Deuteronomio 32:15 - Biblia Dc en Mixe de Quetzaltepec

¹⁵ Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Biblia Mixe de Quetzaltepec

¹⁵ Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Deuteronomio 32:15 ပူးပေါင်းရင်းမြစ်များ

2 Samuel 22:47

Juuky'ajtp yë nWintsënës. Kënu'kxy xëmë xyëëw y'itëty mëti'ipës xypyëjk'ijtp xymyajts'ijtpën. Wä'än mëj'äämpy tyajjawë yë Wintsën mëti'ipës të xyajnitso'okyën. Mëti'ipës xy'akëëytyujkp xy'axajtujkpën këtiipës nka'ajëty ëxëëktum

1 Crónicas 5:25

Je'eyëp ko yë'ëjëty ojts ja Tyios t'ixtijënëtë mëti'ipë ojts ja y'aptëjk t'ëwtatën, ojts wiink wintsën t'ëwtajtnëtë, mëti'ipë ja naax kajpn y'ëwtajtëpën mëti'ipë ja Wintsën yajkutëkooyën ma yë'ëjëtyën.

2 Crónicas 12:1

Ko Roboam nyäjya'awëyë tëë jyotkujkë ma ja kyutujktaknën ets amëk jotmëk yajpaaty, ënät ojts ka'ap t'ëkpatuunë ja Wintsën ja y'ënä'ämën tyiyajtën ets ja Israel ja'ayëty aakjëtu'un ojts y'ëtëtstaknëtë.

2 Crónicas 26:16

Je'eyëp ko ojts nyäjyawëty tëë myëktä'äky jam ma kutujktaknën, amëj akëjxm ojts y'awinpijnë. Ka'ap ja Wintsën t'ëkmëj'ijxnë, tëjkënyëp jap tsajptëkoty kë'ëmwinma'any ets tno'ky ja poom kë'ëmwinma'any ma ja poom wintsë'këntyaknën.

Nehemías 9:25

Ojts tjä'ä'atë may ja naax kajpn mëti'ipë ënety ta'tspëkyëtyën ets mëti'ipë myëët'ajtypyën ja naax kajpn oyëtypë ets jë'kxynyaaxpë, ja naax kajpn ma oyëtypë ja jëën tëjkën ujtsëty mëët ja jë'kxy pëky ets wit meeny, jam'ajtp ja nëë, jam'ajtp ja kam, aaykyam ujtskam ets jë'kxykyam; ets kyääytyë y'uktë koonëm kyuxëtë ets jyot tyiin'ak tyaj'ujtstë mëët ko ënety mijts ja m'oyjot m'oywyinma'any xymyëët'aty.

Nehemías 9:26

Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënety tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Job 15:27

Onmëëtpën ja wyiin jyëjp je'eyë kyëxë'knë ets aakjëtu'un wyintuuy pyë'aay.

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Salmos 119:70

Yë'ëjëty tëë yë jyot wyinma'any jyo'ptaaynyëtë, e ëjts ntukxoontäkpyës mëti'ipës mijts xytyukni''ijxëpën.

Salmos 17:10

Je'eyë nyämyëjawëtë, amëj akëjxm kyajpxtë myëtya'aktë.

Salmos 18:46

Juuky yë Dios. Kënu'kxy yë xyëëw y'ity mëti'ipës xykyuwaanp xynyixajpën. Wä'än mëj'äämpy tyajpëjktä'äky yë Dios mëti'ipës xyajkäktsokpën.

Salmos 73:7

je'eyë janty ni'kxëty kyëxë'knëtë, mëpaatëp wyiintsaa pyëtsëëmnëtë; kanaak yajxon mëti'ipë ëxëëk myëmaay myëët'ajtëpën.

Salmos 81:11

E ja nnaax nkajpnës ka'apës ja n'aaw n'ayuk të xymyëtoow'ijtë: yë Israel ja'ay ka'apës të xymyëmëtoy.

Salmos 89:26

Täätsës xy'ënëëmëja'any: Mijts nTeety'äjtyp ets mijts nTios'ajtyp, mëti'ipës xyajnitsokpën ets xy'ijx'ijtp xykyëwent'ajtpën.

Salmos 89:27

Ets ëjts, nmo'ojäämpyës yë kuttujkën ets nyaxëty tä yë ajtykyopkën, ets yë'ë nyitënaaytya'ajëp tëkokyë yë ënä'ämpëtëjk jënu'un yajpaatën ënä'ämpë naaxwiiny naaxkëjxy.

Salmos 95:1

Mintë ni'ëmukë, tsojk nwin'ë'ëw nwinyaxëm yë Wintsën mëët yë xoontakën; tsojk nja'amyäjtsëmë ets ntukxoontakëmë mëti'ipë xykyëwent'ajtëmën ets xyajnitsokëmën.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 44:2

Ëjts jëtu'un Wintsënajtp, mëti'ipë ojts myajkojyën, mëti'ipë ojts m'oytyunyën ka'anëm ënety mëxu'unk'atynyëm ets mëti'ipë mputëjkëyëpën. Këtii mtsë'ëkëty mijts Jesurún, mëti'ipës të nwin'ixyën.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 2:32

¿Wä'än jëtää tu'uk to'oxytyëjk tja'atyëkoyëty yë nyantsëm, tyatsktëyë ets kyë'ëjiits mëti'ipë të tmëpëkyënë? Ka'ap yowë. Näyjyëtu'un jeexyë yë nnaax nkajpnës nän ka'apës jeexyë xyjyä'äytyëkoy, e yë'ë tëëyëpës xyjyä'äytyëkooynyë.

Jeremias 2:5

Jëtu'un ja Wintsën m'ënë'ëmxëtë: ¿Tii jëtää ojts ëxëëk t'ixtë maas ëjtsën ja m'ap m'okëty koos xy'ëxmajtstë? Yë'ë ojts tpanëjkxtëkëtë wiinkëtypë tios ka'apë tii mëj'ajtën tmëëtëtyën, yë'ëjëty ka'ap tii tpatë t'ijxtë.

Jeremias 5:28

je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Jeremias 5:7

Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.

Oseas 13:6

E ko miitsëty ja mjë'kxy mpëky may xymyëët'ajtë ets nyatëjkëy, amëj akëjxm ojts m'aaw mjot xyjyawëtë ets xyjyä'äytyëkoytyës.

Oseas 4:7

Ko ijty nyimayë'ëtë'ëtstë ja teety, ni'ikyë xymyëtëkoytyës; paatykyëjxm nyajtëkatsanëtës yë myëj'ajtënëty tsip käjpxy.

Hechos 28:27

Jä'ä ko ya'atë ja'ay yë jyot wyinma'anyëty juun yajpaatë, ëtuky yë tyatskëty, ets pi'its yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë wyimpitëty ma ëjtsën, ets jëtu'un ka'apës nyajtso'oktëty.

Hechos 9:5

Tääts ja Saulo tyajtëëy: ¿Mpën mijts, Wintsën? Ets y'ëtsooy: Jesusës ëjts, mëti'ipë m'ixjëtijtyp mpajëtijtypyën.

Deuteronomio 31:16

Ënet yë Wintsën t'ënëmaay yë Moisés: Wäänë y'itëty tääts m'o'knëty. E ya'atë naax kajpn ënätyë yë jyot wyinma'any tyajtëkoya'antë ets wiink wintsën ënätyë pyanëjkxantëp pën jëtu'unyë y'itë, ko ja Wintsën t'ëwtatëty mëti'ipë jam yajpatëpën ma ja naax kajpnën, mëti'ipë nyiwa'akantëpën. Ëjts nëjkxëpës xyjyä'äytyëkooynyëtë ets ja käjpxytyu'unën ka'ap nëjkx t'ëktuunëtë këwentë.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

Deuteronomio 33:26

Ni pën tkamëpaatëty yë Dios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Deuteronomio 33:5

ets jam'ajt ja yajkutujkpën Jesurún, ko ye'eymyujktaaytyë ja mëti'ipë nyikopk'ajtëpën ja kyajpn, ko ye'eymyujktaaytyë ja Israel ja'ayëty.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

1 Samuel 2:29

E pën jëtu'un y'ixë'aty tii ko ka'ap xy'ëkmëjpëjktaknëtë ja ayajk ako'onën mëti'ipë ja'ayëty yë Wintsën tyuknimiintëpën. ¿Wi'ix ko ja m'u'unk m'ëna'k jä'ä ni'ik mtsojkpy mja'ap ets këtiinëm ëjts, je'eyë xyajni'kxënyë mëët ja tsu'utsy mëti'ipë myëmiintëpën ëjts nwintuuyës ja Israel ja'ayëty, mëti'ipës nkajpn'ajtypyën?