Deuteronomio 31:30 - Biblia Dc en Mixe de Quetzaltepec

³⁰ Ënet yë Moisés ojts tkajpxtsoony ya'atë ëy, ma tsyo'ontä'äkyën ets ma jyëjpkëxyën, tëë ënety ja Israel ja'ayëty jam nyiye'eypyätë.

Biblia Mixe de Quetzaltepec

³⁰ Ënät yë Moisés ojts tkajpxtsoony ya'atë ëy, ma tsyo'ontä'äkyën ets ma jyëjpkëxyën, tëë ënäty ja Israel ja'ayëty jam nyiye'eypyätë.

Deuteronomio 31:30 ပူးပေါင်းရင်းမြစ်များ

Hebreos 3:2

Jä'ä ko ja Jesús kyuuytyuun ja tuunk mëti'ipë ja Dios tuknipëjkën, näjyëtu'un ijxtëm ja Moisés tkuuytyuunyën ja tuunk mëti'ipë ja Dios ojts tyuknipëkyën ma ja nyaax kyajpnën.

Juan 12:49

Jä'ä ko ka'apës ëjts kë'ëm tii nnikäjpxy; ja Dios Teety, mëti'ipës të xykyexyën, yë'ëjës të xytyuk'ëne'emy mëti'ipës nkäjpxyp nmëtyäkpyën.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Hebreos 3:5

Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Dios ja kyajpnën ets ojts tnikäjpxy mëti'ipë ja Dios ënety kyajpxäämpyën.

Hechos 20:27

jä'ä ko tëë xëmë ntuk'ëwaanëtë mëti'ipë ja Dios tsyojkpyën, ka'apës tii të nkuyu'utsy.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Deuteronomio 32:1

Ets y'ënäny: Tsajp ets naaxwiinyëtë; mëtoow'itë ya'atë aaw ayuk mëti'ipës yam nkajpxäämpyën, ja'akyukëtë yajxon.

2 Samuel 22:1

Ya'atë ojts yë David t'ëy, ko ja Wintsën yajmëtakë, ma y'ixjëtijt pyajëtijtën ja Saúl, näjyëtu'un ja wiinkëtypë ja myëtsiptëjk.

Deuteronomio 31:1

Ënet yë Moisés ojts tyajmujkta'ay yë Israel ja'ayëty ets t'ënëmaay:

Deuteronomio 32:44

Ënet ja Moisés mëët ja Josué ojts jam nyäwya'këxë'ëkëtë ma ja mayjyä'äyën, ma ënety ja Israel ja'ayëty të nyiye'eypyäjta'atën. Ets ja Moisés mëët yë Josué, yë myaank yë Nun ojts nimäjtsk t'ëwtë ja ëy mëti'ipë ja Moisés jyääyën, ix'ajp ojts t'ëëwtsoontë ets jëtu'un tyajjëjpkëjxtë.