Deuteronomio 31:8 - Biblia Dc en Mixe de Quetzaltepec

⁸ Yë Wintsën yë'ë kë'ëm mtu'unwinye'eyanëp ets yë'ë mjämyëët'atanëp. Nijëna'a mka'ëxmatsa'anyë ets mkayajwë'ëma'anyë atu'uk. Paaty këtii ninu'un mmayëty mtajëty ets këtii mtsë'ëkëty mjawëty.

Biblia Mixe de Quetzaltepec

⁸ Yë Wintsën yë'ë kë'ëm mtu'unwinye'eyanëp ets yë'ë mjämyëët'atanëp. Nijëna'a mka'ëxmatsa'anyë ets mkayajwë'ëma'anyë atu'uk. Paaty këtii ninu'un mmayëty mtajëty ets këtii mtsë'ëkëty mjawëty.

Deuteronomio 31:8 ပူးပေါင်းရင်းမြစ်များ

Éxodo 33:14

Tä ja Dios ojts y'ëtsoyë: Këtii mmay mtajy, ëjts yam mijts kë'ëm njämyëët'atäämpy ets jëtu'un mpo'kxëty.

Deuteronomio 31:6

Amëk jotmëk mnäjyawëtëty, këtii mtsë'ëkëtëty ko ënety yë mëtsip muum xywyinkuwa'akëtë. Jä'ä ko yë Wintsën yë'ë yajpaataanp ma miitsëtyën ets ka'ap nijëna'a m'ëxmatsa'anyë.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

1 Crónicas 28:20

Ënet yë David t'ënëmaay yë Salomón: Amëk jotmëk mtimy'itëty ets oy mtunëty, tuuntsoon. Këtii nëkoo mwinmaaytyëkatsëty ets këtii nëkoo mtsë'ëkëty, jä'ä ko yë nWintsën, ëjts yë nTiosës, mëti'ipës n'ëwtajtypyën yë'ë yajpaataanp mëët mijts xëmë. Yë'ë ka'ap nijëna'a m'ëxmatsa'anyë ets ka'ap mpuwa'ktuta'anyë, koonëm wyimpëtsëm jyëjpëtsëmëty ja tuunk mëti'ipë të xyajtso'ontä'äkyën ma ja Wintsën ja jyëën tyëjk xykyojyën.

Deuteronomio 9:3

E miitsëty yë'ë mëpaat xymyëmay xymyëtajtë, ko ja Wintsën, miits yë mTiosëty yë'ë mtu'uwinye'eyëtëp. Yë'ë jëyëjp nëjkxp ma miitsëtyën, jëtu'un tä tu'uk yë mëj jëënën mëti'ipë ka'ap nitii tyajwë'ëmyën. Tyajkutëkooytyä'äy ja naax kajpn maajaty tyimnaxyën. Ko tääpë naax kajpn xynyitëkëtëty, ka'ap tsip xyajtukwa'atstëty ets xyajkutëkoytyëty ja nyija'ay. Tu'k'ijxmi'kyxyë nëjkx kyutëkooytya'atë tä ja Wintsën të tnikäjpxyën.

Deuteronomio 31:3

E miitsëty yë'ë yam ntukmëtowantëp ko këtii mmaytyëty mtajtëty, yë Wintsën yë'ë xëmë yajpaataanp ma miitsëtyën ets yë'ë nëjkx kë'ëm tyajkutëkooytyä'äy ja naax kajpn maajaty ënety mnaxtën ets nëjkx xynyiwa'aktë ja it naaxwiinyëtë. Yë Josué yë'ë nëjkx mtu'uwinye'eyëtë ets yë'ë nëjkx mnikopk'atëtë, jëtu'un tä yë Wintsën të tnikäjpxyën.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Deuteronomio 4:31

Yë'ë mëët yë y'oyjyot y'oywyinma'any nëjkxëp mpa'ëyowëtë; ka'ap tu'ukyë m'ëxmatsa'anëtë ets ka'ap nëjkx myajkutëkooyënëtëpë. Ka'ap tja'atyëkoyä'äny ja käjpxytyu'unën, mëti'ipë tyuunën mëët yë m'ap m'okëty ko y'ënäny ko kopkpëky ko tuna'any.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

1 Reyes 11:38

Pën mijts xymyëmëtoowpës ets oy winë xytyuny ets mpatuunpy ja n'ënä'ämënës ntëyajtënës, ijxtëm ja David, ja ntuunpës ojts winë tunyën, ëjts xëmës nyajpaata'any ma mijtsën ets nëjkxëp mëk ja m'ënä'ämën mkutujkën yajpaaty jampaat ma ja m'u'unk m'ëna'k ets m'ok'u'unk m'ok'ëna'k jyuuky'atën, jëtu'un tä ja David ojts ja jyä'ä mëk y'ityën ets ja y'u'unk y'ok ojts y'ënä'ämtën; mijts nëjkxëp ntukë'ëtëjkëtyä'äy ja Israel kajpn.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Éxodo 32:1

Ko ja Israel ja'ayëty t'ijxtë ko ja Moisés nëkooyë pyoxnë jam kopkëjxm, ënät ojts jam nyämyukëtë ma ja Aaronkën ets t'ënëmaaytyë: Jotëkoy ets xy'oytyunëty tu'uk yë nwintsënëtyës mëti'ipës xytyu'uwinwowtëpën, jä'ä ko yë Moisés ka'ap y'ëkyajnija'awënë pën tii të jyätyë, mëti'ipë ojts ëëtsëty xyjyuutën jap Egiptë.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.

1 Reyes 6:13

ëjts nän nëjkxëpës jëtu'un winë ntuny tä ja David ojts ntukwinwanënës mëët mijts; ëjts tsëënëpës yë'ë ma ja Israel ja nyaax kyajpnën ets ka'apës nijëna'a n'ëxmatsa'antë.

1 Reyes 8:57

E tyam wä'än ja Wintsën yaa mëët ëëts'ajtëmë tyajpaaty, jëtu'un tä ojts yajpaatyën mëët ja nteety'ajt n'ok'ajtëmë, ka'ap mëpaat xy'ëxmajtsëmë ets ka'ap mëpaat xynyawa'ktutëmë.

1 Crónicas 22:13

Tëkokyë winë aak'oy mwinpëtsë'ëmxëtëty pën mtuumpy jëtu'un winë tä ja y'ënä'ämën kyutujkën myinyën mëti'ipë ja Moisés tyukmëwë'ëmën ja Israel ja'ayëty ets yë'ë tyajtuntëty. Mijts amëk jotmëkmës it ets këtii mayëty mtajëty.

Salmos 94:14

Yë Wintsën ka'ap yë nyaax kyajpn t'ëxmatsa'any ets ka'ap atu'uk tyajwë'ëma'any mëti'ipë jyä'ä'ajtypyën.