyä'kxyën.

Jeremias 17:4

Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Salmos 86:13

Mëjwiin këjää yë mtsojkën mja'awën xymyëëtëty mëët ëjts. Tëës mijts xyajtso'oky, ets ka'ap të xy'ëwa'atsy etsës n'ookëty ntëkoyëty etsës nka'ajëty jap o'kpëjutjoty.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Mateo 23:33

Jëtu'un miitsëty tä tsa'anyën, tsa'any mteety'ajt mtaak'ajtëp, ¿wi'ix xykyukä'äka'antë ja tëytyu'unën mëti'ipë jap ëyoowtaknjoty?

Mateo 18:9

Ets pën myajpokytyuunëp yë mwiin, juut ets ixka'ats; nikë oy ko mtëkëty wiintu'uk ma ja Dios ja kyutujktaknën këtii ko myajpëjkta'akëty ëyoowtaknjoty mëët ja mwiin mäjtsk.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Habacuc 3:10

Tim yu'kxtakp yë tun kopk ko m'ixyë; jam tsajpjotm mëk komtuu jam të tsyoony ets y'iitsy kyomy yë nëë o'pyky, mejyjoty ko nëkooyë jyänty pyëti'iky.

Ezequiel 36:5

Jëtu'un yë Wintsën y'ënä'äny: Yë n'aaw n'ayukës jëën mëëtpënës yam nkäjpxy mëët yë äkë ma ja wiinkpë ja naax kajpnën, ni'ik yë Edom kajpn, jä'ä ko yë'ëjëty mëët ja xoontakën ojts niwa'aktë ja nnaax nkajpnës ets mëët ja tsip äkë tyajpëtsëëmtaaytyë jap winë.

Lamentaciones 2:3

Tu'ktonyë të t'akojxtuky yë Israel yë kyutujkën. Tëë tjëpëjkta'ay yë myëk'ajtën ko të nwinkuwa'këmë yë nmëtsip'ajtëmë; tëë tnino'kta'ay winë mëti'ipëjaty të tpaatyën.

Jeremias 4:4

Miitsëty Judá ja'ayëty ets Jerusalén ja'ayëty, ja'amyätstë ko ëjts Wintsënajtp. Pëjkta'aktë jap mjootjoty mwinma'anyjoty ja käjpxytyu'unën mëti'ipë të ntu'unëmën; këtiipë tsyooypyëkëty jëënën ja ntsip n'äkës ko ënety tëkatsy tii xytyuntë ets ka'ap tjëkyäpëty wi'ix pyi'itsëtyën.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Isaías 24:6

Poky yë naaxwiinyëtë të y'ity, paaty o'ktëy të jyäty, Ja ja'ay mëti'ipë jam kukajpnajtëpën yë'ë ëyoowtëp paaty të nyiwäänëtë, ka'ap ja ja'ay y'ëknimay'ajnëtë.

Salmos 144:5

Wintsën tyam n'amëtoy npëjktsoy ets mnäy'awijtstu'utëtëty jam tsajpjotm ets mjënakëty, ton yë tun kopk wä'än yë jok jam tpëtsëmy;

Salmos 97:3

Tu'uk yë mëj jëën nyijkxy jëjp'am ma yë'ëjën ets no'ktëkooytyä'äy ja mëtsip mëti'ipë wyintuuy pyë'aay yajpatëpën.

Salmos 83:14

Jëtu'un tä yë jëën jyëtityën tunkëjxm kopkëjxy, ets tëkokyë tno'kta'ay winë,

Salmos 46:2

Paaty ka'ap tii yajtsë'ëk yajjawë, oyxyëp jeexyë yë naaxwiinyëtë wi'ix jya'ajtpë, oyxyëp jeexyë yë tun kopk tyimnëëkujijtääpyë këknëëjoty,

Salmos 21:9

ets jap xypyëjkta'aka'any jëënjoty ko ënety xynyipaye'ey ja nëë poky. Yë Wintsën mëët yë tsyip y'äkë, yë'ë nyino'okäämpy mëët yë jëën mëti'ipë yaj'o'k yajtëkoopyën.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënety të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

Ezequiel 38:19

Maas yam njoot'anpëkyën, jëtu'unës yam n'ëna'any nxëëwkyëjxmës ko jääjës nëjkx tu'uk yë ujx mëkpë nyajnaxy ma Israel kajpnën.

Amós 7:4

Ënätës yë Wintsën të xytyuk'ixy: Ko tu'uk yë ëyo'on të tkexy, mëti'ipë jëtu'un këxë'kpën tä jëënën, tëë tyajtë'ëtsy ja komnëë ets nëkooyë ja tun kopk të tyajwintooytyutaaynyë.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Lamentaciones 2:4

Yë Wintsën jëtu'un tä tu'uk yë mëtsipën, të two'ontë yë tyi'pxn, mëk yë kyë'ë të tpëjktä'äky; jëtu'un tä mëtsipën jëtu'un të tyajkutëkooytyä'äy mëti'ipëjaty ënety y'oy'ijxypyën; tä jëënën të tyajnaxy yë tsyip y'äkë ma Sión kajpn tyaj'ityën yë tsyiptuunpëtëjk.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Ezequiel 22:21

Jëtu'un y'ixë'atëty, nyajmëjëjäämpyës yë jëën mëëtës yë njoot'an; nwoowmukantëp ets nyaj'a'ë'tsmuka'antë jap kajpnjoty.

Amós 5:6

Yë'ë Wintsën ninëjkxtë ets mjuuky'atëty; pën ka'ap yë'ë xynyinëjkxtë kyäxäämpy yë jëën ma Israel kajpnën ets ka'ap jam Betel pën myäyëtëty wi'ix tyajpi'itsëty.

Sofonías 1:18

Ma ënety ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënety kajpnjoty tsënaaytyëpën poj'am y'o'kta'aja'antë.